ಬೇಸರದಲ್ಲಿ ನಟಿ ರಾಖಿ ಸಾವಂತ್!

ಈ ವ್ಯಾಲೆಂಟೈನ್ಸ್ ಡೇ ರಾಖಿ ಸಾವಂತ್‌ಗೆ ಕಹಿ ನೆನಪು!

ಬಿಗ್ ಬಾಸ್ ಕಾರ್ಯಕ್ರಮಕ್ಕೆ ತೆರಳಿದ ಮೇಲೆ ಅವರ ಜನಪ್ರಿಯತೆ ಹೆಚ್ಚಾಯಿತು. ಆದರೆ ಅವರ ವೈಯಕ್ತಿಕ ಜೀವನದಲ್ಲಿ ಬಿರುಗಾಳಿ ಬೀಸಿದೆ. ಮದುವೆಯ ಬಳಿಕವೂ ಅನೇಕ ದಿನಗಳ ಕಾಲ ರಾಖಿ ಸಾವಂತ್​ ಅವರ ಮದುವೆ ನಿಗೂಢವಾಗಿಯೇ ಉಳಿದುಕೊಂಡಿತ್ತು. ಆದರೆ ಪತಿಯನ್ನು ಪರಿಚಯಿಸಿದ ನಂತರ ಅವರ ದಾಂಪತ್ಯ ಚೆನ್ನಾಗಿ ಇದೆ ಎನ್ನುವ ಸುದ್ದಿಗಳು ಹರಿದಾಡಿದ್ದವು. ಆದರೆ ಅಷ್ಟರಲ್ಲೇ ರಾಖಿ ಸಾವಂತ್ ಬ್ಯಾಡ್ ನ್ಯೂಸ್ ರಿವೀಲ್ ಮಾಡಿದ್ದಾರೆ. ಹೌದು ನಟಿ ರಾಖಿ ಸಾವಂತ್ ಅವರಿಗೆ ಈ ವ್ಯಾಲೆಂಟೈನ್ಸ್ ಡೇ ಕಹಿ ನೆನಪಾಗಿ ಉಳಿಯಲಿದೆ. ಯಾಕೆಂದರೆ ಅವರು ತಮ್ಮ ಪತಿ ರಿತೇಶ್ ಸಿಂಗ್ ಅವರಿಂದ ದೂರ ಆಗುತ್ತಿದ್ದಾರೆ.

ರಾಖಿ ಫೋಸ್ಟ್‌ನಲ್ಲಿ ಬಾವುಕ ನುಡಿ!

"ಆತ್ಮೀಯ ಅಭಿಮಾನಿಗಳು ಮತ್ತು ಹಿತೈಷಿಗಳೇ, ನಾನು ಮತ್ತು ರಿತೇಶ್ ಬೇರೆಯಾಗಲು ನಿರ್ಧರಿಸಿದ್ದೇವೆ ಎಂದು ಹೇಳಲು ಬಯಸುತ್ತೇನೆ. ಬಿಗ್ ಬಾಸ್ ಕಾರ್ಯಕ್ರಮದ ನಂತರ ಬಹಳಷ್ಟು ಘಟನೆಗಳು ಸಂಭವಿಸಿವೆ ಮತ್ತು ನನ್ನ ನಿಯಂತ್ರಣದಲ್ಲಿರದ ಕೆಲವು ವಿಷಯಗಳ ಬಗ್ಗೆ ನನಗೆ ತಿಳಿದಿರಲಿಲ್ಲ. ನಾವು ನಮ್ಮ ಭಿನ್ನಾಭಿಪ್ರಾಯಗಳನ್ನು ಪರಿಹರಿಸಲು ಪ್ರಯತ್ನಿಸಿದ್ದೇವೆ. ಆದರೆ ನಾವಿಬ್ಬರೂ ಸೌಹಾರ್ದಯುತವಾಗಿ ಮುಂದುವರಿಯುವುದು ಉತ್ತಮ ಎಂದು ನಾನು ಭಾವಿಸುತ್ತೇನೆ. ಮತ್ತು ನಾವಿಬ್ಬರೂ ನಮ್ಮ ಜೀವನವನ್ನು ಪ್ರತ್ಯೇಕವಾಗಿ ಆನಂದಿಸುತ್ತೇವೆ." ಎಂದು ಬರೆದುಕೊಂಡಿದ್ದಾರೆ.

