ಮದುವೆ ಮುಗಿಯುತ್ತಿದ್ದಂತೆಯೇ ಮತ್ತೆ ಚಿತ್ರೀಕರಣಕ್ಕೆ ಹೊರಟ ನಟ ಧ್ರುವ ಸರ್ಜಾ

ಮದುವೆ ನಂತರ ಚಿತ್ರೀಕರಣದಲ್ಲಿ ಧ್ರುವ

ಪೊಗರು ಚಿತ್ರದ ಚಿತ್ರೀಕರಣ ಸದ್ಯ ಬೆಂಗಳೂರಿನ್ಲಲಿ ನಡೆಯುತ್ತಿದೆ. ನಾಳೆ ಆಕ್ಷನ್ ಪ್ರಿನ್ಸ್ ಚಿತ್ರತಂಡ ಸೇರಿಕೊಳ್ಳಲಿದ್ದಾರೆ. ಇನ್ನು ಡಿಸೆಂಬರ್ 5 ರಿಂದ ಪೊಗರು ಚಿತ್ರದ ಹಾಡಿನ ಚಿತ್ರೀಕರಣ ನಡೆಸಲು ಪ್ಲಾನ್ ಮಾಡಿದೆ ಚಿತ್ರತಂಡ. ಡಿಸೆಂಬರ್ ನಲ್ಲಿಯೆ ಸಂಪೂರ್ಣ ಚಿತ್ರೀಕರಣ ಮುಗಿಸಿ ಜನವರಿಯಿಂದ ಪೋಸ್ಟ್ ಪ್ರೊಡಕ್ಷನ್ ಕೆಲಸ ಮಾಡಲು ಚಿತ್ರತಂಡ ನಿರ್ಧರಿಸಿದೆ.

ಧ್ರುವ ಡೆಡಿಕೇಶನ್ ಗೆ ಅಭಿಮಾನಿಗಳ ಮೆಚ್ಚಿಗೆ

ಚಿತ್ರೀಕರಣ ಇನ್ನು ಭಾಕಿ ಇರುವ ಕಾರಣ ಧ್ರುವ ಮದುವೆಯಲ್ಲೂ ಕೂಡ ಉದ್ದ ದಾಡಿ ಮತ್ತು ಗಡ್ಡ ಬಿಟ್ಟಿದ್ದರು. ಮದುವೆಯಾಗಿ ಇನ್ನು ನಾಲ್ಕೈದು ದಿನಗಳಲ್ಲೆ ಚಿತ್ರೀಕರಣಕ್ಕೆ ಮರಳಲುತ್ತಿರುವ ಧ್ರುವ ಡೆಡಿಕೇಶನ್ ನೋಡಿ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.

ಟ್ರೈಲರ್ ಗೆ ಉತ್ತಮ ರೆಸ್ಪಾನ್ಸ್

'ಪೊಗರು' ನಂದಕಿಶೋರ್ ಸಾರಥ್ಯದಲ್ಲಿ ಮೂಡಿ ಬರುತ್ತಿರುವ ಸಿನಿಮಾ. ಈಗಾಗಲೆ ಡೈಲಾಗ್ ಟ್ರೈಲರ್ ರಿಲೀಸ್ ಆಗಿದ್ದು ಅಭಿಮಾನಿಗಳಿಂದ ಉತ್ತಮ ರೆಸ್ಪಾನ್ಸ್ ಗಿಟ್ಟಿಸಿಕೊಂಡಿದೆ. ಧ್ರುವಗೆ ನಾಯಕಿಯಾಗಿ ರಶ್ಮಿಕಾ ಮಂದಣ್ಣ ಕಾಣಿಸಿಕೊಂಡಿದ್ದಾರೆ.

24ಕ್ಕೆ ಮದುವೆ 25ಕ್ಕೆ ಆರತಕ್ಷತೆ

ಇದೆ ತಿಂಗಳು 24ಕ್ಕೆ ಧ್ರುವ ಮದುವೆ ಬೆಂಗಳೂರಿನ ಜೆ.ಪಿ.ನಗರದಲ್ಲಿ ಇರುವ ಸಂಸ್ಕೃತಿ ಬೃಂದಾವನ ಕನ್ಷೆನ್ಸನ್ ಹಾಲ್ ನಲ್ಲಿ ಅದ್ಧೂರಿಯಾಗಿ ನಡೆಯಿತು. 25ರಂದು ಅಭಿಮಾನಿಗಳಿಗಾಗಿ ವಿಶೇಷ ಆರತಕ್ಷತೆಯನ್ನು ಹಮ್ಮಿಕೊಂಡಿದ್ದರು. ಸುಮಾರು 30 ಸಾವಿರ ಅಭಿಮಾನಿಗಳು ಧ್ರುವ ಮದುವೆ ಸಮಾರಂಭದಲ್ಲಿ ಭಾಗಿಯಾಗಿ ನವ ಜೋಡಿಗೆ ಶುಭ ಹಾರೈಸಿದ್ದಾರೆ.