Don't Miss!
- Sports IPL 2024: RCB ವಿರುದ್ಧ ಪಂದ್ಯಕ್ಕೆ KKRನ ಆಡುವ 11ರ ಬಳಗ ಮರೆತ ಶ್ರೇಯಸ್ ಅಯ್ಯರ್
- News 7th pay commission: ತುಟ್ಟಿ ಭತ್ಯೆ, ನಗರ ಪರಿಹಾರ ಭತ್ಯೆ, ಸೇವಾ ಭತ್ಯೆ ಸೇರಿದಂತೆ ಭತ್ಯೆಗಳ ಸಂಪೂರ್ಣ ವಿವರ
- Lifestyle ಏಪ್ರಿಲ್ 1ರಿಂದ 800 ಔಷಧಗಳು ದುಬಾರಿ..! ಎಷ್ಟು ಬೆಲೆ ಹೆಚ್ಚಳ.?
- Automobiles ಭಾರತದಲ್ಲಿ ಬಿಡುಗಡೆಗೆ ಸಜ್ಜಾದ ಬಹುನಿರೀಕ್ಷಿತ ಹೊಸ ಸ್ಕೋಡಾ ಸೂಪರ್ಬ್ ಕಾರು
- Technology WhatsApp: ವಾಟ್ಸಾಪ್ನಲ್ಲಿ ಈ ಕರೆಗಳನ್ನು ಸ್ವೀಕರಿಸದಂತೆ ಕೇಂದ್ರದಿಂದ ಎಚ್ಚರಿಕೆ! ಯಾಕೆ ಗೊತ್ತಾ?
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಜಗ್ಗೇಶ್ ಟ್ವಿಟ್ಟರ್ನಲ್ಲಿ ಕಾಮೆಂಟ್ಗಳಿಗೆ ಪ್ರತಿಕ್ರಿಯೆ ಕೊಡೋದು ಯಾರು?
ನವರಸ ನಾಯಕ ಜಗ್ಗೇಶ್ ಸಾಮಾಜಿಕ ಜಾಲತಾಣದಲ್ಲಿ ಸದಾ ಸಕ್ರಿಯರಾಗಿರುತ್ತಾರೆ. ತಮ್ಮ ದೈನಂದಿನ ಬಹುತೇಕ ಅಪ್ಡೇಟ್ಗಳನ್ನು ಟ್ವಿಟ್ಟರ್ನಲ್ಲಿ ಹಂಚಿಕೊಳ್ಳುತ್ತಾರೆ. ಸಿನಿಮಾ, ರಿಯಾಲಿಟಿ ಶೋ, ವಿಶೇಷತೆಗಳು ಹಾಗೂ ವೈಯಕ್ತಿಕ ವಿಚಾರಗಳು ಹೀಗೆ ಎಲ್ಲ ವಿಷಯದ ಬಗ್ಗೆಯೂ ಮಾಹಿತಿ ಕೊಡ್ತಾರೆ.
ರಾಯರ ಪರಮ ಭಕ್ತನಾಗಿರುವ ಜಗ್ಗೇಶ್ ಅವರು ಅಭಿಮಾನಿಗಳನ್ನು ದೇವರಂತೆ ಕಾಣುವ ನಟ. ಅಭಿಮಾನಿಗಳು ಕೇಳುವ ಪ್ರಶ್ನೆಗಳಿಗೆ ಅಥವಾ ಕಾಮೆಂಟ್ ಮಾಡುವವರಿಗೆ ಪ್ರತಿಕ್ರಿಯೆ ಸಹ ಕೊಡ್ತಾರೆ.
