ಸೂಪರ್ ಸ್ಟಾರ್ ರಜನಿಕಾಂತ್ ಅಭಿಮಾನಿಗಳಲ್ಲಿ ಬೇಸರ

ಚಿತ್ರರಂಗಕ್ಕೆ ಗುಡ್ ಬೈ

ಮುಂಬರುವ ಲೋಕಸಭೆ ಚುನಾವಣೆಯಲ್ಲಿ ಪಕ್ಷ ಕಟ್ಟುವ ಬಗ್ಗೆ ಹೇಳಿರುವ ರಜನಿಕಾಂತ್, ಚುನಾವಣೆಗೆ ಸಿದ್ದವಾಗಬೇಕಿದೆ. ಜನರ ಮುಂದೆ ಹೋಗಬೇಕಿದೆ. ಪಕ್ಷ ಸಂಘಟನೆ ಮಾಡಬೇಕಿದೆ. ಪಕ್ಷದ ಕಾರ್ಯತಂತ್ರ ರೂಪಿಸಬೇಕಿದೆ. ತಮಿಳುನಾಡಿನ ರಾಜಕೀಯ ಪರಿಸ್ಥಿತಿಯ ಬಗ್ಗೆ ಅಧ್ಯಯನ ಮಾಡಬೇಕಿದೆ. ರಜನಿಯ ಹಾದಿಯಲ್ಲಿ ಇದನ್ನೆಲ್ಲಾ ಗಮನಿಸುವುದಾರೇ ಸೂಪರ್ ಸ್ಟಾರ್ ಚಿತ್ರರಂಗಕ್ಕೆ ಗುಡ್ ಬೈ ಹೇಳೋದು ಖಚಿತ ಎನ್ನಲಾಗಿದೆ.

ದೇವರ ಮೇಲೆ ನಂಬಿಕೆ

ಎಲ್ಲವನ್ನು ದೇವರ ಮೇಲೆ ನಂಬಿಕೆ ಇಟ್ಟು ಮಾಡುವ ರಜನಿಕಾಂತ್ ಚಿತ್ರರಂಗದಲ್ಲಿ ಮುಂದುವರೆಯುವುದರ ಬಗ್ಗೆ ಯಾವುದೇ ಮಾಹಿತಿಯೂ ಬಿಟ್ಟುಕೊಟ್ಟಿಲ್ಲ. ಆದ್ರೆ, 'ದೇವರ ನಿರ್ಣಯದಂತೆ ಮಾಡುತ್ತೇನೆ' ಎಂಬ ವಾಕ್ಯ ಬಹುಶಃ ತಲೈವಾ ಸಿನಿವೃತ್ತಿಯನ್ನ ಅಂತ್ಯವಾಗಿಸಬಹುದು ಎನ್ನಿಸುತ್ತಿದೆ.

ಎರಡು ಸಿನಿಮಾ ಬಿಡುಗಡೆಯಾಗಬೇಕಿದೆ

ಸದ್ಯ ಶಂಕರ್ ಹಾಗೂ ರಜನಿಕಾಂತ್ ಕಾಂಬಿನೇಷನ್ ನಲ್ಲಿ ತಯಾರಾಗಿರುವ 2.0 ಸಿನಿಮಾ ತೆರೆಕಾಣಲು ಸಿದ್ದವಾಗುತ್ತಿದೆ. ಏಪ್ರಿಲ್ ತಿಂಗಳಿನಲ್ಲಿ ಈ ಸಿನಿಮಾ ರಿಲೀಸ್ ಆಗಲಿದೆ. ಅದಾದ ಎರಡು ತಿಂಗಳ ನಂತರ 'ಕಾಲ ಕರಿಕಾಳನ್' ಸಿನಿಮಾ ಬಿಡುಗಡೆಯಾಗಲಿದೆ. ಬಹುಶಃ 'ಕಾಲ' ಚಿತ್ರವೇ ರಜನಿ ಕರಿಯರ್ ನಲ್ಲಿ ಕೊನೆ ಚಿತ್ರವಾಗಬಹುದು ಎಂಬ ಆತಂಕ ಅಭಿಮಾನಿಗಳಲ್ಲಿದೆ.

ಯಾರಿಗೂ ಕಾಲ್ ಶೀಟ್ ಕೊಟ್ಟಿಲ್ಲ

67ರ ವಯಸ್ಸಿನಲ್ಲೂ ತೆರೆಮೇಲೆ ನಾಯಕನಾಗಿ ಮಿಂಚುತ್ತಿರುವ ರಜನಿಕಾಂತ್, ಸದ್ಯಕ್ಕೆ ಬೇರೆ ಯಾವ ಚಿತ್ರಕ್ಕೂ ಕಾಲ್ ಶೀಟ್ ಕೊಟ್ಟಿಲ್ಲ. ಇದಕ್ಕೆ ರಾಜಕೀಯವೇ ಕಾರಣವಂತೆ. ಮೂಲಗಳ ಪ್ರಕಾರ '2.0' ಮತ್ತು 'ಕಾಲ ಕರಿಕಾಳನ್' ಸಿನಿಮಾಗಳ ಶೂಟಿಂಗ್ ಮುಗಿಸಿರುವ ತಲೈವಾ, ತಮ್ಮ ಬಣ್ಣದ ಲೋಕದ ನಂಟನ್ನ ಅಂತ್ಯಗೊಳಿಸಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ.