'8MM' ಚಿತ್ರದಲ್ಲಿ ಖಾಕಿ ತೊಟ್ಟ ನವರಸ ನಾಯಕ ಜಗ್ಗೇಶ್

ಹಳೇ ಖದರ್ ನಲ್ಲಿ 'ನವರಸ ನಾಯಕ'

ಜಗ್ಗೇಶ್ ಅಭಿನಯದ ಹರಿಕೃಷ್ಣ ನಿರ್ದೇಶನದ '8 ಎಂ ಎಂ' ಸಿನಿಮಾ ಚಿತ್ರೀಕರಣ ಇತ್ತೀಚೆಗಷ್ಟೇ ಮುಗಿದಿದೆ. ಸಿನಿಮಾದ ಸೆಟ್ ನಲ್ಲಿ ನಟ ಜಗ್ಗೇಶ್ ಪೋಲಿಸ್ ಡ್ರೆಸ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. ಜಗ್ಗೇಶ್ ಪೊಲೀಸ್ ವೇಷದಲ್ಲಿ ಪ್ರೇಕ್ಷಕರ ಮುಂದೆ ಕಾಣಿಸಿಕೊಳ್ತಿದ್ದು, ಸಿನಿಮಾದಲ್ಲೂ ನವರಸ ನಾಯಕ ಪೊಲೀಸ್ ಖದರ್ ತೋರಿಸಲಿದ್ದಾರಾ ಅನ್ನುವುದು ಮಾತ್ರ ಸಸ್ಪೆನ್ಸ್.

ಕ್ಲೈಮ್ಯಾಕ್ಸ್ ನಲ್ಲಿ ಸಿಕ್ತು ರಾಯರ ಆಶೀರ್ವಾದ

'8 ಎಂ ಎಂ' ಸಿನಿಮಾದ ಚಿತ್ರೀಕರಣ ಮುಗಿಸಿರುವ ಸಿನಿಮಾ ತಂಡ ಜಗ್ಗೇಶ್ ರವರಿಗೆ ರಾಯರ ಫೋಟೋ ಕೊಟ್ಟು ಗೌರವಿಸಿದೆ. ಎಲ್ಲರಿಗೂ ತಿಳಿದಿರುವಂತೆ ನವರಸ ನಾಯಕ ರಾಯರ ಪರಮ ಭಕ್ತರಾಗಿರೋದ್ರಿಂದ ಚಿತ್ರತಂಡದವ್ರು ಇಂಥದೊಂದು ಪ್ಲಾನ್ ಮಾಡಿದ್ದಾರೆ.

ವಿಭಿನ್ನ ಪಾತ್ರದಲ್ಲಿ 'ಜಗ್ಗೇಶ್'

ಜಗ್ಗೇಶ್ ಅವರೇ ಹೇಳುವಂತೆ '8 ಎಂ ಎಂ' ಸಿನಿಮಾದಲ್ಲಿ ತುಂಬಾನೇ ವಿಭಿನ್ನವಾಗಿರೋ ಪಾತ್ರವನ್ನ ನಿರ್ವಹಿಸಿದ್ದಾರಂತೆ. ಇಷ್ಟು ವರ್ಷಗಳ ನಂತರ ಸಿಕ್ಕಿರೋ ಈ ಪಾತ್ರ ಜಗ್ಗೇಶ್ ಅವರ ಮನಸ್ಸಿಗೆ ಹತ್ತಿರವಾಗಿದೆ.

ಪೊಲೀಸ್ ಅಧಿಕಾರಿಯಾಗಿ 'ವಸಿಷ್ಠ'

ಸಿನಿಮಾದಲ್ಲಿ ನಿರ್ಮಾಪಕ, ನಟ ರಾಕ್ ಲೈನ್ ವೆಂಕಟೇಶ್ ಕೂಡ ಅಭಿನಯಿಸಿದ್ದು ವಸಿಷ್ಠ ಸಿಂಹ ಸಿನಿಮಾದಲ್ಲಿ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಸಿನಿಮಾವನ್ನ ಸಾನ್ವಿ ಪ್ರೊಡಕ್ಷನ್ಸ್ ಹಾಗೂ ಹರಿಚರಣ್ ಆರ್ಟ್ ಜಂಟಿಯಾಗಿ ನಿರ್ಮಾಣ ಮಾಡುತ್ತಿದ್ದಾರೆ. ಜೂಡಾ ಸ್ಯಾಂಡಿ ಸಂಗೀತ ಸಂಯೋಜನೆ ಸಿನಿಮಾಗಿದೆ. ಸದ್ಯ ಶೂಟಿಂಗ್ ಮುಗಿಸಿರೋ ಸಿನಿಮಾ ಟೀಂ ಪೋಸ್ಟ್ ಪ್ರೊಡಕ್ಷನ್ ನಲ್ಲಿ ಬ್ಯುಸಿ ಆಗಿದೆ.