ರಾಯರ ಜೊತೆ ನಡೆದ ಮರೆಯಲಾಗದ ಘಟನೆ ಬಿಚ್ಚಿಟ್ಟ ನಟ ಜಗ್ಗೇಶ್
ನೆಟ್ಟಿಗರು ಸಣ್ಣಪುಟ್ಟ ಟ್ವೀಟ್ಗೂ ಪ್ರತಿಕ್ರಿಯೆ ಜಗ್ಗೇಶ್ ಅವರನ್ನು ನೋಡಿದಾಗ, ಕೆಲವೊಮ್ಮೆ ಅನುಮಾನ ಮೂಡುವುದು ಸಹಜ. ಜಗ್ಗೇಶ್ ತಮ್ಮ ಟ್ವಿಟ್ಟರ್ ಖಾತೆಯನ್ನು ತಾವೇ ಉಪಯೋಗಿಸುತ್ತಾರಾ ಅಥವಾ ತಮ್ಮ ಸಹಾಯಕರ ಮೂಲಕ ಅಪ್ಡೇಟ್ ಮಾಡ್ತಾರಾ ಎಂಬ ಪ್ರಶ್ನೆ ಮೂಡುವುದು ಸಾಮಾನ್ಯ.
ಅಂತಹ ಅನುಮಾನ ಇದ್ದರೆ ದೂರ ಮಾಡಿಕೊಳ್ಳಿ. ಏಕಂದ್ರೆ, ಜಗ್ಗೇಶ್ ತಮ್ಮ ಟ್ವಿಟ್ಟರ್ ಮೂಲಕ ನೀಡುವ ಪ್ರತಿಯೊಂದು ಪ್ರತಿಕ್ರಿಯೆ ಹಾಗೂ ಪೋಸ್ಟ್ಗಳನ್ನು ತಾವೇ ಖುದ್ದಾಗಿ ಹಾಕುತ್ತಾರೆ.
ಈ ಕುರಿತು ಅಭಿಮಾನಿಯೊಬ್ಬರು ಅನುಮಾನ ವ್ಯಕ್ತಪಡಿಸಿದ್ದಕ್ಕೆ ಸ್ವತಃ ಜಗ್ಗೇಶ್ ಅವರೇ ಸ್ಪಷ್ಟಪಡಿಸಿದ್ದಾರೆ. ''ನಂಗೊಂದ ಡೌಟೂ...ಅಕ್ಕ ಹೇಳ್ತಿದ್ಲೂ..ನಾವು ಕೊಡೋ ಕಾಮೆಂಟಿಗೆ ರಿಪ್ಲ್ ಮಾಡೋದು ನೀವಲ್ಲ, ನಿಮ್ಮ ಅಸಿಸ್ಟೆಂಟ್ಸ್ ಅಂತ ನಿಜಾನ ಅಣ್ಣ..ಪ್ಲೀಸ್ ಉತ್ತರಿಸಿ....'' ಎಂದು ಟ್ವೀಟ್ ಮಾಡಿದ್ದರು.
ಇದಕ್ಕೆ ಉತ್ತರಿಸಿರುವ ಜಗ್ಗೇಶ್ ''ನಾನು ನನ್ನ ಅಭಿಮಾನಿಗಳ ರಾಯರಂತೆ ಪ್ರೀತಿಸುವೆ! ಪ್ರತಿ ಕಾಮೆಂಟು ನನ್ನ ಕೈಬೆರಳಿಂದ ಅಚ್ಚಾಗುತ್ತದೆ! ರಾಯರ ಆಣೆ! ನನ್ನ ಸಾಮಾಜಿಕ ಖಾತೆ ಯಾರಿಗು ಮುಟ್ಟಲು ಬಿಡೋಲ್ಲಾ! am too possessive'' ಎಂದಿದ್ದಾರೆ.
ಜಗ್ಗೇಶ್ ಅವರನ್ನು 639785 ಜನರು ಟ್ವಿಟ್ಟರ್ನಲ್ಲಿ ಫಾಲೋ ಮಾಡ್ತಾರೆ. ಜಗ್ಗೇಶ್ ಅವರು ಸಹ ಒಂಬತ್ತು ಖಾತೆಗಳನ್ನು ಟ್ವಿಟ್ಟರ್ನಲ್ಲಿ ಫಾಲೋ ಮಾಡ್ತಾರೆ.