Don't Miss!
- Lifestyle ಮಸಾಲ ಭರಿತ ಬಿಸಿ ಬಿಸಿ ಪೊಂಗಲ್ ಮಾಡೋದು ಹೇಗೆ..? ಏನಿದರ ರೆಸಿಪಿ?
- News Namma Metro Pink Line: ಮೆಟ್ರೋ ಸುರಂಗ ಕಾಮಗಾರಿ ಬಹುತೇಕ ಪೂರ್ಣ: ಯೋಜನೆಯ ಅಪ್ಡೇಟ್
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Sports IPL 2024: ಐಪಿಎಲ್ನಲ್ಲಿ ಉಮೇಶ್ ಯಾದವ್ ಅವರ ವಿಶೇಷ ದಾಖಲೆ ಸರಿಗಟ್ಟಿದ ಜಸ್ಪ್ರೀತ್ ಬುಮ್ರಾ
- Automobiles ರಾಜ್ಯದ ಕೈಜಾರಿ ತಮಿಳುನಾಡು ಸೇರಿದ 9000 ಕೋಟಿಯ ಪ್ರಾಜೆಕ್ಟ್: JLR ಇವಿ ಹಬ್ಗೆ ಸಿದ್ದವಾದ ನೆರೆ-ರಾಜ್ಯ!
- Technology ವಿವೋ V30e ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಬೆಲೆ, ಕ್ಯಾಮೆರಾ, ವಿನ್ಯಾಸ ವಿವರ ಇಲ್ಲಿದೆ..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ನವರಸ' ಕಲಾಸೇವೆಗೆ 40 ವರ್ಷ: ಸಾರ್ಥಕ ವೃತ್ತಿಗೆ ಸಹಕರಿಸದವರ ನೆನೆದ ಜಗ್ಗೇಶ್
ಬಹು ಭಾವ ನಟನೆಯಿಂದಾಗಿ ನವರಸ ನಾಯಕ ಎಂದು ಖ್ಯಾತಿ ಗಳಿಸಿರುವ ನಟ ಜಗ್ಗೇಶ್ ಅವರು ಕಲಾಸೇವೆಯಲ್ಲಿ ತೊಡಗಿ ಬರೋಬ್ಬರಿ 40 ವರ್ಷಗಳಾಗಿವೆ.
ಸಿನಿಮಾರಂಗದಲ್ಲಿ 40 ವರ್ಷಗಳನ್ನು ಪೂರ್ಣಗೊಳಿಸಿರುವ ಬಗ್ಗೆ ಟ್ವಿಟ್ಟರ್ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ ಜಗ್ಗೇಶ್. 1980 ರ ನವೆಂಬರ್ 17 ರಂದು ಜಗ್ಗೇಶ್ ಮೊತ್ತ ಮೊದಲ ಬಾರಿಗೆ ಸಿನಿಮಾ ರಂಗ ಪ್ರವೇಶಿಸಿದರು. ಇಂದು 2020, ನವೆಂಬರ್ 17.
ಈ ನಲವತ್ತು ವರ್ಷ ಸಿನಿಮಾ ರಂಗದಲ್ಲಿ ಸಾಗಿಬಂದುದಕ್ಕೆ ಸಹಕಾರ ನೀಡಿದವರನ್ನು, ಹಾರೈಸಿದವರನ್ನು, ಜೊತೆಗೆ ನಿಂತವರನ್ನು ನೆನೆದಿರುವ ಜಗ್ಗೇಶ್, ಹಲವು ಹಿರಿ-ಕಿರಿ ನಟರೊಂದಿಗಿನ ತಮ್ಮ ಚಿತ್ರಗಳನ್ನು ಟ್ವಿಟ್ಟರ್ನಲ್ಲಿ ಪ್ರಕಟಿಸಿದ್ದಾರೆ.
