Don't Miss!
- News ಏಪ್ರಿಲ್ 28ಕ್ಕೆ ಬೆಣ್ಣೆನಗರಿಗೆ ಪ್ರಧಾನಿ ನರೇಂದ್ರ ಮೋದಿ ಆಗಮನ: ಸಿದ್ಧತೆ ಹೇಗಿದೆ? ಮಾಹಿತಿ
- Automobiles Royal Enfield Himalayan ಸುಲಭವಾಗಿ ಖರೀದಿಸುವುದು ಹೇಗೆ?: ಇಲ್ಲಿದೆ ಡೌನ್ಪೇಮೆಂಟ್, EMI ಮಾಹಿತಿಗಳು!
- Technology Bengaluru: ಆ ಆಪ್ ಇನ್ಸ್ಟಾಲ್ ಮಾಡಿದ್ದೇ ತಡ 5.2 ಕೋಟಿ ರೂ. ಮಾಯ.. ನೀವು ಎಚ್ಚರ
- Sports ಟಿ20 ವಿಶ್ವಕಪ್ಗೆ 15 ಸದಸ್ಯರ ಭಾರತ ತಂಡದ ಆಯ್ಕೆ ಮಾಡಿದ ಇರ್ಫಾನ್ ಪಠಾಣ್; ಸಂಜು, ರಾಹುಲ್ಗೆ ಸ್ಥಾನವಿಲ್ಲ!
- Lifestyle 3ನೇ ಬಾರಿ ಬಾಹ್ಯಾಕಾಶಕ್ಕೆ ಹಾರಲು ಮುಂದಾದ ಸುನೀತಾ ವಿಲಿಯಮ್ಸ್..!
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
James Piracy: 'ಜೇಮ್ಸ್'ಗೂ ಪೈರಸಿ ಕಾಟ: ಅಭಿಮಾನಿಗಳಿಂದ ಅಭಿಯಾನ!
ಸಿನಿಮಾಗಳು ಅಂತೂ ಇಂತೂ ಶೂಟಿಂಗ್ ಮುಗಿಸಿ ಇನ್ನೇನು ಸಿನಿಮಾ ರಿಲೀಸ್ ಆಗ್ಬೇಕು ಅಂತ ಎಲ್ಲ ತಯಾರಿ ನಡೆಸಿದಾಗ, ಚಿತ್ರತಂಡಗಳಿಗೆ ಎದುರಾಗುವ ದೊಡ್ಡ ಸವಾಲು ಎಂದರೆ ಅದು ಪೈರಸಿ. ಸಿನಿಮಾ ರಿಲೀಸ್ ಆದ ಬೆನ್ನಲ್ಲೇ ಪೈರಸಿ ಎನ್ನುವ ಭೂತ ಚಿತ್ರಗಳ ಬೆನ್ನೇರಿ ಕಾಡುತ್ತದೆ. ಇದು ಮೊದಲಿನಿಂದಲೂ ಕೂಡ ಸಿನಿಮಾ ಮಂದಿಗೆ ದೊಡ್ಡ ತಲೆ ನೋವು ಆಗಿದೆ.
ಪೈರಸಿ ವಿರುದ್ಧ ಹಲವಾರು ಸಿನಿಮಾ ತಂಡಗಳು ಸಾಕಷ್ಟು ಕ್ರಮ ತೆಗೆದುಕೊಂಡಿವೆ. ಆದರೂ ಕೂಡ ಸಿನಿಮಾಗಳಿಗೆ ಪೈರಸಿ ಕಾಟ ತಪ್ಪಿಲ್ಲ. ಈಗ ಕೊರೊನಾ ಬಳಿಕ ಸಿನಿಮಾ ತಂಡಗಳು ಸಾಕಷ್ಟು ಸವಾಲುಗಳನ್ನು ಎದುರಿಸಬೇಕಾಗಿದೆ. ಇದರ ನಡುವೆ ಪೈರಸಿ ಕುಡ ಬಂದಪ್ಪಳಿಸಿದರೆ ಅದು ಚಿತ್ರಕ್ಕೆ ಭಾರಿ ಹೊಡೆತ ನೀಡಲಿದೆ.
James Release: 'KGF 2' ಮತ್ತು 'ಬೀಸ್ಟ್' ಚಿತ್ರವನ್ನು ಹಿಂದಿಕ್ಕಿದ 'ಜೇಮ್ಸ್', ಯಾವ ವಿಚಾರದಲ್ಲಿ ಗೊತ್ತಾ?