ಪ್ರೇಮಿಗಳ ದಿನಕ್ಕೂ ಮೊದಲೇ ಬೇರಾದ ದಂಪತಿ!

"ಇದು ಪ್ರೇಮಿಗಳ ದಿನದ ಮೊದಲೇ ಸಂಭವಿಸಿದ್ದಕ್ಕೆ, ಈ ರೀತಿ ನಿರ್ಧಾರವನ್ನು ತೆಗೆದುಕೊಳ್ಳಬೇಕಾಗಿರುವುದಕ್ಕೆ ನಾನು ನಿಜವಾಗಿಯೂ ದುಃಖಿತನಾಗಿದ್ದೇನೆ. ಮತ್ತು ನಾನು ಎದೆಗುಂದಿದ್ದೇನೆ. ನಾನು, ರಿತೇಶ್ ಜೀವನದಲ್ಲಿ ಉತ್ತಮವಾಗಿರಲಿ ಎಂದು ಹಾರೈಸುತ್ತೇನೆ ಆದರೆ ನನಗೆ ಜೀವನದಲ್ಲಿ ಈ ಹಂತದಲ್ಲಿ ನನ್ನ ಕೆಲಸ, ನನ್ನ ಸಂತೋಷ ಮತ್ತು ಆರೋಗ್ಯದ ಮೇಲೆ ನಾನು ಹೆಚ್ಚು ಗಮನ ಕೊಡುತ್ತೇನೆ. ಯಾವಾಗಲೂ ನನ್ನನ್ನು ಅರ್ಥಮಾಡಿಕೊಂಡಿದ್ದಕ್ಕಾಗಿ ಮತ್ತು ಬೆಂಬಲಿಸಿದ್ದಕ್ಕಾಗಿ ಧನ್ಯವಾದಗಳು." ಎನ್ನುವುದನ್ನು ಪೋಸ್ಟ್‌ನಲ್ಲಿ ಬರೆದುಕೊಂಡಿದ್ದಾರೆ.

ಅಚ್ಚರಿ ಮೂಡಿಸಿದ ರಾಖಿ ಮದುವೆ, ಬ್ರೇಕಪ್!

ಬಿಗ್ ಬಾಸ್ ಕಾರ್ಯಕ್ರಮದಿಂದಲೇ ರಾಖಿ ಅವರ ಪತಿ ರಿತೇಶ್ ಬಗ್ಗೆ ಹೆಚ್ಚಾಗಿ ಜನರಿಗೆ ತಿಳಿದಿದ್ದು, ಅದರೆ ಕಾರ್ಯಕ್ರಮ ಮುಗಿದ ಬಳಿಕ ಈ ಜೋಡಿ ಅಚ್ಚರಿಯ ಬೆಳವಣಿಗೆಗೆ ಕಾರಣ ಆಗಿದೆ. ಯಾಕೆಂದರೆ ಇದ್ದಕ್ಕಿದ್ದ ಹಾಗೆ ಈ ಜೋಡಿ ದೂರ ಆಗುವ ನಿರ್ಧಾರ ಮಾಡಿದೆ. ಹಾಗಾಗಿ ರಾಖಿ ಸಾವಂತ್ ಬಿಗ್ ಬಾಸ್ ಕಾರ್ಯಕ್ರಮದ ಪ್ರಚಾರಕ್ಕಾಗಿಯೇ ಮದುವೆ ಆಗಿದ್ದಾರೆ ಎನ್ನಲಾಗುತ್ತಿದೆ. ಅದೇನೆ ಇದ್ದರು ಪತಿಯಿಂದ ದೂರ ಆಗಿರು ನೋವನ್ನು ಹಂಚಿಕೊಂಡಿದ್ದಾರೆ.