ಜುಲೈ 6 ಕಿಚ್ಚನ ಜೀವನದಲ್ಲಿ ಅತ್ಯಮೂಲ್ಯವಾದ ದಿನ

ಜುಲೈ6 ರಿಂದ ಕಿಚ್ಚನ ಜೀವನಕ್ಕೆ ಹೊಸ ತಿರುವು

ಸುದೀಪ್ ಅವರ ಜೀವನದಲ್ಲಿ ಜುಲೈ 6 ತುಂಬಾ ಮಹತ್ವವಾದ ದಿನವಾಗಿದೆ. ಕಿಚ್ಚ ನಾಯಕನಾಗಿ ಅಭಿನಯ ಮಾಡಿದ 'ಹುಚ್ಚ' ಸಿನಿಮಾ ಜುಲೈ 6- 2001 ರಲ್ಲಿ ಬಿಡುಗಡೆ ಆಗಿತ್ತು. ಅಂದಿನಿಂದ ಸುದೀಪ್ ಕನ್ನಡ ಸಿನಿಮಾರಂಗದಲ್ಲಿ ಭರವಸೆ ನಾಯಕನಾಗಿ ಪರಿಚಿತರಾದರು.

ಈಗ ಸಿನಿಮಾ ಬಿಡುಗಡೆ

ಅದೇ ರೀತಿ ಟಾಲಿವುಡ್ ನಲ್ಲಿ ಸುದೀಪ್ ಪ್ರಖ್ಯಾತಿ ಗಳಿಸಲು ಕಾರಣವಾದ 'ಈಗ' ಸಿನಿಮಾ ಕೂಡ 2012 ಜುಲೈ 6 ರಂದೇ ತೆರೆಕಂಡಿದ್ದು. ಈ ಚಿತ್ರದ ಮೂಲಕ ಸುದೀಪ್ ಟಾಲಿವುಡ್ ನಲ್ಲಿಯ ಸ್ಟಾರ್ ನಟರಾಗಿ ಗುರುತಿಸಿಕೊಂಡರು.

ವೃತ್ತಿ ಬದುಕಿಗೆ ತಿರುವು ಕೊಟ್ಟ ದಿನ

ಜುಲೈ 6 ಸುದೀಪ್ ವೃತ್ತಿ ಬದುಕಿಗೆ ದೊಡ್ಡ ತಿರುವನ್ನು ನೀಡಿದ ದಿನವಾಗಿದೆ. ಸ್ಯಾಂಡಲ್ ವುಡ್ ಹಾಗೂ ಟಾಲಿವುಡ್ ಎರಡು ಚಿತ್ರರಂಗದಲ್ಲಿ ಸುದೀಪ್ ಅದ್ಬುತ ಪ್ರತಿಭೆ ಎನ್ನುವುದು ತಿಳಿದ ದಿನ ಜುಲೈ 6.

ಅಭಿಮಾನಿಗಳ ಬೆಂಬಲ ನೆನೆದ ಕಿಚ್ಚ

ಈ ಎರಡು ಚಿತ್ರಗಳಿಂದ ಸುದೀಪ್ ವೃತ್ತಿ ಬದುಕಿನಲ್ಲಿ ಸಾಕಷ್ಟು ಬದಲಾವಣೆ ಕಂಡಿದ್ದು ಸುದೀಪ್ ಭಾರತೀಯ ಚಿತ್ರರಂಗದಲ್ಲಿ ಹೆಸರು ಗಳಿಸಲು ಅವಕಾಶ ಮಾಡಿಕೊಟ್ಟಿರುವುದಾಗಿ ಸುದೀಪ್ ತಮ್ಮ ಟ್ವಿಟ್ಟರ್ ನಲ್ಲಿ ಬರೆದುಕೊಂಡಿದ್ದಾರೆ. ಹಾಗೆಯೇ ಇಂತಹ ಖುಷಿ ಸಮಯದಲ್ಲಿ ಅಭಿಮಾನಿಗಳ ಬೆಂಬಲ ಹಾಗೂ ಪ್ರೀತಿಯನ್ನು ಸ್ಮರಿಸುವುದು ಸುದೀಪ್ ಮರೆತಿಲ್ಲ.