ರಮ್ಯಾ ಸದ್ಯದಲ್ಲೇ ಬ್ರೇಕಿಂಗ್ ನ್ಯೂಸ್ ಕೊಟ್ಟರೆ ಅಚ್ಚರಿ ಪಡಬೇಡಿ.!

ರಮ್ಯಾ ಈಗ ಎಲ್ಲಿದ್ದಾರೆ.?

ರಾಜಕೀಯ ಜಂಜಾಟ ಮತ್ತು ಸಿನಿಮಾ ಶೂಟಿಂಗ್.. ಇವೆರಡರಿಂದಲೂ ಬ್ರೇಕ್ ಪಡೆದುಕೊಂಡಿರುವ ರಮ್ಯಾ ಅಲಿಯಾಸ್ ದಿವ್ಯ ಸ್ಪಂದನ ಸದ್ಯ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಬೀಡುಬಿಟ್ಟಿದ್ದಾರೆ. ಸೋಷಿಯಲ್ ಮೀಡಿಯಾ ಮತ್ತು ಫೋನ್.. ಇವೆರಡಕ್ಕೂ ಗುಡ್ ಬೈ ಹೇಳಿ ಹಾಯಾಗಿ ಕಾಲಕಳೆಯುತ್ತಿದ್ದಾರೆ ಮಂಡ್ಯದ ಮಾಜಿ ಸಂಸದೆ.

ದುಬೈನಲ್ಲಿ ಮದುವೆ ಆಗ್ಬಿಟ್ರಾ ರಮ್ಯಾ.?

ರಮ್ಯಾ ದುಬೈನಲ್ಲಿ ಮದುವೆ ಆಗಿದ್ದಾರಂತೆ ಎಂಬ ಅಂತೆ-ಕಂತೆ ಸುದ್ದಿ ಇತ್ತೀಚೆಗಷ್ಟೇ ಗಾಂಧಿನಗರದಲ್ಲಿ ಗಿರಕಿ ಹೊಡೆದಿತ್ತು. ಇದೇ ಗಾಸಿಪ್ ಗೆ ರಮ್ಯಾ ಸ್ಪಷ್ಟನೆ ಕೊಟ್ಟಿರುವುದು ಹೀಗೆ - ''ಏನು ದುಬೈನಲ್ಲಿ ಮದುವೆನಾ.? ಆ ಫೋಟೋಗಳನ್ನ ನಾನೂ ನೋಡಬೇಕಲ್ಲಾ.? ಈ ಸುಳ್ಳು ಸುದ್ದಿಗೆ ಇಷ್ಟೊಂದು ಹೈಪ್ ಸಿಕ್ಕಿರುವುದು ನನಗೆ ಗೊತ್ತೇ ಇಲ್ಲ. ಯಾಕಂದ್ರೆ, ಸೋಷಿಯಲ್ ಮೀಡಿಯಾಗೆ ನಾನು ಗುಡ್ ಬೈ ಹೇಳಿದ್ದೇನೆ'' ಎಂದು ದಿನಪತ್ರಿಕೆಯೊಂದಕ್ಕೆ ರಮ್ಯಾ ಸ್ಪಷ್ಟನೆ ಕೊಟ್ಟಿದ್ದಾರೆ.

ಸೋಷಿಯಲ್ ಮೀಡಿಯಾಗೆ ಗುಡ್ ಬೈ ಹೇಳಿದ್ಯಾಕೆ.?

''ಕಾಂಗ್ರೆಸ್ ಸೋಷಿಯಲ್ ಮೀಡಿಯಾ ಮುಖ್ಯಸ್ಥೆಯಾಗಿ ರಾಹುಲ್ ಗಾಂಧಿ ಅವರು ನನ್ನನ್ನ ಆಯ್ಕೆ ಮಾಡಿದಾಗ ನಾನು ದೊಡ್ಡದಾಗಿ ಅನೌನ್ಸ್ ಮಾಡಲಿಲ್ಲ. ಹಾಗೇ, ಅದೇ ಸ್ಥಾನಕ್ಕೆ ನಾನು ರಾಜೀನಾಮೆ ಸಲ್ಲಿಸಿದಾಗ, ಅದನ್ನ ದೊಡ್ಡ ವಿಷಯವಾಗಿ ಪರಿಗಣಿಸಲಿಲ್ಲ'' ಎನ್ನುತ್ತಾರೆ ನಟಿ ಮತ್ತು ಮಾಜಿ ಸಂಸದೆ ರಮ್ಯಾ.

ಚಿತ್ರರಂಗಕ್ಕೆ ಕಮ್ ಬ್ಯಾಕ್ ಮಾಡ್ತಾರಾ ರಮ್ಯಾ.?

''ಚಿತ್ರರಂಗದಿಂದ ಅವಕಾಶಗಳು ಹುಡುಕಿಕೊಂಡು ಬರುತ್ತಿವೆ. ಇಲ್ಲಿಯವರೆಗೂ ರಾಜಕೀಯದಲ್ಲಿ ಬಿಜಿಯಿದ್ದ ಕಾರಣ, ಯಾವುದನ್ನೂ ಒಪ್ಪಿಕೊಂಡಿರಲಿಲ್ಲ. ಇನ್ಮೇಲೆ ಒಪ್ಪಿಕೊಂಡರೂ ಆಶ್ಚರ್ಯ ಇಲ್ಲ. ಚಿತ್ರರಂಗಕ್ಕೆ ಕಮ್ ಬ್ಯಾಕ್ ಮಾಡುವುದರಲ್ಲಿ ಮಜಾ ಇದೆ'' ಎಂದು ಸಂದರ್ಶನದಲ್ಲಿ ರಮ್ಯಾ ಹೇಳಿದ್ದಾರೆ.

ಹಾಗಾದ್ರೆ, ಬ್ರೇಕಿಂಗ್ ನ್ಯೂಸ್ ಗ್ಯಾರೆಂಟಿ

ವರ್ಷಗಳಿಂದ ಚಿತ್ರರಂಗದಿಂದ ದೂರವೇ ಉಳಿದಿರುವ ರಮ್ಯಾ ಇದೀಗ ''ಕಮ್ ಬ್ಯಾಕ್ ಮಾಡುವುದರಲ್ಲಿ ಮಜಾ ಇದೆ'' ಅಂತ ಹೇಳಿರುವುದನ್ನು ನೋಡಿದರೆ ಸದ್ಯದಲ್ಲೇ ಸ್ಯಾಂಡಲ್ ವುಡ್ ಸಿನಿಮಾರಂಗದಲ್ಲಿ ರಮ್ಯಾ ಕಮ್ ಬ್ಯಾಕ್ ಎಂಬ ಬ್ರೇಕಿಂಗ್ ನ್ಯೂಸ್ ಸಿಕ್ಕರೂ ಆಶ್ಚರ್ಯ ಇಲ್ಲ. ಮತ್ತೆ ನಟಿಸುವ ಇಚ್ಛೆ ವ್ಯಕ್ತಪಡಿಸಿರುವ ರಮ್ಯಾಗೆ ಉತ್ತಮ ಕಥೆ ಮತ್ತು ಪಾತ್ರ ಸಿಕ್ಕರೆ ಗ್ರೀನ್ ಸಿಗ್ನಲ್ ಕೊಡುವ ಸಾಧ್ಯತೆ ತುಂಬಾನೇ ಇದೆ.