ಗರತಿ ಗೌರಮ್ಮನ ಗೆಟಪ್ ನಲ್ಲಿ ಮುಮೈತ್ ಖಾನ್

ಮುಮೈತ್ ಖಾನ್

ತಮ್ಮ ದೇಹದ ತೂಕವನ್ನು ಇಳಿಸಿಕೊಂಡಿರುವ ಮುಮೈತ್ ಖಾನ್ ಸದ್ಯಕ್ಕೆ ತೆಳ್ಳಗೆ ಬಳುಕುವ ಬಳ್ಳಿಯಂತಾಗಿದ್ದಾರೆ. ಗರತಿ ಗೌರಮ್ಮನ ಗೆಟಪ್ ನಲ್ಲಿ ಪ್ರೇಕ್ಷಕರ ಮುಂದೆ ಬರುತ್ತಿದ್ದಾರೆ. ಕನ್ನಡದ ಒಂದೇ ಒಂದು ಚಿತ್ರ 'ಶೌರ್ಯ' ಚಿತ್ರದಲ್ಲಿ ಕುಣಿದಿದ್ದು ಬಿಟ್ಟರೆ ಮತ್ತೆ ಮುಮೈತ್ ಕನ್ನಡಕ್ಕೆ ಬರಲಿಲ್ಲ.

ಆದರೆ ಪಕ್ಕದ ಆಂಧ್ರ ಹಾಗೂ ತಮಿಳುನಾಡಿನಲ್ಲಿ ಸಖತ್ ಬಿಜಿ ತಾರೆ. ಸದ್ಯಕ್ಕೆ ತೆಲುಗಿನ ಚಿತ್ರವೊಂದರಲ್ಲಿ ಮುಮೈತ್ ಗೆಟಪ್ ಬದಲಾಯಿಸಿದ್ದಾರೆ. ಈ ಚಿತ್ರದಲ್ಲಿ ಗುರುತೇ ಸಿಗದಷ್ಟು ಆಕೆ ಬದಲಾಗಿರುವುದು ವಿಶೇಷ. ಮುಮೈತ್ ಅವರ ಈ ಹೊಸ ಗೆಟಪ್ ನೋಡಿದವರು ಚಕಿತರಾಗಿದ್ದಾರೆ.

ಚಿತ್ರದಲ್ಲಿ ಅವರ ಪಾತ್ರ ಏನು ಎಂಬುದು ಇನ್ನೂ ಬಹಿರಂಗವಾಗಿಲ್ಲ. ಆದರೆ ಫೋಟೋ ಮಾತ್ರ ಹರಿದಾಡುತ್ತಿದೆ. ಈ ಚಿತ್ರದಲ್ಲಿ ಮುಮೈತ್ ಅವರದು ಸೈಡ್ ರೋಲ್. ಆದರೂ ಈ ಗೆಟಪ್ ನಲ್ಲಿ ಕಾಣಿಸಿರುವುದು ಆಕೆಯ ಅಭಿಮಾನಿಗಳ ಪಾಲಿಗೆ ಕುತೂಹಲ ಮೂಡಿಸಿದೆ.