'ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್' ನಿರ್ಮಿಸಿದ ಅನಿರುದ್ಧ್ !

ಅನಿರುದ್ಧ ಅವರ ಹೆಸರಲ್ಲಿ 4 'ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್' ನಿರ್ಮಾಣವಾಗಿವೆ. ಇತ್ತೀಚೆಗೆ ಸಿನಿಮಾಗಳಲ್ಲಿ ಅಪರೂಪವಾಗಿರುವ ಇವರು ತಮ್ಮ ಸಂಸ್ಥೆಯ ಮೂಲಕ ಸ್ವಪ್ರಯತ್ನದಿಂದ ಈ ದಾಖಲೆಗಳನ್ನು ಮಾಡಿದ್ದಾರೆ.

ಅನಿರುದ್ಧ ಅವರ ದಾಖಲೆಗಳ ಪಟ್ಟಿ ಹೀಗಿವೆ

ಒಂದೇ ದಿನ ಅತಿ ಹೆಚ್ಚು ಅಂದರೆ 6 ಕಿರುಚಿತ್ರಗಳ ಬಿಡುಗಡೆಯನ್ನು ಕೀರ್ತಿ ಇನೋವೇಶನ್ಸ್ ನಿರ್ಮಾಣದಲ್ಲಿ ಮಾಡಲಾಗಿತ್ತು. ಅವುಗಳಿಗೆ ಬರಹಗಾರ ಮತ್ತು ನಿರ್ದೇಶಕರಾಗಿದ್ದ ಅನಿರುದ್ಧ ಜತಕರ ಅವರು ಬೆಂಗಳೂರು, ಕರ್ನಾಟಕದಲ್ಲಿ ಸೆಪ್ಟೆಂಬರ್18, 2018 ರಂದು ಈ ದಾಖಲೆಯನ್ನ ನಿರ್ಮಿಸಿದ್ದಾರೆ.

ಆರು ಕಿರುಚಿತ್ರಗಳು ಕೂಡ ಸಮಾಜದ ಸಮಸ್ಯೆಗಳನ್ನು ಕುರಿತಾಗಿ ಇರುವುದಕ್ಕಾಗಿ ಒಂದು ದಾಖಲೆ, ಅವುಗಳಿಗೆ ಬರಹಗಾರ ಮತ್ತು ನಿರ್ದೇಶಕರಾಗಿದ್ದು ಎರಡನೇ ದಾಖಲೆ ಹಾಗೂ ಅವುಗಳಲ್ಲಿ ಯಾವುದೇ ಸಂಭಾಷಣೆ ಇಲ್ಲದೆ ಇರುವುದು ಮತ್ತೊಂದು ದಾಖಲೆ ಆದರೆ ಎಲ್ಲ ಕಿರುಚಿತ್ರಗಳು 6 ಬೇರೆ ಬೇರೆ ಶೈಲಿಗಳಲ್ಲಿ ಚಿತ್ರೀಕರಣ ಮಾಡಿರುವುದಕ್ಕೆ ನಾಲ್ಕನೆಯ ದಾಖಲೆ ಮಾಡಿದ್ದಾರೆ.

ದಾಖಲೆಗಾಗಿ ಸಂತಸವಿದೆ

"ಕನ್ನಡಿಗನಾಗಿ ಹಾಗು ಕರ್ನಾಟಕ ಚಲನಚಿತ್ರ ಕಲಾವಿದನಾಗಿ ಇಂಥದೊಂದು ದಾಖಲೆ ಮಾಡಿರುವುದಕ್ಕೆ ನನಗೆ ಹೆಮ್ಮೆ ಇದೆ. ಈ ಎಲ್ಲಾ ದಾಖಲೆಗಳು ಆಗಿರೋದಕ್ಕೆ ಅಪ್ಪಾರವರಾದ ಸಾಹಸ ಸಿಂಹ ಡಾll ವಿಷ್ಣುವರ್ಧನ ರವರ ಆಶೀರ್ವಾದ, ಕೀರ್ತಿ ಇನೋವೇಶನ್ಸ್ ತಂಡದ ಬೆಂಬಲ, ನನ್ನ ಕುಟುಂಬದ ನನ್ನ ಸಾಮರ್ಥ್ಯದ ಮೇಲಿರೋ ಭರವಸೆ ಮತ್ತು ತಮ್ಮೆಲ್ಲರ ಹಾರೈಕೆ ಕಾರಣ.." ಎಂದು ಕೃತಜ್ಞತೆ ಸೂಚಿಸಿದ್ದಾರೆ ಅನಿರುದ್ಧ್.