ಬೆಳವಣಿಗೆ ಪ್ರೋತ್ಸಾಹಿಸಿದ ಎಲ್ಲರಿಗೂ ಋಣಿ: ಜಗ್ಗೇಶ್
'ಈ ಬೆಳವಣಿಗೆಗೆ ಪ್ರೋತ್ಸಾಹಿಸಿದ , ನಿರ್ದೇಶಕ ನಿರ್ಮಾಪಕ ಭುಜತಟ್ಟಿದ ಅಂದಿನ ನನ್ನ ಕಲಾಕುಟುಂಬ, ಮಾಧ್ಯಮ ಕನ್ನಡದ ಮನಸ್ಸುಗಳು! ಅಪಮಾನಿಸಿದ ಸ್ನೇಹಕ್ಕೆ,ಗೆಲ್ಲುವೆ ಹೋಗು ಕರಿಯ ಎಂದ ಹರಸಿದ ಅಮ್ಮ,ಜೊತೆನಿಂತ ಪರಿಮಳ,ಕೋಮಲ್ ರಾಯರದಯೆಗೆ ಆಜನ್ಮ ಋಣಿ' ಎಂದಿದ್ದಾರೆ ನಟ ಜಗ್ಗೇಶ್.
ಪ್ರಯತ್ನ ಮತ್ತು ಪರಿಶ್ರಮದಿಂದ ಮೇಲೆ ಬಂದವರು
ಜಗ್ಗೇಶ್ ಅವರೇ ಈ ಹಿಂದೆ ಹೇಳಿರುವಂತೆ ನಟನಾಗಲು ಅವರು ಬಹುಪಡಿಪಾಟಲು ಪಟ್ಟವರು. ಆದರೆ ಛಲ ಬಿಡದೆ ಏಕ ಗುರಿಹೊಂದಿ ಸತತ ಪ್ರಯತ್ನ ಹಾಗೂ ಪರಿಶ್ರಮದ ಮೂಲಕ ಕನ್ನಡ ಸಿನಿಮಾ ರಂಗದಲ್ಲಿ ಬೆಳೆಯುತ್ತಾ ಈಗ 4 ದಶಕಗಳನ್ನು ಪೂರೈಸಿದ್ದಾರೆ.
ನಿರ್ದೇಶನ-ನಿರ್ಮಾಣದ ಅನುಭವವೂ ಇದೆ
ನಿರ್ಮಾಪಕ ಹಾಗೂ ನಿರ್ದೇಶನದಲ್ಲೂ ಕೈಯಾಡಿಸಿರುವ ಜಗ್ಗೇಶ್, ತಮ್ಮದೇ ನಟನೆಯ ಮೇಕಪ್ ಸಿನಿಮಾವನ್ನು ನಿರ್ಮಾಣ ಮಾಡಿದ್ದರೆ, ಮಗನಿಗಾಗಿ 'ಗುರು' ಸಿನಿಮಾ ನಿರ್ದೇಶಿಸಿದರು. ಜೊತೆಗೆ ತಮ್ಮದೇ ನಟನೆಯ 'ಮೇಲುಕೋಟೆ ಮಂಜ' ಸಿನಿಮಾವನ್ನು ಸಹ ನಿರ್ದೇಶಿಸಿದ್ದಾರೆ.
Recommended Video
ಬೇಡಿಕೆ ಉಳಿಸಿಕೊಂಡಿದ್ದಾರೆ ನಟ ಜಗ್ಗೇಶ್
ಜಗ್ಗೇಶ್, ತಮ್ಮ ಈ ನಲವತ್ತು ವರ್ಷದ ಸಿನಿಪಯಣದಲ್ಲಿ ಸಾಕಷ್ಟು ಏರಿಳಿತಗಳನ್ನು ಕಂಡಿದ್ದಾರೆ. ಪ್ರಸ್ತುತ ರಾಜಕೀಯದಲ್ಲೂ ಸಿನಿಮಾರಂಗದಲ್ಲಿಯೂ ಏಕಕಾಲಕ್ಕೆ ಪಯಣ ಸಾಗಿಸುತ್ತಿದ್ದಾರೆ. 40 ವರ್ಷದ ನಂತರ ಈಗಲೂ ಬೇಡಿಕೆ ಉಳಿಸಿಕೊಂಡಿದ್ದಾರೆ ನಟ ಜಗ್ಗೇಶ್.