ಅಮ್ಮ ಆಗಲಿದ್ದಾರೆ ಐಂದ್ರಿತಾ ರೇ? ಸುಳಿವು ಕೊಟ್ಟ ದಿಗಂತ್!

ಸಂದರ್ಶನವೊಂದಲ್ಲಿ ದಿಗಂತ್ ಎದುರಾಗಿದೆ ಪ್ರಶ್ನೆ

ನಟ ದಿಗಂತ್ ಅವರು ಇತ್ತೀಚೆಗೆ ನಟಿ ಸೋನು ಗೌಡ ಜೊತೆಗೆ ಸಂದರ್ಶನವೊಂದರಲ್ಲಿ ಪಾಲ್ಗೊಂಡಿದ್ದಾರೆ. ಯುವರತ್ನ ಸಿನಿಮಾದ ಪ್ರಚಾರಕ್ಕಾಗಿ ಈ ಯೂಟ್ಯೂಬ್ ಸಂದರ್ಶನ ಮಾಡಲಾಗಿದ್ದು, ಸಂದರ್ಶನದಲ್ಲಿ ಸೋನು ಗೌಡ ಕೇಳಿದ ಪ್ರಶ್ನೆ ಹಾಗೂ ಅದಕ್ಕೆ ದಿಗಂತ್ ನೀಡಿದ ಉತ್ತರ ಮೇಲಿನಂತೆ ಅನುಮಾನ ಮೂಡಲು ಕಾರಣವಾಗಿದೆ.

'ದಿಗಂತ್ ಅಪ್ಪ ಆಗುತ್ತಿದ್ದಾರಂತೆ ಹೌದಾ?'

ಸಂದರ್ಶನ ಪ್ರಾರಂಭವಾಗುತ್ತಿದ್ದಂತೆ, 'ದಿಗಂತ್ ಅಪ್ಪ ಆಗುತ್ತಿದ್ದಾರಂತೆ ಹೌದಾ?' ಎಂದು ಕೇಳಿದ್ದಾರೆ ಸೋನು ಗೌಡ, ಇದಕ್ಕೆ ದಿಗಂತ್ ಜೋರಾಗಿ ನಗುತ್ತಾರೆ. ಅಲ್ಲಿಗೆ ಸುಮ್ಮನಾಗದ ಸೋನುಗೌಡ, 'ಹೇಳಿ ಇದು ನಿಜ ತಾನೆ?' ಎಂದು ಪ್ರಶ್ನಿಸುತ್ತಾರೆ. ಇದಕ್ಕೆ ಪ್ರತಿಯಾಗಿ ದಿಗಂತ್, 'ಪುಸ್ತಕವನ್ನು ಮುಖಕ್ಕೆ ಅಡ್ಡ ಇಟ್ಟುಕೊಂಡು, ಬಾಯಿ ಮೇಲೆ ಬೆರಳಿಟ್ಟುಕೊಂಡು ಸುಮ್ಮನಿರುವಂತೆ ಸೋನು ಗೌಡಾಗೆ ಸೂಚಿಸುತ್ತಾರೆ.

ಬೇಬಿ ಬಂಪ್ ಬಂದ ಮೇಲೆ ಉತ್ತರ ಕೊಡುತ್ತಾರೆ ಎಂದ ಸೋನು ಗೌಡ

ಸೋನು ಗೌಡ ಆಗಲೂ ಸುಮ್ಮನಾಗುವುದಿಲ್ಲ. ಬೇಬಿ ಬಂಪ್ ಬಂದಾದಮೇಲೆ ದಿಗಂತ್ ಇದರ ಬಗ್ಗೆ ಉತ್ತರ ಕೊಡುತ್ತಾರೆ ಎನ್ನುತ್ತಾರೆ. ಆಗಲೂ ನಕ್ಕು ಸುಮ್ಮನಾಗುವ ದಿಗಂತ್ ಟಾಪಿಕ್ ಬದಲಾಯಿಸಿ, ಬೇರೆಯದೇ ಏನನ್ನೋ ಮಾತನಾಡಲು ಪ್ರಾರಂಭ ಮಾಡುತ್ತಾರೆ ಸೋನು ಗೌಡ ಜೊತೆಗೆ. ಈ ಸಂಭಾಷಣೆಯನ್ನು ನೋಡಿದಾಗ ದಿಗಂತ್ ಹಾವ-ಭಾವದಿಂದ ಸ್ಪಷ್ಟವಾಗಿ ಗೊತ್ತಾಗುತ್ತದೆ ವಿಷಯ ಹೇಳಲು ದಿಗಂತ್ ಹಿಂಜರಿಯುತ್ತಿದ್ದಾರೆ ಎಂದು. ಒಂದುವೇಳೆ ಹಾಗಿಲ್ಲದಿದ್ದರೆ ನೇರವಾಗಿಯೇ ಹೇಳಿಬಿಟ್ಟಿರುತ್ತಿದ್ದರು ದಿಗಂತ್, ಹೀಗೆ ಸುಮ್ಮನಿರು ಎಂದು ಸಂದರ್ಶಕಿಗೆ ಸೂಚಿಸುತ್ತಿರಲಿಲ್ಲ್ ಅಲ್ಲವೇ?!

Recommended Video

ದಾಸನ ಹುಟ್ಟುಹಬ್ಬಕ್ಕೆ ವಿಶೇಷವಾಗಿ ವಿಶ್ ಮಾಡಿದ ಸ್ಟಾರ್ ಗಳು | Filmibeat Kannada

ಹಲವು ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ದಿಗಂತ್

ದಿಗಂತ್ ಹಾಗೂ ಐಂದ್ರಿತಾ ರೇ ಇಬ್ಬರು ಸಿನಿಮಾಗಳಲ್ಲಿ ಬಹು ಬ್ಯುಸಿಯಾಗಿದ್ದಾರೆ. ಲಾಕ್‌ಡೌನ್ ಸಮಯದಲ್ಲಿ ಫಿಟ್‌ನೆಸ್‌ ಕಡೆಗೆ, ಹೊಸ ವಿಷಯಗಳನ್ನು ಕಲಿಯುವ ಕಡೆಗೆ ಆಸಕ್ತಿವಹಿಸಿದ್ದ ಈ ಜೋಡಿ ಈಗ ಒಟ್ಟಿಗೆ 'ಕ್ಷಮಿಸಿ ನಿಮ್ಮ ಖಾತೆಯಲ್ಲಿ ಹಣವಿಲ್ಲ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ದಿಗಂತ್ ನಟಿಸಿರುವ ಯುವರತ್ನ ಶೀಘ್ರದಲ್ಲಿಯೇ ಬಿಡುಗಡೆ ಆಗಲಿದೆ. ಮಾರಿಗೋಲ್ಡ್, ಗಾಳಿಪಟ ಸಿನಿಮಾಗಳು ಚಿತ್ರೀಕರಣದ ಹಂತದಲ್ಲಿವೆ.