'ಯು.ಎಸ್.ಎ'ನಲ್ಲಿ ಟಿ.ಎನ್.ಸೀತಾರಾಮ್ ಅವರ 'ಕಾಫಿತೋಟ' ಬಿಡುಗಡೆ

ಕನ್ನಡದ ಖ್ಯಾತ ನಿರ್ದೇಶಕ ಟಿ.ಎನ್ ಸೀತಾರಾಮ್ ಅವರು ಸುಮಾರು 9 ವರ್ಷದ ನಂತರ ನಿರ್ದೇಶನ ಮಾಡಿದ್ದ 'ಕಾಫಿತೋಟ' ಚಿತ್ರ ಈಗ ಯು.ಎಸ್.ಎ ನಲ್ಲಿ ಪ್ರದರ್ಶನವಾಗುತ್ತಿದೆ.

ಅಕ್ಟೋಬರ್ 13 ರಂದು ಅಟ್ಲಾಂಟಾ ರಾಷ್ಟ್ರದಲ್ಲಿ 'ಕಾಫಿತೋಟ' ತೆರೆಕಂಡಿದ್ದು, ಈ ವಾರಾಂತ್ಯಕ್ಕೆ ಕನ್ನಡ ಪ್ರೇಕ್ಷಕರನ್ನ ರಂಜಿಸುತ್ತಿದೆ. ಯು.ಎಸ್ ನ ಹಲವು ಚಿತ್ರಮಂದಿರಗಳಲ್ಲಿ 'ಕಾಫಿತೋಟ' ಸಿನಿಮಾ ಪ್ರದರ್ಶನವಾಗುತ್ತಿದೆ.

ಆಗಸ್ಟ್ 18 ರಂದು ಕರ್ನಾಟಕದಲ್ಲಿ ರಿಲೀಸ್ ಆಗಿದ್ದ 'ಕಾಫಿತೋಟ' ಚಿತ್ರದಲ್ಲಿ ರಾಧಿಕ ಚೇತನ್, ರಘು ಮುಖರ್ಜಿ, ರಾಹುಲ್, ಟಿ.ಎನ್.ಸೀತಾರಾಮ್ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ.

ಟಿ.ಎನ್.ಸೀತಾರಾಮ್ ಅವರು ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶನ ಮಾಡಿದ್ದರು. ಅಶೋಕ್ ಕಶ್ಯಪ್ ಅವರ ಅದ್ಭುತ ಛಾಯಾಗ್ರಹಣ ಈ ಚಿತ್ರಕ್ಕಿದೆ. ಮತ್ತು ಮಿಥುನ್ ಮುಕುಂದನ್ ಮತ್ತು ಅನೂಪ್ ಸೀಳಿನ್ ಅವರ ಸಂಗೀತವಿದೆ.