ಶಿವಣ್ಣ - ಯೋಗರಾಜ್ ಭಟ್ ಜೋಡಿಯ ಚಿತ್ರಕ್ಕೆ ಅಣ್ಣಾವ್ರ ಟೈಟಲ್

ನಟ ಶಿವರಾಜ್ ಕುಮಾರ್ ಹಾಗೂ ಯೋಗರಾಜ್ ಭಟ್ ಜೋಡಿ ಸೇರಿ ಒಂದು ಹೊಸ ಸಿನಿಮಾ ಮಾಡುತ್ತಿದೆ. ಸದ್ಯ 'ಪಂಚತಂತ್ರ' ಸಿನಿಮಾದಲ್ಲಿ ತೊಡಗಿರುವ ಯೋಗರಾಜ್ ಭಟ್ ಅದರ ನಂತರ ಶಿವಣ್ಣನ ಜೊತೆಗೆ ಸೇರಲಿದ್ದಾರೆ.

ಇದೀಗ ಈ ಜೋಡಿಯ ಸಿನಿಮಾ ಟೈಟಲ್ ಬಗ್ಗೆ ಚರ್ಚೆ ಶುರುವಾಗಿದೆ. ಈ ಸಿನಿಮಾಗೆ ರಾಜ್ ಕುಮಾರ್ ಅವರ ಕನೆಕ್ಷನ್ ಇರುವ ಹೆಸರು ಇಡುವ ಆಲೋಚನೆ ನಡೆಯುತ್ತಿದೆ. 'ಕುಲದಲ್ಲಿ ಕೀಳ್ಯಾವುದೊ' ಎಂಬ ಟೈಟಲ್ ಸಿನಿಮಾಗೆ ಫಿಕ್ಸ್ ಆಗುವ ಸಾಧ್ಯತೆ ಇದೆ.

'ಸತ್ಯ ಹರಿಶ್ಚಂದ್ರ' ಸಿನಿಮಾದ 'ಕುಲದಲ್ಲಿ ಕೀಳ್ಯಾವುದೊ' ಹಾಡು ದೊಡ್ಡ ಜನಪ್ರಿಯತೆ ಗಳಿಸಿದೆ. ಅದಕ್ಕಿಂತ ಹೆಚ್ಚಾಗಿ ಈ ಹಾಡು ಕೇಳದವರೇ ಇಲ್ಲ ಎಂದೂ ಹೇಳಬಹುದು. ಈ ಹಾಡಿನ ಸಾಹಿತ್ಯವೇ ಈಗ ಸಿನಿಮಾ ಟೈಟಲ್ ಆಗಿದೆ‌.

ಇದು ಶಿವರಾಜ್ ಕುಮಾರ್ ಹಾಗೂ ಯೋಗರಾಜ್ ಭಟ್ ಜೋಡಿಯ ಮೊದಲ ಸಿನಿಮಾವಾಗಿದೆ. ಈ ಹಿಂದೆ ಶಿವಣ್ಣನ ಹುಟ್ಟುಹಬ್ಬಕ್ಕೆ ಸಿನಿಮಾದ ಪೋಸ್ಟರ್ ಗಳು ಬಿಡುಗಡೆಯಾಗಿದ್ದು, ಸದ್ಯದಲ್ಲಿಯೇ ಸಿನಿಮಾದ ಟೈಟಲ್ ಲಾಂಚ್ ಆಗಲಿದೆ.