Don't Miss!
- Technology Motorola: ಮೊಟೊರೊಲಾ ಎಡ್ಜ್ 50 ಅಲ್ಟ್ರಾ ಸ್ಮಾರ್ಟ್ಫೋನ್ ಫೀಚರ್ಸ್ ಲೀಕ್! ವಿಶೇಷತೆ ಏನು?
- Automobiles Tata Curvv Vs Citroen Basalt: ಟಾಟಾಗೆ ಸೆಡ್ಡು ಹೊಡೆಯುವ ತಾಕತ್ತಿದೆಯೇ?
- Lifestyle ನರಿ ಮತ್ತು ಕೋಳಿಗೂ ಮೂರ್ಖರ ದಿನಕ್ಕೂ ಇದೆ ನಂಟು..! ಏನದು.?
- News RBI: ಬ್ಯಾಂಕ್ ಕೆಲಸ ಮುಗಿದಿಲ್ವಾ? ಭಯ ಬೇಡ ಮಾರ್ಚ್ 30, 31ಕ್ಕೂ ಓಪನ್ ಇರುತ್ತೆ ಆರ್ಬಿಐ ಕಚೇರಿಗಳು!
- Finance ಮೊದಲ ಬಾರಿಗೆ ಅಂಬಾನಿ ಅದಾನಿ ಸೇರಿ ವ್ಯಾಪಾರ ಒಪ್ಪಂದ, ಇಲ್ಲಿದೆ ಒಪ್ಪಂದ ವಿವರ
- Sports IPL 2024: ವಿರಾಟ್ ಕೊಹ್ಲಿ ಕೆಕೆಆರ್ ಡಗೌಟ್ ನೋಡಿದ್ರೆ ಉರಿದು ಬೀಳ್ತಾರೆ; ಆರ್ಸಿಬಿ ಮಾಜಿ ಕ್ರಿಕೆಟಿಗ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರಿ ಜೋಶ್ ನಲ್ಲಿ ರಾಕೇಶ್; ನಟೋರಿಯಸ್ ಶುರು
ಜಿಜೆ ಎಂಬ ಹೊಸ ನಿರ್ದೇಶಕರ ಹೊಸ ಚಿತ್ರದ ಹೀರೋ ಆಗುವ ಮೂಲಕ ರಾಕೇಶ್ ಸಾಕಷ್ಟು ಕುತೂಲಹ ಕೆರಳಿಸಿದ್ದಾರೆ. 'ಜೋಶ್' ನಂತರ ಗಟ್ಟಿತನ ಇರುವ ಪಾತ್ರಕ್ಕಾಗಿ ಹುಡುಕಾಡುತ್ತಿದ್ದ ರಾಕೇಶ್, ಈಗ ಸಿಕ್ಕ ಸಿಕ್ಕ ಪಾತ್ರಘಲನ್ನು ಒಪ್ಪಿಕೊಳ್ಳದೇ ಭಾರಿ ಚೂಸಿ ಆಗಿದ್ದಾರೆ. ಈಗ ಅವರಿಷ್ಟದ ಪ್ರಕಾರವೇ ಒಳ್ಳೊಳ್ಳೆಯ ಪಾತ್ರಗಳು ಹುಡುಕಿಕೊಂಡು ಬರುತ್ತಿವೆ.
ಸದ್ದಿಲ್ಲದೇ ನಿನ್ನೆ, ಅಂದರೆ 06 ಆಗಸ್ಟ್ 2012 ರಂದು ಶೂಟಿಂಗ್ ಪ್ರಾರಂಭಿಸಿರುವ 'ನಟೋರಿಯಸ್' ಚಿತ್ರಕ್ಕೆ ಗುರುರಾಜ್ ಎಂಬವರು ನಿರ್ಮಾಪಕರು. ಇದು ಅವರ ಮೊದಲ ನಿರ್ಮಾಣದ ಚಿತ್ರವಾಗಿದೆ. ರಾಕೇಶ್ ಅವರಿಗೆ ನಾಯಕಿಯಾಗಿ 'ಗ್ಲಾಮರ್ ಡಾಲ್' ಸಂಜನಾ ಇದ್ದಾರೆ. ಇದೊಂದು ಥ್ರಿಲ್ಲರ್ ಸಸ್ಪೆನ್ಸ್ ಚಿತ್ರ. ಜೊತೆಗೆ ನವಿರಾದ ಪ್ರೀತಿ-ಪ್ರೇಮ, ತಲ್ಲಣ ಹಾಗೂ ಹಾಸ್ಯ ಎಲ್ಲವೂ ಇದೆ ಎಂದಿದೆ ಚಿತ್ರತಂಡ.
ಜೋಶ್ ಮೂಲಕ ನಾಯಕನಟರಾಗಿ ಮಿಂಚಿದ ರಾಕೇಶ್, ಈಗ ಸಾಕಷ್ಟು ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರ ನಟನೆಯ 'ಮಂದಹಾಸ' ಬಿಡುಗಡೆಗೆ ರೆಡಿಯಾಗಿದೆ. ಅಯೋಧ್ಯಾಪುರಂ ಚಿತ್ರೀಕರಣ ಹಂತದಲ್ಲಿದೆ ಹಾಗೂ ಅಲೆಮಾರಿ ಖ್ಯಾತಿಯ ಸಂತು ನಿರ್ದೇಶನದ ಡವ್ ಚಿತ್ರೀಕರಣಕ್ಕೆ ಸಜ್ಜಾಗಿದೆ. ಅಷ್ಟರಲ್ಲೇ ನಟೋರಿಯಸ್ ಬಳಗ ಸೇರಿ ನಾಯಕನಾಗಿ ಅಭಿನಯ ಶುರುಮಾಡಿದ್ದಾರೆ ರಾಕೇಶ್.
ಈ 'ನಟೋರಿಯಸ್' ಚಿತ್ರದ ಛಾಯಾಗ್ರಾಹಕರು ಬಾಲಿವುಡ್ ನಲ್ಲಿ ಕೆಲಸ ಮಾಡಿದ ಅನುಭವಿ ಧನುಷ್. ತಮಿಳಿನಲ್ಲಿ ಕೆಲವು ಚಿತ್ರಗಳಿಗೆ ಸಂಗೀತ ನೀಡಿರುವ ಪ್ರಭು, ನಟೋರಿಯಸ್ ಚಿತ್ರದ ಸಂಗೀತ ನಿರ್ದೇಶಕರು. ಚಿತ್ರದಲ್ಲಿ ರಾಜು ತಾಳಿಕೋಟೆ, ಸಾಧುಕೋಕಿಲ ಮುಂತಾದ ಹಿರಿಯ ಕಲಾವಿದರ ದೊಡ್ಡ ಬಳಗವೇ ಇದೆಯಂತೆ. ಈಗಾಗಲೇ ಚಿತ್ರೀಕರಣ ಪ್ರಾರಂಭಿಸಿರುವ ಚಿತ್ರತಂಡ, ವಿಭಿನ್ನ ಚಿತ್ರ ಕೊಡುವ ಹುಮ್ಮಸ್ಸಿನಲ್ಲಿದೆ. (ಒನ್ ಇಂಡಿಯಾ ಕನ್ನಡ)