ಸದ್ಯ ರಿಲೀಸ್ ಆಗುತ್ತಿರುವ ಪುನೀತ್ ರಾಜ್ಕುಮಾರ್ ಅಭಿನಯದ 'ಜೇಮ್ಸ್' ಸಿನಿಮಾ ರಿಲೀಸ್ಗೆ ರೆಡಿಯಾಗಿದೆ. ಆದರೆ ಈ ಚಿತ್ರಕ್ಕೂ ಕೂಡ ಈಗ ಪೈರಸಿ ಭಯ ಶುರುವಾಗಿದೆ. ಪುನೀತ್ ರಾಜ್ಕುಮಾರ್ಗಾಗಿ 'ಜೇಮ್ಸ್' ಚಿತ್ರದ ಜೊತೆಗೆ ಮತ್ಯಾವ ಸಿನಿಮಾ ಕೂಡ ರಿಲೀಸ್ ಆಗುತ್ತಿಲ್ಲ. ಆದರೆ ಸಿನಿಮಾ ಪೈರಸಿ ಆದರೆ ಅದು ದುರಂತವೇ ಸರಿ.
'ಜೇಮ್ಸ್'ಗೂ ಎದುರಾಗುತ್ತಾ ಪೈರಸಿ ಕಾಟ?
'ಜೇಮ್ಸ್' ಸಿನಿಮಾ ಅದ್ದೂರಿಯಾಗಿ ರಿಲೀಸ್ ಆಗುತ್ತಿದೆ. ಅಭಿಮಾನಿಗಳು ಮತ್ತು ಪ್ರೇಕ್ಷಕರು ಸಿನಿಮಾವನ್ನು ಅದ್ದೂರಿಯಾಗಿ ಸ್ವಾಗತ ಮಾಡಲು ಸಿದ್ದರಾಗಿದ್ದಾರೆ. ಆದರೆ ಸಿನಿಮಾ ತಂಡಕ್ಕೆ ಈಗ ಹೊಸ ಟೆನ್ಷನ್ ಶುರುವಾಗಿದೆ. ಸಿನಿಮಾ ರಿಲೀಸ್ ಆಗುವ ಖುಷಿ ಒಂದು ಕಡೆ ಆದರೆ, ಸಿನಿಮಾ ಪೈರಸಿ ಆಗುವ ಆತಂಕ ಮತ್ತೊಂದು ಕಡೆಗೆ. ಹಾಗಾಗಿ ಚಿತ್ರ ರಿಲೀಸ್ಗೂ ಮೊದಲೆ ಸಿನಿಮಾವನ್ನು ಪೈರಸಿ ಮಾಡದಂತೆ ಮನವಿ ಮಾಡಲಾಗುತ್ತಿದೆ.
'ಜೇಮ್ಸ್' ಶೋ, ಥಿಯೇಟರ್ಗಳ ನಿಜ ಸಂಖ್ಯೆ ಇಲ್ಲಿದೆ: ನಿರ್ಮಾಪಕ, ನಿರ್ದೇಶಕ ಹೇಳಿದ್ದಿಷ್ಟು!
ಪೈರಸಿ ಮಾಡಬೇಡಿ ಎಂದ ಅಭಿಮಾನಿಗಳು!
'ಜೇಮ್ಸ್' ಸಿನಿಮಾ ಪೈರಸಿ ಮಾಡದಂತೆ ಪುನೀತ್ ರಾಜ್ಕುಮಾರ್ ಅಭಿಮಾನಿಗಳು ಮನವಿ ಮಾಡಿಕೊಂಡಿದ್ದಾರೆ. ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಅಭಿಯಾನ ಶುರು ಮಾಡಿದ್ದಾರೆ. 'ಜೇಮ್ಸ್' ಸಿನಿಮಾವನ್ನು ಪೈರಸಿ ಮಾಡಬೇಡಿ, ಈ ಚಿತ್ರವನ್ನು ಎಲ್ಲರೂ ಚಿತ್ರಮಂದಿರಗಳಲ್ಲಿ ಸಂಭ್ರಮಿಸೋಣ ಎಂದು ಕೇಳಿಕೊಂಡಿದ್ದಾರೆ. ಪುನೀತ್ ರಾಜ್ಕುಮಾರ್ ಅವರ ಮೇಲಿನ ಅಭಿಮಾನದಿಂದ ಈ ಚಿತ್ರವನ್ನು ಪೈರಸಿ ಮಾಡಬೇಡಿ ಎಂದಿದ್ದಾರೆ.
