'ದಿ ವಿಲನ್' ಸಕ್ಸಸ್ ನಂತರ ಪ್ರೇಮ್ ವಿರುದ್ಧ 10 ಲಕ್ಷ ವಂಚನೆ ಬಾಂಬ್.!

10 ಲಕ್ಷ ಅಡ್ವಾನ್ಸ್ ನೀಡಿದ್ರಂತೆ

'ದನಕಾಯೋನು', 'ಭರ್ಜರಿ', 'ಟೋಪಿವಾಲ' ಅಂತಹ ಸಿನಿಮಾ ನಿರ್ಮಾಣ ಮಾಡಿರುವ ನಿರ್ಮಾಪಕ ಕನಕಪುರ ಶ್ರೀನಿವಾಸ್ ಅವರು, ಸುಮಾರು 9 ವರ್ಷದ ಹಿಂದೆ ಜೋಗಿ ಪ್ರೇಮ್ ಅವರಿಗೆ ಒಂದು ಸಿನಿಮಾ ಮಾಡಿ ಅಂತ ಹೇಳಿ 10 ಲಕ್ಷ ಅಡ್ವಾನ್ಸ್ ಕೊಟ್ಟಿದ್ದರಂತೆ. ಇಲ್ಲಿಯವರೆಗೂ ಸಿನಿಮಾನೂ ಮಾಡಿಕೊಟ್ಟಿಲ್ಲ, ದುಡ್ಡು ವಾಪಸ್ ಕೊಡ್ತಿಲ್ಲ ಎಂದು ಶ್ರೀನಿವಾಸ್ ಈಗ ಬಾಂಬ್ ಸಿಡಿಸಿದ್ದಾರೆ.

ಯಾವ ಸಿನಿಮಾ ಮಾಡಬೇಕಿತ್ತು.?

ಜೋಗಿ ಪ್ರೇಮ್ ಜೊತೆ ಯಾವ ಸಿನಿಮಾ ಮಾಡೋಕೆ ಅಡ್ವಾನ್ಸ್ ಕೊಟ್ಟಿದ್ದೀರಿ ಅಂತ ಕೇಳಿದ್ರೆ, ''ಯಾವ ಸಿನಿಮಾ ಅಂತ ಪ್ಲಾನ್ ಆಗಿರಲಿಲ್ಲ. ಮಾತುಕತೆ ಕೂಡ ಆಗಿಲ್ಲ. ಕಥೆ ಕೂಡ ಕೇಳಿಲ್ಲ. ಜೋಗಿ ಸಿನಿಮಾ ನೋಡಿದ್ದೆ, ಒಳ್ಳೆ ಡೈರೆಕ್ಟರ್, ಒಳ್ಳೆ ಕಥೆ ಇರುತ್ತೆ, ಸಿನಿಮಾ ಮಾಡ್ತಾರೆ ಅಂತ ಅಡ್ವಾನ್ಸ್ ಕೊಟ್ಟಿದ್ದೆ ಅಷ್ಟೇ. ಈಗ ಕೇಳಿದ್ರೆ, ಆಗ ಕೊಡ್ತೀನಿ ಈಗ ಕೊಡ್ತೀನಿ ಅಂತ ಹೇಳ್ಕೊಂಡೆ ಬರ್ತಿದ್ದಾರೆ. ದುಡ್ಡ ಮಾತ್ರ ವಾಪಸ್ ಕೊಡ್ತಿಲ್ಲ' ಎಂದು ಆರೋಪ ಮಾಡ್ತಿದ್ದಾರೆ.

ಇನ್ನೂ 5 ಲಕ್ಷ ಕೊಡಬೇಕು

''ನನ್ನ ಆರೋಗ್ಯ ಸರಿಯಿಲ್ಲ ಅಂತ ಅವರ ಮನೆ ಹತ್ರ ಹೋಗಿ 2.5 ಲಕ್ಷ ಹಣ ತಗೊಂಡಿದ್ದೆ. ಆಮೇಲೆ ಮತ್ತೆ ನಮ್ಮ ಹುಡುಗನ ಕಳುಹಿಸಿದ್ದಕ್ಕೆ 2.5 ಲಕ್ಷ ದುಡ್ಡು ಕೊಟ್ಟಿದ್ದರು. ಬಾಕಿ ಐದು ಲಕ್ಷ ಎಲ್ರಿ ಅಂದ್ರೆ, ಅದೇನೋ ಪೇಪರ್ ಗೆ ಹಾಕಿದ್ದೀನಿ ಅಂತಾರೆ. ಮತ್ತೆ ಅವರನ್ನ ಕೇಳ್ತೀನಿ'' ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಪ್ಲಾನ್ ಮಾಡದೇ ದುಡ್ಡು ಯಾಕೆ ಕೊಟ್ರಿ.?

ಸಿನಿಮಾ ಯಾವುದು, ಯಾವ ನಟನ ಜೊತೆ ಮಾಡ್ಬೇಕು, ಯಾವಾಗ ಮಾಡ್ಬೇಕು ಎನ್ನುವುದನ್ನ ಏನೂ ಕೇಳದೆ ಯಾಕೆ ಅಡ್ವಾನ್ಸ್ ಕೊಟ್ರಿ ಅಂದಿದ್ದಕ್ಕೆ, ''ಅವರ ಸಿನಿಮಾಗಳನ್ನ ನೋಡಿದ್ದೆ, ತಲೆಯಲ್ಲಿ ಒಳ್ಳೆ ಕಥೆ ಇರುತ್ತೆ ಕೊಟ್ಟೆ, ನನಗೇನು ಗೊತ್ತಿತ್ತು ಆಮೇಲೆ ತಲೆಕೆಟ್ಟೋಗುತ್ತೆ ಅಂತ'' ಎಂದರು.

ಯಾವುದಕ್ಕೆ ಕಾರಣಕ್ಕೂ ಸಿನಿಮಾ ಮಾಡಲ್ಲ

'ಈಗೇನಾದರೂ ಜೋಗಿ ಪ್ರೇಮ್ ಅವರೇ ಬಂದು, ಸಿನಿಮಾ ಮಾಡೋಣ ಬಿಡಿ ಅಂದ್ರು ನಾನು ಮಾಡೋದಕ್ಕೆ ರೆಡಿಯಿಲ್ಲ. ನನಗೆ ನನ್ನ ದುಡ್ಡು ವಾಪಸ್ ಬೇಕು ಅಷ್ಟೇ. ಅವರೇ 2 ಕೋಟಿ ಸಂಭಾವನೆ ನನಗೂ ಕೊಟ್ರು ನಾನು ಅವರ ಜೊತೆ ಸಿನಿಮಾ ಮಾಡಲ್ಲ'' ಎಂದು ಕನಕಪುರ ಶ್ರೀನಿವಾಸ್ ಅವರು ಪ್ರೇಮ್ ವಿರುದ್ಧ ವಾಗ್ವಾದ ನಡೆಸಿದ್ದಾರೆ.