ಕನಸಿನ 'ಸ್ವಮೇಕ್' ಚಿತ್ರಕ್ಕೆ ಸುದೀಪ್ ಆಕ್ಷನ್ ಕಟ್..?

ಕಿಚ್ಚ ಸುದೀಪ್ ಮತ್ತೆ ನಿರ್ದೇಶನಕ್ಕೆ ಇಳಿಯುತ್ತಿದ್ದಾರೆ. ಸದ್ಯದಲ್ಲೇ ತಮ್ಮ ಕನಸಿನ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಲಿದ್ದಾರೆ. ಎಲ್ಲದಕ್ಕಿಂತ ಬ್ರೇಕಿಂಗ್ ನ್ಯೂಸ್ ಅಂದ್ರೆ, ನಿಮ್ಮೆಲ್ಲರ ಪ್ರೀತಿಯ 'ನಲ್ಲ' ಡೈರೆಕ್ಟರ್ ಕ್ಯಾಪ್ ತೊಡುವುದು ಸ್ವಮೇಕ್ ಚಿತ್ರಕ್ಕೆ..!

ಹೌದು, ಸುದೀಪ್ ಆಪ್ತ ವಲಯ ಹೇಳುತ್ತಿರುವ ಪ್ರಕಾರ, ಬಿಡುವಿನ ಸಮಯದಲ್ಲಿ ತಮ್ಮ ನಿರ್ದೇಶನದ ಚಿತ್ರಕ್ಕೆ ಸ್ಕ್ರಿಪ್ಟ್ ಮಾಡುತ್ತಿದ್ದಾರೆ ಕಿಚ್ಚ ಸುದೀಪ್. ಕಳೆದ ಏಳು ತಿಂಗಳಿನಿಂದ ಕಥೆ-ಚಿತ್ರಕಥೆ ರಚಿಸುವಲ್ಲಿ ಸುದೀಪ್ ಬಿಜಿಯಾಗಿದ್ದಾರೆ.

ಹಿಂದೊಮ್ಮೆ ತಮ್ಮ ಮಗಳಿಗೆ ಫ್ಯಾಂಟಸಿ-ಫಿಕ್ಷನ್ ಚಿತ್ರಗಳೆಂದರೆ ತುಂಬಾ ಇಷ್ಟ ಅಂತ ಸುದೀಪ್ ಹೇಳಿದ್ದರು. ಅದರಂತೆ, ಮಕ್ಕಳಿಂದ ಹಿಡಿದು ಮುದುಕರವರೆಗೂ ಎಲ್ಲರೂ ಚಿಕಿತಗೊಳ್ಳುವಂತಹ ಕಂಪ್ಲೀಟ್ ಫ್ಯಾಂಟಸಿ ಚಿತ್ರದ ಕಥೆ ರಚಿಸುತ್ತಿದ್ದಾರೆ ಸುದೀಪ್. [ಯುಗಾದಿ ಹಬ್ಬಕ್ಕೆ ಸುದೀಪ್ 'ರನ್ನ' ಗ್ರ್ಯಾಂಡ್ ರಿಲೀಸ್? ]

2006ರಲ್ಲಿ ತೆರೆಕಂಡ 'ಮೈ ಆಟೋಗ್ರಾಫ್' ಚಿತ್ರದಿಂದ ಹಿಡಿದು ಈಗಿನ 'ಮಾಣಿಕ್ಯ' ವರೆಗೂ ಸುದೀಪ್ ಆಕ್ಷನ್ ಕಟ್ ಹೇಳಿರುವುದು ಬಹುತೇಕ ರೀಮೇಕ್ ಚಿತ್ರಗಳಿಗೆ.

ಲಕ್ಕಿ ಸ್ಟಾರ್ ರಮ್ಯಾ ಜೊತೆ 'ಜಸ್ಟ್ ಮಾತ್ ಮಾತಲ್ಲಿ' ಚಿತ್ರದ ನಂತರ ಮತ್ತೆ ಸ್ವಮೇಕ್ ಕಡೆ ಮುಖ ಮಾಡಿರುವ ಸುದೀಪ್, ಫ್ಯಾಂಟಸಿ ಸಿನಿಮಾ ಮಾಡುವ ಮೂಲಕ ಹೊಸ ಪ್ರಯೋಗಕ್ಕೆ ಕೈಹಾಕುತ್ತಿದ್ದಾರೆ. [ಕಾಲಿವುಡ್ ನಲ್ಲಿ 'ಹುಲಿ'ಯಾದ ಕಿಚ್ಚ ಸುದೀಪ್!]

ಹಾಗ್ನೋಡಿದ್ರೆ, ಇಂತಹ ಫ್ಯಾಂಟಿಸಿ ಸಿನಿಮಾ ಮಾಡಬೇಕೆನ್ನುವುದು ಸುದೀಪ್ ರವರ ಬಹು ವರ್ಷಗಳ ಬಯಕೆ. ಸದ್ಯಕ್ಕೆ 'ರನ್ನ' ಚಿತ್ರದ ಶೂಟಿಂಗ್ ನಲ್ಲಿ ಬಿಜಿಯಿರುವ ಸುದೀಪ್, ತಮಿಳಿನ 'ಪುಲಿ' ಚಿತ್ರವನ್ನ ಕಂಪ್ಲೀಟ್ ಮಾಡಿಕೊಟ್ಟ ನಂತರ ತಮ್ಮ ಕನಸಿನ ಚಿತ್ರಕ್ಕೆ ಚಾಲನೆ ನೀಡಲಿದ್ದಾರೆ. (ಏಜೆನ್ಸೀಸ್)