Don't Miss!
- News Neha Hiremath: ನೇಹಾ ಹಿರೇಮಠ್ ಕೊಲೆ ಪ್ರಕರಣವನ್ನು ಎನ್ಐಎ ತನಿಖೆಗೆ ನೀಡಲು ವಿಎಚ್ಪಿ ಒತ್ತಾಯ
- Technology vivo: ವಿವೋ Y200i ಸ್ಮಾರ್ಟ್ಫೋನ್ ಲಾಂಚ್! 12GB RAM.. 6000mAh ಬ್ಯಾಟರಿ
- Automobiles ಸಣ್ಣ ಕುಟುಂಬಗಳಿಗೆ ಬೆಸ್ಟ್ ಕಾರು... 5.36 ಲಕ್ಷ ರೂ. ಬೆಲೆ... 34 ಕಿ.ಮೀ ಮೈಲೇಜ್!
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Sports ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು?
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಕಾಳಿ ಟೈಟಲ್ ನನ್ನ ಬ್ಯಾನರ್ನಲ್ಲಿ ರಿಜಿಸ್ಟರ್ ಆಗಿದೆ'- ಅಂಬಿ ಬರ್ತ್ಡೇ ದಿನವೇ ಲಾಂಚ್!
ಕಳೆದ ಕೆಲವು ದಿನಗಳಿಂದ ಸ್ಯಾಂಡಲ್ವುಡ್ನಲ್ಲಿ ಒಂದು ಟೈಟಲ್ ಬಗ್ಗೆ ಚರ್ಚೆಯಾಗುತ್ತಿದೆ. ಇಬ್ಬರು ನಿರ್ದೇಶಕರು ಒಂದೇ ಟೈಟಲ್ ಹಿಂದೆ ಬಿದ್ದಿದಾರೆ ಸುದ್ದಿ ಜೋರಾಗೇ ಹರಿದಾಡುತ್ತಿತ್ತು. ಆ ಟೈಟಲ್ ಮತ್ಯಾವುದೂ ಅಲ್ಲ 'ಕಾಳಿ'. ಇದೇ ಟೈಟಲ್ಗಾಗಿ ಇಬ್ಬರು ನಿರ್ದೇಶಕರು ಪೈಪೋಟಿ ನಡೆಸುತ್ತಿದ್ದಾರೆ ಅಂತ ಬಿಸಿ ಬಿಸಿ ಚರ್ಚೆಯಾಗುತ್ತಿತ್ತು.
'ಪೈಲ್ವಾನ್' ನಿರ್ದೇಶಕ ಕೃಷ್ಣ ಹಾಗೂ 'ಜೋಗಿ' ನಿರ್ದೇಶಕ ಪ್ರೇಮ್ ಇಬ್ಬರೂ ಹೊಸ ಸಿನಿಮಾ ನಿರ್ದೇಶನಕ್ಕೆ ಮುಂದಾಗಿದ್ದಾರೆ. ಅಭಿಷೇಕ್ ಅಂಬರೀಶ್ಗೆ ಪೈಲ್ವಾನ್ ಕೃಷ್ಣ ನಿರ್ದೇಶನ ಮಾಡುತ್ತಿದ್ದಾರೆ. ಇತ್ತ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾಗೆ ಜೋಗಿ ಡೈರೆಕ್ಟ್ ಮಾಡುತ್ತಿದ್ದಾರೆ. ಇವರಿಬ್ಬರೂ 'ಕಾಳಿ' ಟೈಟಲ್ ಮೇಲೆ ಕಣ್ಣಿಟ್ಟಿದ್ದಾರೆ ಅನ್ನೋದು ಗಾಂಧಿನಗರದಲ್ಲಿ ಹರಿದಾಡುತ್ತಿರುವ ಸುದ್ದಿ.
ಮೈಸೂರಿನ ಚಾಮುಂಡೇಶ್ವರಿ ಸನ್ನಿಧಿಯಲ್ಲಿ ಧ್ರುವ ಸರ್ಜಾ, ಪ್ರೇಮ್ ಸಿನಿಮಾ ಲಾಂಚ್
ಇದೇ ವಿಚಾರವಾಗಿ ಇಬ್ಬರೂ ನಿರ್ದೇಶಕರನ್ನು ಫಿಲ್ಮಿ ಬೀಟ್ ಸಂಪರ್ಕಿಸಲಾಗಿತ್ತು. ಜೋಗಿ ಪ್ರೇಮ್ ಪ್ರತಿಕ್ರಿಯೆ ಸಿಕ್ಕಿಲ್ಲ. ಆದರೆ, 'ಪೈಲ್ವಾನ್' ನಿರ್ದೇಶಕ ಕೃಷ್ಣ ಫಿಲ್ಮ್ ಬೀಟ್ ಜೊತೆ ಸಿನಿಮಾ ಬಗ್ಗೆ ಹಾಗೂ ಟೈಟಲ್ ಬಗ್ಗೆ ಎದ್ದಿರುವ ಊಹಾ-ಪೋಹಗಳ ಬಗ್ಗೆ ಮಾಹಿತಿ ನೀಡಿದ್ದಾರೆ. ಹಾಗಿದ್ದರೆ, 'ಕಾಳಿ' ಟೈಟಲ್ ಬಗ್ಗೆ ಪೈಲ್ವಾನ್ ಕೃಷ್ಣ ಹೇಳಿದ್ದೇನು? ತಿಳಿಯಲು ಮುಂದೆ ಓದಿ.
