ನಾವು ಮೂರ್ನಾಲ್ಕು ಜನ ಸತ್ತ ಮೇಲೆ ತಿಥಿ ಮಾಡಿ ಆನಂದಿಸಿ: ಜಗ್ಗೇಶ್ ಆಕ್ರೋಶದ ನುಡಿ

ಘಟಾನುಘಟಿಗಳ ಜೊತೆ ಹೆಜ್ಜೆ ಹಾಕಿದವನು ನಾನು

'ನಾನು ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟಾಗ ಈ ಬಕೆಟ್ ಹೀಡಿಯೋರು ಯಾರು ಹುಟ್ಟಿರಲಿಲ್ಲ. 80ನೇ ದಶಕದಲ್ಲಿ ಸಿನಿಮಾರಂಗಕ್ಕೆ ಬಂದವನು ನಾನು. ರಾಜ್ ಕುಮಾರ್, ವಿಷ್ಣುವರ್ಧನ್, ಅಂಬರೀಶ್, ಪ್ರಭಾಕರ್, ಶಂಕರ್ ನಾಗ್ ಜೊತೆ ಹೆಜ್ಜೆ ಹಾಕಿದವನು ನಾನು. ಅವರ ಜೊತೆ ಮಾತಾನಾಡಿ, ನಕ್ಕು, ಅತ್ತು ಬದುಕಿದವನು. ಇವತ್ತು ಈ ಜಾಗದಲ್ಲಿ ನಿಂತಿದ್ದೀನಿ ಅಂದರೆ ಅದು ಕನ್ನಡಿಗರಿಂದ, ಕನ್ನಡಿಗರ ಪ್ರೀತಿಯಿಂದ ಮಾತ್ರ' ಎಂದಿದ್ದಾರೆ.

ಕನ್ನಡ ಚಿತ್ರರಂಗ ಹಾಳಾಗಿ ಹೋಗುತ್ತಿದೆ

'ಅನ್ಯ ಭಾಷಿಕರು ಬಂದು ಕನ್ನಡದ ಮಕ್ಕಳನ್ನು ದಬ್ಬಾಳಿಕೆ ಮಾಡುತ್ತಿದ್ದಾರೆ. ಕನ್ನಡ ಮಕ್ಕಳನ್ನು ತುಳಿಯುತ್ತಿದ್ದಾರೆ. ನಮ್ಮವರಿಗೆ ಪರಭಾಷೆಯಲ್ಲಿ ಮಾತನಾಡುವಂತೆ ಪ್ರಚೋದನೆ ನೀಡುತ್ತಿದ್ದಾರೆ. ಹಾಳಾಗಿ ಹೋಗುತ್ತಿದೆ ಕನ್ನಡ ಚಿತ್ರರಂಗ. ಇದನ್ನು ಕೇಳೋರು ಯಾರು ಇಲ್ಲ.'

ನಾವು ಸತ್ತ ಮೇಲೆ ತಿಥಿ ಮಾಡಿ ಆನಂದಿಸಿ

'ರಾಜ್ ಕಮಾರ್, ವಿಷ್ಣುವರ್ಧನ್, ಅಂಬರೀಶ್ ಸತ್ತ ಮಾರನೆ ದಿನ ಕನ್ನಡದ ಸ್ವಾಭಿಮಾನವೂ ಸಾಯುತ್ತಿದೆ. ನೆನಪಿರಲಿ ಉಳಿದಿದ್ದು ನಾವು ಮೂರ್ನಾಲ್ಕು ಜನ ಮಾತ್ರ. ನಾನೊಬ್ಬ ಶಿವರಾಜ್ ಕುಮಾರ್, ರವಿಚಂದ್ರನ್, ರಮೇಶ್ ಅರವಿಂದ್ ಮಾತ್ರ. ನಾವು ಸತ್ತ ಮೇಲೆ ತಿಥಿ ಮಾಡಿ, ಆನಂದ ಪಡಿ, ಸಂತೋಷ ಪಡಿ ಎಲ್ಲರೂ. ನಾಚಿಕೆ ಆಗಬೇಕು ನಿಮಗೆ' ಎಂದು ಗುಡುಗಿದ್ದಾರೆ.

ಜಗ್ಗೇಶ್ ಆಡಿಯೋ ಕ್ಲಿಪ್ ವಿವಾದ: ನವರಸನಾಯಕನ ವಿರುದ್ಧ ಮುಗಿಬಿದ್ದ ದರ್ಶನ್ ಅಭಿಮಾನಿಗಳು

ನನ್ನ ಪಾಡಿಗೆ ನನ್ನ ಬಿಡಿ

'ನನ್ನ ಪಾಡಿಗೆ ನನ್ನ ಬಿಡಿ. ನಾನು ಕನ್ನಡದ ಕೆಲಸ ಮಾಡುತ್ತೇನೆ. ಎಷ್ಟೋ ಜನ ಮಕ್ಕಳು ಅವರ ಕಷ್ಟಸುಖಕ್ಕೆ ನನ್ನ ಸಲಹೆ ಕೇಳುತ್ತಾರೆ. ದಯವಿಟ್ಟು ನನ್ನನ್ನೂ ಅವಮಾನ ಮಾಡಬೇಡು. ನಾನು ಇನ್ನು ಹತ್ತಾರು ವರ್ಷ ಕನ್ನಡದ ಕೆಲಸ ಮಾಡಬೇಕು. ನನಗೆ ಮಸಿ ಬಳಿಯಬೇಡಿ' ಎಂದು ಮನವಿ ಮಾಡಿದ್ದಾರೆ.

ನಾನು ತಲೆ ಹಿಡಿದು ಬೆಳೆದವನಲ್ಲ

'ನನ್ನ 40 ವರ್ಷವನ್ನು ಅಪಮಾನಿಸುತ್ತಿದ್ದೀರಿ. 40 ವರ್ಷ ಊಟ ನಿದ್ದೆ ಇಲ್ಲದೆ ಚಾಪೆ ಹಾಸಿಕೊಂಡು ಬೆಳೆದವನು ನಾನು. ತಲೆ ಹಿಡಿದು ಬೆಳೆದವನಲ್ಲ. ನಾನು ಕನ್ನಡಿಗರ ಚಪ್ಪಾಳೆ ತೆಗೆದುಕೊಂಡು ಬೆಳೆದವನು. ನನಗೆ ಅವಮಾನ ಮಾಡುವುದು ಒಂದೇ ಕನ್ನಡಿಗರು ಅವಮಾನ ಮಾಡುವುದೇ ಒಂದೆ. ದಯಮಾಡಿ ನನ್ನ ಬಗ್ಗೆ ಮಾತನಾಡಬೇಡಿ.