ಚಿತ್ರರಂಗಕ್ಕೆ ಜಗ್ಗೇಶ್ ಕುಟುಂಬದಿಂದ ಮತ್ತೊಂದು ಪ್ರತಿಭೆ ಎಂಟ್ರಿ!

ಜಗ್ಗೇಶ್ ಅಕ್ಕನ ಮಗ ಸಿನಿಮಾ ಎಂಟ್ರಿ!

ಜಗ್ಗೇಶ್ ಅವರ ಎರಡನೇ ಅಕ್ಕನ ಮಗ ಸುಧೀಂದ್ರ ಅವರು ಚಿತ್ರರಂಗಕ್ಕೆ ಬರುವ ಸಾಧ್ಯತೆ ಇದೆ ಎಂದು ಪರೋಕ್ಷವಾಗಿ ಜಗ್ಗೇಶ್ ಸುಳಿವು ನೀಡಿದ್ದಾರೆ. ಜಗ್ಗೇಶ್ ಅವರಿಗೆ ಇಬ್ಬರು ಅಕ್ಕಂದಿರು. ಮೊದಲನೇ ಅಕ್ಕ ಮಹಾದೇವಿ. ಎರಡನೇ ಅಕ್ಕ ಡಾ ವಿಜಯಲಕ್ಷ್ಮಿ. ವಿಜಯಲಕ್ಷ್ಮಿ ಅವರ ಮಗ ಸುಧೀಂದ್ರ.

ಲಾ ಮುಗಿಸಿರುವ ಸುಧೀಂದ್ರ

ಸದ್ಯ ಸುಧೀಂದ್ರ ಅವರು ಲಾ ಮುಗಿಸಿದ್ದಾರೆ. ಅವರನ್ನು ನ್ಯಾಯಾಧೀಶರನ್ನಾಗಿಸಬೇಕು ಎನ್ನುವುದು ಜಗ್ಗೇಶ್ ಅವರ ಆಸೆಯಾಗಿದೆ. ಆದರೆ, ಸುಧೀಂದ್ರ ಅವರ ಆಸೆ ಬೇರೆಯೇ ಇದೆ. ಸುಧೀಂದ್ರ ಅವರಿಗೆ ನಟನಾಗಬೇಕು ಎಂಬ ಆಸೆ ಹೊಂದಿದ್ದಾರಂತೆ. ಅಲ್ಲಿಗೆ ಸಿನಿಮಾ ರಂಗ ಸುಧೀಂದ್ರ ಅವರನ್ನ ಸೆಳೆಯುತ್ತಿದೆ ಎನ್ನುವುದು ಈ ಮಾತಿನಲ್ಲಿ ಅರ್ಥವಾಗುತ್ತಿದೆ.

ಗಮನ ಸೆಳೆಯುತ್ತಿದೆ ಟಿಕ್ ಟಾಕ್

ಜಗ್ಗೇಶ್ ಅವರ ಅಕ್ಕನ ಮಗ ಸುಧೀಂದ್ರ ಅವರು ಮಾವನ ಹಾಡಿಗೆ ಟಿಕ್ ಟಾಕ್ ಮಾಡಿದ್ದಾರೆ. ಈ ವಿಡಿಯೋವನ್ನು ಜಗ್ಗಣ್ಣ ತಮ್ಮ ಟ್ವಿಟ್ಟರ್ ನಲ್ಲಿ ಪೋಸ್ಟ್ ಮಾಡಿದ್ದು, ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಕೆಲವರು ಸಿನಿಮಾ ಮಾಡಲಿ ಬಿಡಿ ಎಂದು ಸಲಹೆ ನೀಡಿದರೆ, ಇನ್ನು ಕೆಲವರು ನ್ಯಾಯಾಧೀಶರಾಗುವುದೇ ಉತ್ತಮ ಎಂದು ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

ಹಣೆಬರಹ ಬಲ್ಲವರಾರು..!!

ಕಳೆದ ತಿಂಗಳಲ್ಲಿ ಜಗ್ಗೇಶ್ ಅವರ ತಮ್ಮ ಸಹೋದರಿಯರ ಫೋಟೋ ಹಂಚಿಕೊಂಡಿದ್ದರು. ಇನ್ನು 'ಸುಧೀಂದ್ರ ಅವರ ಹಣೆಬರಹದಲ್ಲಿ ಏನಿದ್ಯೋ ಯಾರಿಗೆ ಗೊತ್ತು' ಎನ್ನುವ ಮೂಲಕ ಮುಂದಿನ ದಿನದಲ್ಲಿ ಚಿತ್ರರಂಗಕ್ಕೆ ಬಂದರೂ ಬರಬಹುದು ಎಂದು ಕುತೂಹಲ ಮೂಡಿಸಿದ್ದಾರೆ.