ಪೈರಸಿಗೆ ಬಲಿಯಾಗುತ್ತಿರುವ ಅನೇಕ ಚಿತ್ರಗಳು!
ಸಿನಿಮಾ ಪೈರಸಿ ಆದರೆ ಚಿತ್ರಮಂದಿರದಲ್ಲಿ ಪ್ರೇಕ್ಷಕರ ಸಂಖ್ಯೆ ಕಡಿಮೆ ಆಗುತ್ತದೆ. ಇದರಿಂದ ಚಿತ್ರದ ಗಳಿಕೆ ಮೇಲೆ ಹೊಡೆತ ಬೀಳುತ್ತದೆ. ಪೈರಸಿಯಿಂದ ಹಲವಾರು ಸಿನಿಮಾಗಳು ನಲುಗಿ ಹೋಗಿವೆ. ಇತ್ತೀಚೆಗೆ ಕನ್ನಡದಲ್ಲಿ ಬಂದ 'ಏಕ್ ಲವ್ ಯಾ' ಸಿನಿಮಾಗೂ ಪೈರಸಿ ಕಾಟ ಕೊಟ್ಟಿತ್ತು. ಈ ಬಗ್ಗೆ ಹೆಚ್ಚಿನ ಕ್ರಮ ಕೈಗೊಂಡಿತ್ತು ಚಿತ್ರತಂಡ. ಈ ವಿಚಾರದಲ್ಲಿ ನಿರ್ದೇಶಕ ಪ್ರೇಮ್ ಠಾಣೆ ಮೆಟ್ಟಿಲು ಕೂಡ ಏರಿದ್ದರು. ಆದರೆ ಅಷ್ಟರಲ್ಲಿ ಪೈರಸಿ ಆಗಿದ್ದ ಸಿನಿಮಾ ಪ್ರತಿ ಹಲವರಿಗೆ ತಲುಪಿ ಬಿಟ್ಟಿತ್ತು.
Puneeth Rajkumar: ಅಪ್ಪುಗಾಗಿ 'ನಗು ನಗುತಾ ನೀ', 'ಪವರಿಸಂ' ಗೀತ ನಮನ!
ಪೈರಸಿ ಕಾಟ ತಪ್ಪೋದು ಯಾವಾಗ?
ಸಿನಿಮಾಗಳಿಗೆ ಪೈರಸಿ ದೊಡ್ಡ ಪಿಡುಗಾಗಿ ಕಾಡುತ್ತಲಿದೆ. ಸಾಕಷ್ಟು ಸಿನಿಮಾಗಳು ಇದ್ದಕ್ಕೆ ಬಲಿಯಾಗಿವೆ. ತಮಿಳು, ತೆಲುಗು ಸಿನಿಮಾಗಳಿಗೂ ಇದು ದೊಡ್ಡ ತಲೆನೋವಾಗಿದೆ. ಆದರೆ ಸದ್ಯಕ್ಕೆ ಈ ಪೈರಸಿ ಕಾಟ ತಪ್ಪುವಂತೆ ಕಾಣುತ್ತಾ ಇಲ್ಲ. ಯಾಕೆಂದರೆ ಹಲವು ಬಾರಿ ಹಲವು ಸಿನಿಮಾ ತಂಡಗಳು ಈ ವಿಚಾರದಲ್ಲಿ ಸೈಬರ್ ಕ್ರೈಮ್ ಠಾಣೆಯ ಮೊರೆ ಹೋಗಿವೆ. ಆದರೂ ಕೂಡ ಯಾವುದೇ ಪ್ರಯೋಜನವಾಗಿಲ್ಲ. ಮತ್ತೆ ಮತ್ತೆ ಪೈರಸಿ ಕಾಟ ಎದುರಾಗುತ್ತಲೇ ಇದೆ. ಹಾಗಾಗಿ ಅಪ್ಪು ಅಭಿಮಾನಿಗಳು ಬಹಿರಂಗವಾಗಿ 'ಜೇಮ್ಸ್' ಪೈರಸಿ ಮಾಡಬೇಡಿ ಎಂದು ಕೇಳಿಕೊಳ್ಳುತ್ತಾ ಇದ್ದಾರೆ.