'ನನ್ನ ಸಿನಿಮಾ ತಂಟೆಗೆ ಬರಬೇಡಿ' ಪರಭಾಷಾ ಚಿತ್ರಗಳಿಗೆ ಗಣೇಶ್ ಎಚ್ಚರಿಕೆ.!

ನನ್ನ ಸಿನಿಮಾ ತಂಟೆಗೆ ಬರಬೇಡಿ

ಗೀತಾ ಕನ್ನಡದ ಪರ ಇರುವ ಸಿನಿಮಾ. ಇದು ಕನ್ನಡದ ಗೋಕಾಕ್ ಚಳುವಳಿಯ ಬ್ಯಾಕ್ ಡ್ರಾಪ್ ನಲ್ಲಿ ಮಾಡಿದ ಸಿನಿಮಾ. ಈ ಸಿನಿಮಾದಲ್ಲಿ ಕನ್ನಡಿಗನೆ ಯಜಮಾನ, ಕನ್ನಡಿಗನೆ ಸಾರ್ವಭೌಮ ಅಂತ ಹೇಳಿ ಚಪ್ಪಾಳೆ ಮತ್ತು ಶಿಳ್ಳೆ ಗಿಟ್ಟಿಸಿಕೊಂಡ ಟ್ರೈಲರ್. ಪರಭಾಷೆ ಸಿನಿಮಾಗಳು ಏನು ಆಗುತ್ತೊ ಗೊತ್ತಿಲ್ಲ. ಆದ್ರೆ ನನ್ನ ಸಿನಿಮಾಗೆ ಕೈ ಹಾಕಬೇಡಿ" ಎಂದು ಪರಭಾಷಾ ಚಿತ್ರಗಳ ವಿರುದ್ಧ ಕಿಡಿಕಾರಿದ್ದಾರೆ.

ಪರಭಾಷಾ ಚಿತ್ರಗಳಿಗೆ ಗಣೇಶ್ ಎಚ್ಚರಿಕೆ

"ಗೀತಾ ನನ್ನ ಮನಸಿನೊಳಗೆ ಇರುವ ಸಿನಿಮಾ. ಬಹಳ ಇಷ್ಟು ಮಾಡಿರುವ ಸಿನಿಮಾ. ಯಾರೆ ಆದರು ನಾನು ಕಠಿಣವಾದ ಕ್ರಮ ಕೈಗೊಳ್ಳುತ್ತೇನೆ. ಇದು ಪರಭಾಷೆ ಚಿತ್ರಗಳಿಗೆ ನನ್ನ ಎಚ್ಚರಿಕೆಯ ಮಾತು. ಇಂದು ಬೇರೆ ಬೇರೆ ಭಾಷೆಯ ಸಿನಿಮಾಗಳ ಜೊತೆ ತುಂಬ ಸ್ಪರ್ಧೆ ಇದೆ. ಆದರೆ ನಿಮ್ಮ ಪಾಡಿಗೆ ನೀವು ಇರಿ. ನಮ್ಮ ಸಿನಿಮಾ ನಾವು ಮಾಡಿಕೊಂಡು ಇರುತ್ತೇವೆ. ಆದ್ರೆ ಆ ರೀತಿ ಆಗದಿರಲಿ. ನಮ್ಮ ಸಿನಿಮಾ ಚೆನ್ನಾಗಿದೆ, ಬೇರೆ ಲೆವೆಲ್ ಗೆ ಹೋಗುತ್ತೆ ಎನ್ನುವ ನಂಬಿಕೆ ನಮಗಿದೆ" ಎಂದು ಎಚ್ಚರಿಕೆ ನೀಡಿದ್ದಾರೆ.

'ಗೀತಾ' ಜೊತೆ 'ಸೈರಾ' 'ವಾರ್'

ಗೀತಾ ಸಿನಿಮಾ ಇದೆ ತಿಂಗಳು 27ಕ್ಕೆ ತೆರೆಗೆ ಬಂದರೆ, ಮುಂದಿನ ವಾರದಲ್ಲೆ ಬಾಲಿವುಡ್ ನಟ ಹೃತಿಕ್ ರೋಷನ್ ಅಭಿನಯದ ವಾರ್ ಮತ್ತು ತೆಲುಗಿನ ಬಹುನಿರೀಕ್ಷೆಯ ಸೈರಾ ಸಿನಿಮಾ ತೆರೆಗೆ ಬರುತ್ತಿದೆ. ಹಾಗಾಗಿ ಗೀತಾ ಚಿತ್ರಕ್ಕೆ ತೊಂದರೆಯಾಗುವ ಸಾಧ್ಯತೆ ಇದೆ. ಸೈರಾ ಸಿನಿಮಾ ದೊಡ್ಡ ಮಟ್ಟದಲ್ಲಿ ತೆರೆಗೆ ಬರುತ್ತಿದೆ. ಇದರಿಂದ ಕನ್ನಡದ ಗೀತಾ ಸಿನಿಮಾಗೆ ಚಿತ್ರಮಂದಿರಗಳ ಸಮಸ್ಯೆ ಎದುರಾಗುವ ಸಾಧ್ಯತೆ ಇದೆ. ಹಾಗಾಗಿ ಗಣೇಶ್ ಪರಭಾಷ ಚಿತ್ರದ ವಿರುದ್ಧ ಕೆಂಡಕಾರಿದ್ದಾರೆ.

ಪೈರಸಿ ತಡೆಯಲು ಪ್ಲಾನ್

ಈಗಾಗಲೆ ಸಾಕಷ್ಟು ಸಿನಿಮಾಗಳು ರಿಲೀಸ್ ಆಗುತ್ತಿದ್ದಂತೆ ಪೈರಸಿಯಾಗಿ ವೈರಲ್ ಆಗುತ್ತಿದೆ. ಹಾಗಾಗಿ ಗೀತಾ ಸಿನಿಮಾ ತಂಡ ಈಗಾಗಲೆ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಂಡಿದೆ. ರಿಲೀಸ್ ಗೂ ಮೊದಲೆ ಚಿತ್ರತಂಡ ಸೈಬರ್ ಕ್ರೈಮ್ ಗೆ ದೂರು ಮತ್ತು ಮನವಿ ಸಲ್ಲಿಸಿದ್ದಾರೆ. ಜೊತೆಗೆ ನಿರ್ಮಾಪಕ ಸೈಯದ್ ಸಲಾಂ ಖಾಸಗಿ ಕಂಪನಿ ಜೊತೆ ಕೈಜೋಡಿಸಿದ್ದಾರೆ. ನಕಲು ಪ್ರತಿಗಳನ್ನು ಇಂಟರ್ ನೆಟ್ ನಲ್ಲಿ ಯಾರೆ ಅಪ್ ಲೋಡ್ ಮಾಡಿದ್ರು ಅದನ್ನು ಕೂಡಲೆ ಡಿಲೀಟ್ ಮಾಡಿಸುವ ಹೊಣೆ ಆ ಕಂಪೆನಿ ಹೊತ್ತುಕೊಂಡಿದೆ.