'ದುಬಾರಿ' ಆರಂಭಕ್ಕೂ ಮುನ್ನವೇ ಬ್ಲಾಸ್ಟಿಂಗ್ ಸುದ್ದಿ ನೀಡಿದ ಧ್ರುವ ಸರ್ಜಾ

ಜಗ್ಗುದಾದ ನಿರ್ದೇಶಕನ ಜೊತೆ ಹೊಸ ಸಿನಿಮಾ

ಜಗ್ಗುದಾದ ಖ್ಯಾತಿಯ ನಿರ್ದೇಶಕ ರಾಘವೇಂದ್ರ ಹೆಗಡೆ ಜೊತೆ ಧ್ರುವ ಸರ್ಜಾ ಸಿನಿಮಾ ಮಾಡಲಿದ್ದಾರೆ ಎಂದು ಈ ಹಿಂದೆಯೇ ಸುದ್ದಿಯಾಗಿತ್ತು. ಆದ್ರೆ, ಪೊಗರು ಹಾಗೂ ಉದಯ್ ಮೆಹ್ತಾ ಸಿನಿಮಾ ಮುಂಚೂಣಿಯಲ್ಲಿತ್ತು. ಈಗ ರಾಘವೇಂದ್ರ ಹೆಗಡೆ ಚಿತ್ರ ಮತ್ತೆ ಸುದ್ದಿಗೆ ಬಂದಿದೆ.

ಕಥೆ ಕೇಳಿದ ಧ್ರುವ ಸರ್ಜಾ

ರಾಘವೇಂದ್ರ ಹೆಗಡೆ ಅವರು ಇಂದು ಧ್ರುವ ಸರ್ಜಾ ಮನೆಗೆ ಭೇಟಿ ನೀಡಿದ್ದು, ಚಿತ್ರದ ಕಥೆ ವಿವರಿಸಿದ್ದಾರೆ. ಹೆಗಡೆ ಹೇಳಿದ ಕಥೆ ಕೇಳಿ ಧ್ರುವ ಸಖತ್ ಥ್ರಿಲ್ ಆಗಿದ್ದಾರೆ. ಅದರಲ್ಲೂ ಮೊದಲಾರ್ಧದ ಕಥೆ ಬಹಳ ಇಂಪ್ರೆಸ್ ಮಾಡಿದೆ ಎಂದು ಟ್ವಿಟ್ಟರ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.

ಜಗ್ಗುದಾದ ಬಳಿಕ ಸೈಲೆಂಟ್ ಆಗಿದ್ದ ನಿರ್ದೇಶಕ

2016ರಲ್ಲಿ ದರ್ಶನ್ ನಟನೆಯಲ್ಲಿ ಬಿಡುಗಡೆಯಾಗಿದ್ದ 'ಜಗ್ಗುದಾದ' ಚಿತ್ರದ ಬಳಿಕ ನಿರ್ದೇಶಕ ರಾಘವೇಂದ್ರ ಹೆಗಡೆ ಸೈಲೆಂಟ್ ಆಗಿದ್ದರು. ಸುಮಾರು ನಾಲ್ಕು ವರ್ಷದ ನಂತರ ನಿರ್ದೇಶಕ ರಾಘವೇಂದ್ರ ಮತ್ತೆ ಮುಂಚೂಣಿಗೆ ಬಂದಿದ್ದು ಧ್ರುವ ಸರ್ಜಾ ಜೊತೆ ಪ್ರಾಜೆಕ್ಟ್‌ಗೆ ಸಿದ್ಧತೆ ನಡೆಸುತ್ತಿದ್ದಾರೆ.

ಆರಂಭದ ಬಗ್ಗೆ ಮಾಹಿತಿ ಇಲ್ಲ

ಜನವರಿಯಲ್ಲಿ ಪೊಗರು ಸಿನಿಮಾ ರಿಲೀಸ್ ಆಗಬಹುದು. ಈ ಸಿನಿಮಾ ತೆರೆಕಂಡ ಬಳಿಕ ದುಬಾರಿ ಚಿತ್ರೀಕರಣ ಆರಂಭಿಸಲಿದ್ದಾರೆ. ಬಹುಶಃ ಈ ಚಿತ್ರದ ಜೊತೆ ಜೊತೆಗೆ ರಾಘವೇಂದ್ರ ಹೆಗಡೆ ಅವರ ಪ್ರಾಜೆಕ್ಟ್ ಕೈಗೆತ್ತಿಕೊಳ್ಳಬಹುದು. ಅಥವಾ ದುಬಾರಿ ಮುಗಿದ ಬಳಿಕ ಆರನೇ ಸಿನಿಮಾ ಆರಂಭಿಸಬಹುದು. ಆದರೆ, ಸದ್ಯಕ್ಕಂತು ಈ ಕುರಿತು ಸ್ಪಷ್ಟನೆ ಇಲ್ಲ.