ನಿಖಿಲ್ ಕುಮಾರ್ ಜೊತೆ ಹೆಜ್ಜೆ ಹಾಕಲು ರೆಡಿಯಾದ ಬಿಟೌನ್ ನಟಿ

ಕನ್ನಡ ಸಿನಿಮಾದಲ್ಲಿ ಜಾಕ್ವೆಲಿನ್

ಬಾಲಿವುಡ್ ಬ್ಯೂಟಿ ಜಾಕ್ವೆಲಿನ್ ಫರ್ನಾಂಡೀಸ್ ಕನ್ನಡಕ್ಕೆ ಬರುವ ಸೂಚನೆ ಸಿಕ್ಕಿದೆ. ನಿಖಿಲ್ ಕುಮಾರ್ ಅಭಿನಯದ 'ಸೀತಾ ರಾಮ ಕಲ್ಯಾಣ' ಚಿತ್ರದಲ್ಲಿ ಭಾಗಿ ಆಗಲು ಜಾಕ್ವೆಲಿನ್ ಫರ್ನಾಂಡೀಸ್ ಅವರನ್ನು ಸಂಪರ್ಕ ಮಾಡಲಾಗಿದ್ಯಂತೆ.

ನಿಖಿಲ್ ಜೊತೆ ಜಾಕ್ವೆಲಿನ್ ಡ್ಯಾನ್ಸ್

ನಟಿ ಜಾಕ್ವೆಲಿನ್ 'ಸೀತಾ ರಾಮ ಕಲ್ಯಾಣ' ಚಿತ್ರದ ಸ್ಪೆಷಲ್ ಸಾಂಗ್ ನಲ್ಲಿ ಹೆಜ್ಜೆ ಹಾಕಿಸಲು ಚಿತ್ರತಂಡ ಮನಸ್ಸು ಮಾಡಿದ್ದು ಈಗಾಗಲೇ ಸಂಪರ್ಕವನ್ನು ಮಾಡಲಾಗಿದ್ಯಂತೆ. ಹಾಡಿನಲ್ಲಿ ಹೆಜ್ಜೆ ಹಾಕಲು ಮನಸ್ಸು ಮಾಡಿದ್ದು ಡೇಟ್ಸ್ ಬಗ್ಗೆ ಮಾತುಕಥೆ ಆಗಬೇಕಿದ್ಯಂತೆ.

ಬೇಡಿಕೆಯ ನಟಿ ಜಾಕ್ವೆಲಿನ್

'ಆಪ್ ಕಾ ಕ್ಯಾ ಹೋಗಯಾ', 'ಜಾದು ಕೀ ಜಪ್ಪಿ' ಮತ್ತು 'ಬಾಗಿ -2' ಸಿನಿಮಾದ ಏಕ್ ದೋ ತೀನ್ ಹಾಡಿಗೆ ಸಖತ್ ಸ್ಟೆಪ್ ಹಾಕಿದ್ದ ಜಾಕ್ವೆಲಿನ್ ಇತ್ತೀಚಿಗಷ್ಟೆ ರೇಸ್ -3 ಸಿನಿಮಾದಲ್ಲಿ ಸಲ್ಮಾನ್ ಖಾನ್ ಜೊತೆ ನಟಿಸುವ ಮೂಲಕ ಫೇಮಸ್ ಆಗಿದ್ದರು. ಸದ್ಯ ಸುಶಾಂತ್ ಸಿಂಗ್ ರಜಪೂತ್ ಜೊತೆ ನಟಿಸುತ್ತಿದ್ದಾರೆ,

ಜಾಗ್ವಾರ್ ಜೊತೆ ತಮನ್ನಾ

ಈ ಹಿಂದೆ ನಿಖಿಲ್ ಅಭಿನಯದ ಜಾಗ್ವಾರ್ ಸಿನಿಮಾದಲ್ಲಿ ನಟಿ ತಮನ್ನಾ ಅವರನ್ನು ಕರೆಸಲಾಗಿತ್ತು. ವಿಶೇಷ ಹಾಡೊಂದಕ್ಕೆ ತಮನ್ನಾ ಹೆಜ್ಜೆ ಹಾಕಿದ್ದರು.