ಕೋಮಲ್ 'ಕೆಂಪೇಗೌಡ' ನೋಡಿ ಹೆಮ್ಮೆ ಆಯಿತು ಎಂದ ಜಗ್ಗೇಶ್

ಸುಮಾರು ವರ್ಷದ ನಂತರ ಮತ್ತೆ ಬೆಳ್ಳಿತೆರೆಯಲ್ಲಿ ಘರ್ಜಿಸಲು ನಟ ಕೋಮಲ್ ಸಜ್ಜಾಗಿದ್ದಾರೆ. 'ಕೆಂಪೇಗೌಡ-2' ಚಿತ್ರದ ಮೂಲಕ ಕಂಬ್ಯಾಕ್ ಆಗುತ್ತಿರುವ ಕೋಮಲ್ ಸಿನಿಮಾ ಬಿಡುಗಡೆಗೆ ಮುಂಚೆ ಯೂಟ್ಯೂಬ್ ನಲ್ಲಿ ಸದ್ದು ಮಾಡ್ತಿದೆ.

ಕೆಂಪೇಗೌಡ 2 ಚಿತ್ರದ ಟ್ರೈಲರ್ ಒಂದು ಮಿಲಿಯನ್ ವೀಕ್ಷಣೆ ಕಂಡಿದೆ. ಕಳೆದ ತಿಂಗಳು 'ಕೆಂಪೇಗೌಡ-2' ಚಿತ್ರದ ಟ್ರೈಲರ್ ರಿಲೀಸ್ ಆಗಿತ್ತು. ಈ ಬಗ್ಗೆ ನಟ ಜಗ್ಗೇಶ್ ಟ್ವೀಟ್ ಮಾಡಿದ್ದು, ಸಹೋದರ ಸಿನಿಮಾದ ಬಗ್ಗೆ ಹೆಮ್ಮೆಯ ಮಾತುಗಳನ್ನಾಡಿದ್ದಾರೆ.

''ಕೆಂಪೇಗೌಡ 2 ಚಿತ್ರ #ಕೋಮಲ್ ಕುಮಾರ್ 1ಮಿಲಿಯನ್ ವೀಕ್ಷಿಸಿ ಬೆಂಬಲಿಸಿದ ಕನ್ನಡ ಕುಲಕೋಟಿ ಮನಗಳಿಗೆ ಧನ್ಯವಾದಗಳು.. ಕೊನೆ ಹಂತದ DI ಕಾರ್ಯ ನಡೆಯುತ್ತಿದೆ.. Raw ಸಿನಿಮಾ ನೋಡಿಯೇ ರೋಮಾಂಚನವಾಯಿತು.. One of the best commercial movie ಸಾಲಿಗೆ ಈ ಚಿತ್ರ ಸೇರುತ್ತದೆ ಎಂದು ಮನ ಹೇಳಿತು..ಅಣ್ಣನಾಗಿ ಹೆಮ್ಮೆ ಆಯಿತು..'' ಎಂದು ಜಗ್ಗೇಶ್ ಸಂತಸ ವ್ಯಕ್ತಪಡಿಸಿದ್ದಾರೆ.

ಶಂಕರ್ ಗೌಡ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದು, ಸುದೀಪ್ ಕೆಂಪೇಗೌಡ ಸಿನಿಮಾದಂತೆ ಅಬ್ಬರಿಸುವ ಮುನ್ಸೂಚನೆ ನೀಡಿದ್ದಾರೆ. ವಿಶೇಷ ಅಂದ್ರೆ ಈ ಸಿನಿಮಾದಲ್ಲಿ ಭಾರತ ಕ್ರಿಕೆಟ್ ಆಟಗಾರ ಶ್ರೀಶಾಂತ್ ಖಳನಾಯಕನಾಗಿ ಮಿಂಚಿದ್ದಾರೆ. ಸರ್ಪ್ರೈಸ್ ಅಂದ್ರೆ ಲೂಸ್ ಮಾದ ಯೋಗಿ ಕೂಡ ವಿಶೇಷ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ.

ಚಿತ್ರದ ಬಹುತೇಕ ಕೆಲಸ ಮುಗಿಸಿರುವ ಕೆಂಪೇಗೌಡ 2 ಸಿನಿಮಾ ಸದ್ಯದಲ್ಲೇ ತೆರೆಗೆ ಬರಲಿದೆ. ಮೊದಲ ಪ್ರಿಂಟ್ ಜಗ್ಗೇಶ್ ನೋಡಿದ್ದು ಸಿನಿಮಾ ಚೆನ್ನಾಗಿ ಬಂದಿದೆ ಎಂಬ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಹೀಗಾಗಿ, ಕೋಮಲ್ ರೀ-ಎಂಟ್ರಿ ಬಗ್ಗೆ ನಿರೀಕ್ಷೆ ಹೆಚ್ಚಾಗಿದೆ.