'ನವರಸ' ಕಲಾಸೇವೆಗೆ 40 ವರ್ಷ: ಸಾರ್ಥಕ ವೃತ್ತಿಗೆ ಸಹಕರಿಸದವರ ನೆನೆದ ಜಗ್ಗೇಶ್

ಬೆಳವಣಿಗೆ ಪ್ರೋತ್ಸಾಹಿಸಿದ ಎಲ್ಲರಿಗೂ ಋಣಿ: ಜಗ್ಗೇಶ್

'ಈ ಬೆಳವಣಿಗೆಗೆ ಪ್ರೋತ್ಸಾಹಿಸಿದ , ನಿರ್ದೇಶಕ ನಿರ್ಮಾಪಕ ಭುಜತಟ್ಟಿದ ಅಂದಿನ ನನ್ನ ಕಲಾಕುಟುಂಬ, ಮಾಧ್ಯಮ ಕನ್ನಡದ ಮನಸ್ಸುಗಳು! ಅಪಮಾನಿಸಿದ ಸ್ನೇಹಕ್ಕೆ,ಗೆಲ್ಲುವೆ ಹೋಗು ಕರಿಯ ಎಂದ ಹರಸಿದ ಅಮ್ಮ,ಜೊತೆನಿಂತ ಪರಿಮಳ,ಕೋಮಲ್ ರಾಯರದಯೆಗೆ ಆಜನ್ಮ ಋಣಿ' ಎಂದಿದ್ದಾರೆ ನಟ ಜಗ್ಗೇಶ್.

ಪ್ರಯತ್ನ ಮತ್ತು ಪರಿಶ್ರಮದಿಂದ ಮೇಲೆ ಬಂದವರು

ಜಗ್ಗೇಶ್ ಅವರೇ ಈ ಹಿಂದೆ ಹೇಳಿರುವಂತೆ ನಟನಾಗಲು ಅವರು ಬಹುಪಡಿಪಾಟಲು ಪಟ್ಟವರು. ಆದರೆ ಛಲ ಬಿಡದೆ ಏಕ ಗುರಿಹೊಂದಿ ಸತತ ಪ್ರಯತ್ನ ಹಾಗೂ ಪರಿಶ್ರಮದ ಮೂಲಕ ಕನ್ನಡ ಸಿನಿಮಾ ರಂಗದಲ್ಲಿ ಬೆಳೆಯುತ್ತಾ ಈಗ 4 ದಶಕಗಳನ್ನು ಪೂರೈಸಿದ್ದಾರೆ.

ನಿರ್ದೇಶನ-ನಿರ್ಮಾಣದ ಅನುಭವವೂ ಇದೆ

ನಿರ್ಮಾಪಕ ಹಾಗೂ ನಿರ್ದೇಶನದಲ್ಲೂ ಕೈಯಾಡಿಸಿರುವ ಜಗ್ಗೇಶ್, ತಮ್ಮದೇ ನಟನೆಯ ಮೇಕಪ್ ಸಿನಿಮಾವನ್ನು ನಿರ್ಮಾಣ ಮಾಡಿದ್ದರೆ, ಮಗನಿಗಾಗಿ 'ಗುರು' ಸಿನಿಮಾ ನಿರ್ದೇಶಿಸಿದರು. ಜೊತೆಗೆ ತಮ್ಮದೇ ನಟನೆಯ 'ಮೇಲುಕೋಟೆ ಮಂಜ' ಸಿನಿಮಾವನ್ನು ಸಹ ನಿರ್ದೇಶಿಸಿದ್ದಾರೆ.

Recommended Video

ವಿರೋಧಿಸುವವರಿಗೆ ಟಾಂಗ್ ಕೊಟ್ಟ Rachita Ram | Filmibeat Kannada

ಬೇಡಿಕೆ ಉಳಿಸಿಕೊಂಡಿದ್ದಾರೆ ನಟ ಜಗ್ಗೇಶ್

ಜಗ್ಗೇಶ್, ತಮ್ಮ ಈ ನಲವತ್ತು ವರ್ಷದ ಸಿನಿಪಯಣದಲ್ಲಿ ಸಾಕಷ್ಟು ಏರಿಳಿತಗಳನ್ನು ಕಂಡಿದ್ದಾರೆ. ಪ್ರಸ್ತುತ ರಾಜಕೀಯದಲ್ಲೂ ಸಿನಿಮಾರಂಗದಲ್ಲಿಯೂ ಏಕಕಾಲಕ್ಕೆ ಪಯಣ ಸಾಗಿಸುತ್ತಿದ್ದಾರೆ. 40 ವರ್ಷದ ನಂತರ ಈಗಲೂ ಬೇಡಿಕೆ ಉಳಿಸಿಕೊಂಡಿದ್ದಾರೆ ನಟ ಜಗ್ಗೇಶ್.