ಹ್ಯಾಟ್ರಿಕ್ ಸಿನಿಮಾಗಾಗಿ ಮತ್ತೆ ಒಂದಾದ ಗಣೇಶ್ - ಪ್ರೀತಮ್ ಗುಬ್ಬಿ

ನಟ ಗಣೇಶ್ ಈಗ ಸಾಕಷ್ಟು ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ. ಇದೀಗ ಅವರ ಸಿನಿಮಾಗಳ ಸಾಲಿಗೆ ಮತ್ತೊಂದು ಹೊಸ ಸಿನಿಮಾ ಸೇರಿಕೊಂಡಿದೆ ಅದೇ 'ಮರೆಯುವ ಮುನ್ನ'.

'ಮರೆಯುವ ಮುನ್ನ' ನಟ ಗಣೇಶ್ ಅವರ ಹೊಸ ಸಿನಿಮಾ. ಈ ಸಿನಿಮಾವನ್ನು ಪ್ರೀತಮ್ ಗುಬ್ಬಿ ನಿರ್ದೇಶನ ಮಾಡುತ್ತಿದ್ದಾರೆ. ವಿಶೇಷ ಅಂದರೆ, ಇದು ಗಣೇಶ್ ಹಾಗೂ ಪ್ರೀತಮ್ ಗುಬ್ಬಿ ಕಾಂಬಿನೇಶನ್ ನಲ್ಲಿ ಬರುತ್ತಿರುವ ಮೂರನೇ ಸಿನಿಮಾ.

ಈ ಹಿಂದೆ 'ಮಳೆಯಲಿ ಜೊತೆಯಲಿ' ಹಾಗೂ 'ದಿಲ್ ರಂಗೀಲಾ' ಸಿನಿಮಾಗಳನ್ನು ಗಣೇಶ್ ಗಾಗಿ ಪ್ರೀತಮ್ ಮಾಡಿದ್ದರು. ಅದಕ್ಕೂ ಹಿಂದೆ 'ಮುಂಗಾರು ಮಳೆ' ಸಿನಿಮಾಗೆ ಸಹ ಅವರೇ ಕಥೆ ಬರೆದಿದ್ದರು.

ಈ ಎಲ್ಲ ಸಿನಿಮಾಗಳ ನಂತರ ಮತ್ತೆ ಈ ಜೋಡಿ ಒಂದಾಗಿದೆ. 'ಮರೆಯುವ ಮುನ್ನ' ಚಿತ್ರ ಪಕ್ಕಾ ಗಣೇಶ್ ಸ್ಟೈಲ್ ಗೆ ಹೊಂದಿಕೊಳ್ಳವ ರೀತಿ ಇದ್ದು, ಇದೊಂದು ರೊಮ್ಯಾಂಟಿಕ್ ಸಿನಿಮಾ ಆಗಿದೆಯಂತೆ.

ಈ ಸಿನಿಮಾಗಳ ಜೊತೆಗೆ 'ಗಿಮಿಕ್', 'ಗೀತಾ' ಹಾಗೂ 'ಆರೆಂಜ್' ಸಿನಿಮಾಗಳಲ್ಲಿ ಗಣೇಶ್ ತೊಡಗಿದ್ದಾರೆ.