'ಮುತ್ತಣ್ಣ' ಶಿವರಾಜ್ ಕುಮಾರ್ ಬಗ್ಗೆ ಜಗ್ಗೇಶ್ ಬಾಯಿಂದ ಉದುರಿದ ಮುತ್ತುಗಳಿವು

ಏನು ಆ ಕಾರಣ.?

ಜಗ್ಗೇಶ್ ರವರು ಈ ಟ್ವೀಟ್ ಮಾಡುವುದಕ್ಕೆ ಕಾರಣ ದರ್ಶನ್ ಹಾಗೂ ಶಿವಣ್ಣ ನಡುವಿನ ವೈರತ್ವದ ಗುಸು ಗುಸು.!

ಗಾಂಧಿನಗರದ ಗಲ್ಲಿ ಗಾಸಿಪ್

''ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಹಾಗೂ ಶಿವಣ್ಣ ನಡುವೆ ದ್ವೇಷ ಇದೆ. ಇದೇ ಕಾರಣಕ್ಕೆ 'ಕುರುಕ್ಷೇತ್ರ' ಸಿನಿಮಾದಲ್ಲಿ ನಟಿಸಲು ಶಿವಣ್ಣ ಒಪ್ಪಿಕೊಂಡಿಲ್ಲ'' ಎಂಬ ಗಾಸಿಪ್ ಗಾಂಧಿನಗರದ ತುಂಬೆಲ್ಲ ರೌಂಡ್ ಹೊಡೆದಿತ್ತು. ಆದರೆ ಇದೆಲ್ಲ ಶುದ್ಧ ಸುಳ್ಳು ಎಂದು ಸ್ವತಃ ಶಿವಣ್ಣ ಸ್ಪಷ್ಟ ಪಡಿಸಿದ್ದಾರೆ.

ಶಿವಣ್ಣ ಸ್ಪಷ್ಟನೆ ನೀಡಿದ್ದರು

''ನನ್ನ ಹಾಗೂ ದರ್ಶನ್ ನಡುವೆ ಯಾವುದೇ ದ್ವೇಷ ಹಾಗೂ ವೈರತ್ವ ಇಲ್ಲ. 'ಕುರುಕ್ಷೇತ್ರ' ಚಿತ್ರ ಒಪ್ಪಿಕೊಳ್ಳದೇ ಇರಲು 'ಡೇಟ್ಸ್ ಕ್ಲಾಶ್' ಕಾರಣ ಅಷ್ಟೇ'' ಎಂದು ಶಿವಣ್ಣ ಹೇಳಿಕೆ ನೀಡಿದ್ದರು.

ಶಿವಣ್ಣ ಮಾತಿಗೆ ಜಗ್ಗೇಶ್ ಬೆಂಬಲ

ಅದೇ ಹೇಳಿಕೆಯನ್ನು ಉದ್ದೇಶಿಸಿ, ''ಅಭಿಮಾನದ ಪರಾಕಾಷ್ಟೆಯಲ್ಲಿ ಕೆಲವರು ವಿಂಗಡಿಸಿ ವೈರತ್ವ ತರುತ್ತಾರೆ. ಅದಾಗದಿರಲಿ'' ಎಂದು ಜಗ್ಗೇಶ್ ಟ್ವೀಟಿಸಿದ್ದಾರೆ. ಜೊತೆಗೆ ಶಿವಣ್ಣನ ಮಗುವಿನಂತಹ ಮನಸ್ಸನ್ನು ಹಾಡಿ ಹೊಗಳಿದ್ದಾರೆ.