In pics: ಜಗ್ಗೇಶ್ ಮನೆಯೊಳಗೆ ಬದಲಾಯ್ತು ವಿನ್ಯಾಸ

Recommended Video

ಸಿನಿಮಾ ತಾರೆಯರ ಮನೆ ಹೇಗಿರುತ್ತೆ ಎಂದು ನೋಡುವ ಬಯಕೆ ಅನೇಕ ಅಭಿಮಾನಿಗಳದ್ದು. ಸ್ಟಾರ್ ಗಳ ಮನೆಯಲ್ಲಿ ಏನಿರುತ್ತೆ, ಏನಿರಲ್ಲ, ಎಂಬ ಕುತೂಹಲವೂ ಇದ್ದೇ ಇರುತ್ತೆ. ಆದ್ರೆ, ಅವರ ಮನೆಗೆ ಹೋಗುವ ಅವಕಾಶ ಎಲ್ಲರಿಗೂ ಸಿಗಲ್ಲ.

ಇದೀಗ, ನವರಸ ನಾಯಕ ಜಗ್ಗೇಶ್ ಅವರ ಮನೆಯನ್ನ ನೋಡುವ ಅವಕಾಶ ಅಭಿಮಾನಿಗಳಿಗೆ ಸಿಕ್ಕಿದೆ. ಮಲ್ಲೇಶ್ವರಂನಲ್ಲಿರುವ ಜಗ್ಗೇಶ್ ಅವರ ಮನೆ ಒಳಗೆ ಹೊಸದಾಗಿ ವಿನ್ಯಾಸ ಮಾಡಲಾಗಿದೆ. ಅದರ ಚಿತ್ರಗಳನ್ನ ಜಗ್ಗೇಶ್ ಟ್ವಿಟ್ಟರ್ ನಲ್ಲಿ ಹಂಚಿಕೊಂಡಿದ್ದಾರೆ.

ಮನೆಯ ಹಾಲ್, ಥಿಯೇಟರ್ ಹಾಲ್, ಡೈನಿಂಗ್ ಹಾಲ್ ಸೇರಿದಂತೆ ಕೆಲವು ಫೋಟೋಗಳು ಸೆಳೆಯುತ್ತಿದೆ. ಅದರಲ್ಲೂ ಜಗ್ಗೇಶ್ ಅವರ ಮನೆಯ ಗೋಡೆಯಲ್ಲಿ ಹಾಕಲಾಗಿರುವ ಶ್ರೀ ರಾಘವೇಂದ್ರಸ್ವಾಮಿಯ ಫೋಟೋ ತುಂಬಾ ಆಕರ್ಷಣೆಯಾಗಿದೆ.

ಇನ್ನು ಈ ಹೊಸದಾಗಿ ವಿನ್ಯಾಸ ಮಾಡಲು ಕಾರಣ ಜಗ್ಗೇಶ್ ಅವರ ಪತ್ನಿ ಪರಿಮಳ ಜಗ್ಗೇಶ್. ಇದನ್ನ ಸ್ವತಃ ಅವರೇ ಟ್ವಿಟ್ಟರ್ ನಲ್ಲಿ ಹೇಳಿಕೊಂಡಿದ್ದಾರೆ. ''ಪರಿಮಳನ ಚಿಂತನೆಯಿಂದ ಬದಲಾದ ನಮ್ಮ ಮನೆಯ ಒಳಾಂಗಣ..ನನಗೆ ನನ್ನ ಮನೆಯೇ ಮಂತ್ರಾಲಯ..'' ಎಂದು ಟ್ವೀಟ್ ಮಾಡಿದ್ದಾರೆ.

ಸದ್ಯ ಜಗ್ಗೇಶ್ ಅವರು '8 ಎಂಎಂ' ಚಿತ್ರದಲ್ಲಿ ನಟಿಸಿದ್ದಾರೆ. ಜೀ ಕನ್ನಡದಲ್ಲಿ 'ಕಾಮಿಡಿ ಕಿಲಾಡಿಗಳು-2' ಕಾರ್ಯಕ್ರಮದ ತೀರ್ಪುಗಾರಗಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.