'ಕಾಳಿ' ಟೈಟಲ್ ಬಗ್ಗೆ ಏನಿದು ಗೊಂದಲ?
ಸ್ಯಾಂಡಲ್ವುಡ್ನಲ್ಲಿ 'ಕಾಳಿ' ಟೈಟಲ್ ಬಗ್ಗೆ ಚರ್ಚೆ ಶುರುವಾಗಿತ್ತು. ಧ್ರುವ ಸರ್ಜಾ ಸಿನಿಮಾಗೆ ಜೋಗಿ ಪ್ರೇಮ್ 'ಕಾಳಿ' ಎಂದು ಟೈಟಲ್ ಇಡಲು ಮುಂದಾಗಿದ್ದಾರೆ ಎನ್ನಲಾಗಿತ್ತು. ಇದೇ ವೇಳೆ ಅಭಿಷೇಕ್ ಅಂಬರೀಶ್ ಸಿನಿಮಾಗೂ ನಿರ್ದೇಶಕ ಕೃಷ್ಣ 'ಕಾಳಿ' ಟೈಟಲ್ ಅನ್ನೇ ಅಂತಿಮಗೊಳಿಸಿದ್ದಾರೆ ಎನ್ನುವ ಸುದ್ದಿ ಹರಿದಾಡುತ್ತಿತ್ತು. ಇಬ್ಬರೂ ಒಂದೇ ಟೈಟಲ್ ಅನ್ನು ಇಡುವುದು ಅಸಾಧ್ಯ. ಹೀಗಾಗಿ 'ಕಾಳಿ' ಟೈಟಲ್ ಯಾರ ಬಳಿ ಇದೆ? ಕುತೂಹಲಕ್ಕೆ ಕೃಷ್ಣ ತೆರೆ ಎಳೆದಿದ್ದಾರೆ.
ದರ್ಶನ್ಗೆ ಹೇಳಿದ್ದ ಕಥೆ ಧ್ರುವಗೆ ಮಾಡುತ್ತಿದ್ದಾರಾ ಜೋಗಿ ಪ್ರೇಮ್? ಈ ಚಿತ್ರಕ್ಕಿದೆ ಭೂಗತಲೋಕದ ನಂಟು
ನಿರ್ದೇಶಕ ಕೃಷ್ಣ ಬಳಿಯಿದೆ 'ಕಾಳಿ' ಟೈಟಲ್
'ಕಾಳಿ' ಟೈಟಲ್ ಬಗ್ಗೆ ನಿರ್ದೇಶಕ ಕೃಷ್ಣ ಫಿಲ್ಮಿ ಬೀಟ್ಗೆ ಕ್ಲಾರಿಟಿ ಕೊಟ್ಟಿದ್ದಾರೆ. " ಕಾಳಿ ಸಿನಿಮಾದ ಟೈಟಲ್ ನನ್ನ ಬ್ಯಾನರ್ನಲ್ಲಿ ರಿಜಿಸ್ಟರ್ ಆಗಿದೆ. ಹೀಗಾಗಿ ಆ ಟೈಟಲ್ ನನ್ನ ಬಳಿಯೇ ಇದೆ. ಇದರಲ್ಲಿ ಯಾವುದೇ ಗೊಂದಲವಿಲ್ಲ. ಕಳೆದ ಕೆಲವು ದಿನಗಳಿಂದ ಕೆಲವು ಊಹಾ-ಪೋಹಗಳು ಹರಿದಾಡುತ್ತಿದೆ ಎಂಬುದನ್ನು ನನ್ನ ಆಪ್ತರು ಗಮನಕ್ಕೆ ತಂದಿದ್ದಾರೆ. ಆದರೆ, ಇದರ ಬಗ್ಗೆ ಯಾವುದೇ ಚರ್ಚೆಯಾಗಿಲ್ಲ. ನಾವು ನಮ್ಮ ಸಿನಿಮಾಗೆ ಈ ಟೈಟಲ್ ಬೇಕೆಂದೇ ರಿಜಿಸ್ಟರ್ ಮಾಡಿದ್ದೇವೆ. ಸಮಯ ಬಂದಾಗ ಆ ಟೈಟಲ್ ಅನ್ನು ರಿವೀಲ್ ಮಾಡುತ್ತೇವೆ. " ಎಂದು ಪ್ರತಿಕ್ರಿಯಿಸಿದ್ದಾರೆ.
