ಸುದೀಪ್ 'ಫ್ಯಾಂಟಮ್' ಸಿನಿಮಾಗೆ ಎಂಟ್ರಿ ಕೊಟ್ಟ ಸ್ಯಾಂಡಲ್ ವುಡ್ ನ ಖ್ಯಾತ ನಟ

ಸುದೀಪ್ ಜೊತೆ ನಿರೂಪ್ ಭಂಡಾರಿ

'ಫ್ಯಾಂಟಮ್' ಸಿನಿಮಾಗೆ ನಿರೂಪ್ ಭಂಡಾರಿ ಎಂಟ್ರಿ ಕೊಡುವ ಮೂಲಕ ಮೊದಲ ಬಾರಿಗೆ ನಿರೂಪ್ ಸ್ಯಾಂಡಲ್ ವುಡ್ ನ ಸ್ಟಾರ್ ನಟ ಸುದೀಪ್ ಜೊತೆ ತೆರೆಹಂಚಿಕೊಳ್ಳುತ್ತಿದ್ದಾರೆ. 'ರಂಗಿತರಂಗ' ಚಿತ್ರದ ಮೂಲಕ ಸ್ಯಾಂಡಲ್ ವುಡ್ ಗೆ ಎಂಟ್ರಿ ಕೊಟ್ಟ ನಿರೂಪ್ ಈಗಾಗಲೆ ಮೂರು ಸಿನಿಮಾಗಳಲ್ಲಿ ನಾಯಕನಾಗಿ ಮಿಂಚಿದ್ದಾರೆ. 'ರಾಜರಥ' ಮತ್ತು 'ಆಧಿ ಲಕ್ಷ್ಮಿ ಪುರಾಣ' ಸಿನಿಮಾದಲ್ಲಿ ಮಿಂಚಿರುವ ನಿರೂಪ್ ಈಗ 'ಫ್ಯಾಂಟಮ್' ಸಿನಿಮಾ ಸೇರಿಕೊಂಡಿದ್ದಾರೆ.

ಮೂರನೆ ಭಾರಿ ಒಂದಾಗುತ್ತಿರುವ ಅಣ್ಣ-ತಮ್ಮ

ಅನೂಪ್ ಭಂಡಾರಿ ನಿರ್ದೇಶನದ ಚಿತ್ರಗಳಲ್ಲಿ ಸಹೋದರ ನಿರೂಪ್ ಭಂಡಾರಿ ಇದ್ದೇ ಇರುತ್ತಾರೆ. ಅನೂಪ್ ನಿರ್ದೇಶನದ ರಂಗಿತರಂಗ ಮತ್ತು ರಾಜರಥ ಎರಡು ಸಿನಿಮಾಗಳಲ್ಲಿಯೂ ನಿರೂಪ್ ಹೀರೋ ಆಗಿ ಮಿಂಚಿದ್ದರು. ಈಗ 'ಫ್ಯಾಂಟಮ್' ಚಿತ್ರದ ಮೂಲಕ ಮೂರನೆ ಬಾರಿಗೆ ಒಂದಾಗುತ್ತಿದ್ದಾರೆ ಸ್ಯಾಂಡಲ್ ವುಡ್ ನ ಭಂಡಾರಿ ಬ್ರದರ್ಸ್.

ಸುದೀಪ್ ಅಕ್ಕನ ಮಗನನ್ನು ಕರೆತರುವ ಪ್ಲಾನ್ ಇತ್ತು

ಅಭಿನಯ ಚಕ್ರವರ್ತಿ ಸುದೀಪ್ ಸೋದರಳಿಯ ಈ ಸಿನಿಮಾ ಮೂಲಕ ಮೊದಲ ಬಾರಿಗೆ ಬಣ್ಣ ಹಚ್ಚ ಬೇಕಿತ್ತಂತೆ. ನಿರೂಪ್ ಭಂಡಾರಿ ಜಾಗಕ್ಕೆ ಮೊದಲು ಸುದೀಪ್ ಅಕ್ಕನ ಮಗ ಸಂಚಿತ್ ಸಂಜೀವ್ ಅವರನ್ನು ಕರೆತರಲು ಚಿತ್ರತಂಡ ಪ್ಲಾನ್ ಮಾಡಿತ್ತು. ಆದರೆ ಕೊನೆಯದಾಗಿ ನಿರೂಪ್ ಭಂಡಾರಿ ಅವರನ್ನು ಆಯ್ಕೆ ಮಾಡಲಾಗಿದೆ. ಆದರೆ ಸಂಚಿತ್ ಹೀರೋ ಆಗಿ ಸಧ್ಯದಲ್ಲೇ ಸ್ಯಾಂಡಲ್ ವುಡ್ ಗೆ ಎಂಟ್ರಿ ಕೊಡುತ್ತಿದ್ದಾರೆ.

2020 ರಲ್ಲಿ ಸೆಟ್ಟೇರಲಿದೆ ಸಿನಿಮಾ

ಬಹುನಿರೀಕ್ಷೆಯ ಫ್ಯಾಟಂ ಸಿನಿಮಾ ಮುಂದಿನ ವರ್ಷಾರಂಭದಲ್ಲಿ ಸೆಟ್ಟೇರುವ ಸಾದ್ಯತೆ ಇದೆ. ಕೋಟಿಗೊಬ್ಬ-3 ಚಿತ್ರೀಕರಣದಲ್ಲಿ ಸುದೀಪ್ ಈ ಸಿನಿಮಾ ಮುಗಿಸಿ ನಂತರ 'ಫ್ಯಾಂಟಮ್' ತಂಡ ಸೇರಿಕಳ್ಳಲಿದ್ದಾರೆ. ಜೊತೆಗೆ ಸಲ್ಮಾನ್ ಖಾನ್ ಜೊತೆ ತೆರೆಹಂಚಿಕೊಂಡಿರುವ ದಬಾಂಗ್-3 ಸಿನಿಮಾ ಇದೆ ತಿಂಗಳು 20ಕ್ಕೆ ತೆರೆಗೆ ಬರುತ್ತಿದೆ. ಇದೆಲ್ಲ ಮುಗಿದ ಬಳಿಕ 'ಫ್ಯಾಂಟಮ್' ಸಿನಿಮಾ ಸೆಟ್ಟೇರಲಿದೆ.