ಅಂತರಾಷ್ಟ್ರೀಯ ಕ್ರಿಕೆಟರ್ಸ್ ಜೊತೆ ಕರ್ನಾಟಕ ಚಲನಚಿತ್ರ ಕಪ್

Recommended Video

ಕೆಲವು ತಿಂಗಳುಗಳ ಹಿಂದೆಯಷ್ಟೇ ಯಶಸ್ವಿಯಾಗಿ 'ಕರ್ನಾಟಕ ಚಲನಚಿತ್ರ ಕಪ್' ಮೊದಲ ಸರಣಿ ಮುಗಿಸಿದ ಸ್ಯಾಂಡಲ್ ವುಡ್ ಕಲಾವಿದರು ಇದೀಗ ಸೀಸನ್ 2 ಗೆ ತಯಾರಾಗಿದ್ದಾರೆ. ಈ ಭಾರಿ ಚಂದನವನದ ತಾರೆಯರು ಅಂತರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಿರುವ ಕ್ರಿಕೆಟರ್ ಗಳ ಜೊತೆಯಲ್ಲಿ ಮೈದಾನಕ್ಕಿಳಿದು ಆಟ ಆಡಲಿದ್ದಾರೆ.

ಇಂದು (ಜುಲೈ21) ರಂದು ಸುದ್ದಿಗೋಷ್ಟಿ ನಡೆಸುವ ಮೂಲಕ ಆಟಗಾರರ ಪಟ್ಟಿಯನ್ನು ಕಿಚ್ಚ ಸುದೀಪ್ ಪ್ರಕಟ ಮಾಡಲಿದ್ದಾರೆ. ಈ ಸಲದ ವಿಶೇಷ ಎಂದರೆ ಕರ್ನಾಟಕ ಚಲನಚಿತ್ರ ಕಪ್ ಪಂದ್ಯದಲ್ಲಿ ಆರು ಅಂತರಾಷ್ಟ್ರೀಯ ಕ್ರಿಕೆಟರ್ ಆಟಗಾರರು ಸೇರ್ಪಡೆ ಆಗಲಿದ್ದಾರೆ.

ಒಬ್ಬೊಬ್ಬರು ಒಂದೊಂದು ತಂಡವನ್ನು ಪ್ರತಿನಿಧಿಸಲಿದ್ದು ಮೂಲಗಳ ಪ್ರಕಾರ ವೀರೇಂದ್ರ ಸೆಹ್ವಾಗ್, ಶ್ರೀಲಂಕಾದ ದಿಲ್ಷನ್, ಆಸ್ಟ್ರೇಲಿಯಾದ ಗಿಲ್​ಕ್ರಿಸ್ಟ್, ಸೌತ್ ಆಫ್ರಿಕಾದ ಹರ್ಷೆಲ್ ಗಿಬ್ಸ್ ಹಾಗೂ ಓವೈಸ್ ಶಾ ಕಲಾವಿದರ ಜೊತೆ ಕ್ರಿಕೆಟ್ ಆಡಲಿದ್ದಾರಂತೆ.

ಯಶ್, ಶಿವರಾಜ್ ಕುಮಾರ್, ಸುದೀಪ್, ಪುನೀತ್ ರಾಜ್ ಕುಮಾರ್, ಗಣೇಶ್ ಹಾಗೂ ಉಪೇಂದ್ರ ತಂಡಗಳು ಮೈದಾನದಲ್ಲಿ ಸೆಣಸಾಟ ನಡೆಸಲಿದ್ದು, ಈ ಬಾರಿಯ ಕ್ರಿಕೆಟ್ ಪಂದ್ಯಗಳು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿವೆ.