''ಮಗನ ಬಗ್ಗೆ ಅಪಪ್ರಚಾರ ಮಾಡಬೇಡಿ'' ಜಗ್ಗೇಶ್ ಹೀಗೆ ಹೇಳಿದ್ಯಾಕೆ?

ಯತಿರಾಜ್ ಹೊಸ ಸಿನಿಮಾದ ಟೈಟಲ್

ನಟ ಜಗ್ಗೇಶ್ ಅವರ ಪುತ್ರ ಯತಿರಾಜ್ ಈಗ ಹೊಸ ಸಿನಿಮಾ ಮಾಡುತ್ತಿದ್ದಾರೆ. ಈ ಸಿನಿಮಾದಲ್ಲಿ ಅವರು ಡ್ರಗ್ ಮಾಫಿಯಾದ ಪಾತ್ರ ನಿರ್ವಹಿಸುತ್ತಿದ್ದಾರೆ. ಈ ಸುದ್ದಿ ಇದೀಗ ಪ್ರಕಟ ಆಗಿದ್ದು, ಅದಕ್ಕೆ ನೀಡಿದ್ದ ಟೈಟಲ್ ಗೆ ಜಗ್ಗೇಶ್ ಟ್ವಿಟ್ಟರ್ ನಲ್ಲಿ ಪ್ರತಿಕ್ರಿಯೆ ನೀಡಿದ್ದಾರೆ.

ಪ್ರಚಾರ ಅಪಪ್ರಚಾರಕ್ಕೆ ದಾರಿ

ಮಗನ ಬಗ್ಗೆ ಬಂದ ಸುದ್ದಿಗೆ ಪ್ರತಿಕ್ರಿಯೆ ನೀಡಿದ ಜಗ್ಗೇಶ್ ''ಇದು ಯತಿರಾಜ್ ನಟಿಸಿರುವ 'ಗೋಸಿ ಗ್ಯಾಂಗ್' ಚಿತ್ರದ ಕಥೆ. ಈ ಚಿತ್ರದ ಪ್ರಚಾರಕ್ಕೆ ಇಂಥ ಶೀರ್ಷಿಕೆ ಅಷ್ಟೆ. ಕೆಲವೊಮ್ಮೆ ಪ್ರಚಾರ ಅಪಪ್ರಚಾರಕ್ಕೆ ದಾರಿಯಾಗುತ್ತೆ.'' ಎಂದು ಹೇಳಿದ್ದಾರೆ.

ಜಗ್ಗೇಶ್ ಸ್ಪಷ್ಟೀಕರಣ

''ಕೆಲವರಿಗೆ ಈ ರೀತಿಯ ವಿಷಯ ಅರಿವುದಕ್ಕೆ ಸ್ವಲ್ಪ ತಾಳ್ಮೆ ಕಮ್ಮಿ. ಪ್ರಚಾರ ಅಪಪ್ರಚಾರ ಆಗುವುದು ಬೇಡ. ಮಾಧ್ಯಮಕ್ಕೆ ನಮ್ಮ ಹಾಗೂ ನಮ್ಮ ಕುಟುಂಬದ ಅರಿವಿದೆ. ಧನ್ಯವಾದ'' ಎಂದು ಜಗ್ಗೇಶ್ ಮಗನ ಸಿನಿಮಾ ಸುದ್ದಿಯ ವಿಚಾರಕ್ಕೆ ಸ್ಪಷ್ಟೀಕರಣ ನೀಡಿದ್ದಾರೆ.

ಯತಿರಾಜ್ ಸಿನಿಮಾದ ಬಗ್ಗೆ

'ಗೋಸಿ ಗ್ಯಾಂಗ್' ಯತಿರಾಜ್ ನಟಿಸುತ್ತಿರುವ ಹೊಸ ಸಿನಿಮಾವಾಗಿದೆ. ಈ ಚಿತ್ರದಲ್ಲಿ ಡ್ರಗ್ ಮಾಫಿಯಾದ ಕಥೆ ಹೊಂದಿದೆ. ಚಿತ್ರದಲ್ಲಿ ಯತಿರಾಜ್ ಜೊತೆಗೆ ಅಜಯ್ ಕಾರ್ತಿಕ್ ನಟಿಸಿದ್ದಾರೆ. ನೈಜ ಘಟನೆಗಳನ್ನು ಇಟ್ಟುಕೊಂಡು ಸಿನಿಮಾವನ್ನು ಮಾಡಲಾಗುತ್ತಿದೆಯಂತೆ. ರಾಜು ದೇವಸಂದ್ರ ಸಿನಿಮಾಗೆ ನಿರ್ದೇಶನ ಮಾಡಿದ್ದು, ಕೆ.ಶಿವಕುಮಾರ್ ನಿರ್ಮಾಣ ಮಾಡುತ್ತಿದ್ದಾರೆ.