'ಕಾಳಿ' ಟೈಟಲ್ ಯಾಕೆ ಬೇಕು?
ಅಭಿಷೇಕ್ ಅಂಬರೀಶ್ ನಟಿಸುತ್ತಿರುವ ಈ ಸಿನಿಮಾ 90 ದಶಕದ ಕಥೆ ಎನ್ನಲಾಗಿದೆ. ಹೀಗಾಗಿ ಆ ಕಥೆಗೆ 'ಕಾಳಿ' ಸೂಕ್ತ ಎನ್ನುತ್ತಾರೆ ಕೃಷ್ಣ. " ಅಭಿಷೇಕ್ ಅಂಬರೀಶ್ ಹಾಗೂ ಸೂರಿ ಸಿನಿಮಾ ಇಷ್ಟರೊಳಗೆ ಮುಗಿಯಬೇಕಿತ್ತು. ಆದರೆ, ಕೊರೊನಾದಿಂದಾಗಿ ಸ್ವಲ್ಪ ತಡವಾಗಿದೆ. ಇಲ್ಲದೆ ಹೋಗಿದ್ದರೆ, ಇಷ್ಟರೊಳಗೆ ಸಿನಿಮಾ ಟೈಟಲ್ 'ಕಾಳಿ' ಎಂದು ರಿವೀಲ್ ಮಾಡುತ್ತಿದ್ದೆವು. ಆದರೆ, ಆ ಸಿನಿಮಾ ಕೆಲ ಬಾಕಿ ಇದ್ದಿದ್ದರಿಂದ ಟೈಟಲ್ ರಿವೀಲ್ ಮಾಡಿರಲಿಲ್ಲ. ಇದು 90ರ ದಶಕದ ಕಥೆಯಾಗಿದ್ದರಿಂದ 'ಕಾಳಿ' ಟೈಟಲ್ ಸೂಕ್ತ ಎನಿಸಿದ್ದಕ್ಕೆ ರಿಜಿಸ್ಟರ್ ಮಾಡಿಸಿದ್ದೇವೆ." ಎನ್ನುತ್ತಾರೆ ಪೈಲ್ವಾನ್ ನಿರ್ದೇಶಕ.
'ಕರಿಯ' ಮಾಡಿದ ಕೆಲೆಕ್ಷನ್ ಎಷ್ಟು? ಹಿಟ್ ಆಗಿದ್ದು ಹೇಗೆ? ಪ್ರೇಮ್ ಬಿಚ್ಚಿಟ್ಟ ಮಾಹಿತಿ
ಅಂಬಿ ಬರ್ತ್ಡೇಯಂದೇ ಹೊಸ ಸಿನಿಮಾ
ಅಭಿಷೇಕ್ ಅಂಬರೀಶ್ ಹಾಗೂ ಕೃಷ್ಣ ಕಾಂಬಿನೇಷನ್ ಸಿನಿಮಾವನ್ನು ಶೀಘ್ರವೇ ಲಾಂಚ್ ಆಗಲಿದೆ. (ಮೇ 29)ರಂದು ರೆಬಲ್ ಸ್ಟಾರ್ ಅಂಬರೀಶ್ ಹುಟ್ಟುಹಬ್ಬವಿದೆ. ಈ ದಿನದಂದು ಅಭಿಷೇಕ್ ಅಂಬರೀಶ್ ಹೊಸ ಸಿನಿಮಾ ಲಾಂಚ್ ಆಗುತ್ತಿದೆ. ಕೃಷ್ಣ ಆ ವಿಶೇಷ ದಿನದಂದು 'ಕಾಳಿ' ಟೈಟಲ್ ಲಾಂಚ್ ಮಾಡಲು ನಿರ್ಧರಿಸಿದ್ದಾರೆ. ಒಂದು ವೇಳೆ ಜೋಗಿ ಪ್ರೇಮ್ 'ಕಾಳಿ' ಟೈಟಲ್ ಇಷ್ಟಪಟ್ಟಿದ್ದು ನಿಜವೇ ಆಗಿದ್ದರೆ, ಆ ಟೈಟಲ್ ಸಿಗುವ ಸಾಧ್ಯತೆಯಿಲ್ಲ.