ಪೈರಸಿ ವೆಬ್ ಸೈಟ್ ಕುರಿತು ಆಘಾತಕಾರಿ ವಿಷಯ ಬಹಿರಂಗಪಡಿಸಿದ ಜಗ್ಗೇಶ್

ಹಫ್ತಾ ಕೊಟ್ರೆ ಸ್ಟಾರ್ ಗಿರಿ ತಪ್ಪಿಸುತ್ತಾರೆ

ವಿಶ್ವ ಸಿನಿಮಾರಂಗಕ್ಕೆ ಈ ಪೈರಸಿ ವೆಬ್ ಸೈಟ್ ತಲೆನೋವಾಗಿದೆ. ದುಡ್ಡಿಗಾಗಿ ಯಾರ ಸ್ಟಾರ್ ಗಿರಿಯನ್ನ ಬೇಕಾದರೂ ತಪ್ಪಿಸುತ್ತಾರೆ ಎಂದು ಹಿರಿಯ ನಟ ಜಗ್ಗೇಶ್ ಕಿಡಿಕಾರಿದ್ದಾರೆ. ಈ ಬಗ್ಗೆ ಟ್ವೀಟ್ ಮಾಡಿರುವ ಜಗ್ಗಣ್ಣ ''ಒಬ್ಬ ಸಾಮಾನ್ಯ ತಮಿಳುನಾಡಿನ ಯುವಕ ಸಣ್ಣದಾಗಿ ಈಕೆಲಸ ಶುರು ಮಾಡಿ ಮಲೇಶಿಯಾಗೆ ಶಿಫ್ಟ್ ಆಗಿ ಇಂದು ವಿಶ್ವಸಿನಿಮಾರಂಗಕ್ಕೆ ತಲೆ ನೋವಾಗಿದ್ದಾನೆ! ದೊಡ್ಡಸ್ಟಾರ್ ಗಿರಿ ತಪ್ಪಿಸಲು ಇವನಿಗೆ ಹಫ್ತಾ ನೀಡಿದರೆ ಸಾಕು ಮಾಡಿ ಮುಗಿಸುತ್ತಾನೆ'' ಎಂದಿದ್ದಾರೆ.

ಲಂಚಕೊಟ್ಟ ಕಾಲಿಗೆ ಬೀಳುತ್ತಾರೆ

''ಇವನನ್ನು ಸೇಡಿಗೆ ಬಳಸಿಕೊಂಡವರೆ ಇವನಿಂದ ಸಂಕಷ್ಟಕ್ಕೆ ಈಡಾಗಿ ಇವನಿಗೆ ಲಂಚ ಕೊಟ್ಟು ತೊಂದರೆ ಕೊಡದಂತೆ ಕಾಲಿಗೆ ಬೀಳುತ್ತಾರೆ'' ಎಂದು ಜಗ್ಗೇಶ್ ಬಹಿರಂಗಪಡಿಸಿದ್ದಾರೆ. ಸಿನಿಮಾ ಇಂಡಸ್ಟ್ರಿಯನ್ನ ಈ ಮಟ್ಟಕ್ಕೆ ಇವರು ಕಾಡುತ್ತಿದ್ದಾರಾ ಎನ್ನುವುದು ನಿಜಕ್ಕೂ ಆಘಾತಕಾರಿ ವಿಷಯ.

ಈ ತರದ ವ್ಯವಹಾರವೂ ಇದೆಯೇ?

ದುಡ್ಡು ಕೊಟ್ಟು ಸ್ಟಾರ್ ಗಿರಿ ತಪ್ಪಿಸುವುದು, ನಮ್ಮ ಸಹವಾಸಕ್ಕೆ ಬರಬೇಡಿ ಎಂದು ಕೇಳಿಕೊಳ್ಳುವಷ್ಟು ಮಟ್ಟಕ್ಕೆ ವ್ಯವಹಾರ ಇದೆಯೇ ಎಂಬ ವಿಷಯ ಸಾಮಾನ್ಯರಿಗೆ ನಂಬಲು ಸಾಧ್ಯವಾಗುತ್ತಿಲ್ಲ. ಈ ಬಗ್ಗೆ ಅಭಿಮಾನಿಗಳು ಕೂಡ ಅಚ್ಚರಿಯಾಗಿದ್ದಾರೆ. ''ಈ ತರದ ವ್ಯವಹಾರವೂ ಇದೆಯೇ. ಅನ್ಯಾಯ. ಚಿತ್ರರಂಗ ಒಗ್ಗಾಟ್ಟಾಗಿ ಇದನ್ನು ನಿಲ್ಲಿಸಬೇಕು. ಎಷ್ಟು ಜನರ ಕಷ್ಟದ ದುಡಿಮೆಗೆ ಕಲ್ಲು ಹಾಕುತ್ತಿದೆ. ಈ piracy ಭೂತ'' ಎಂದು ಶಾಪ ಹಾಕುತ್ತಿದ್ದಾರೆ ನೆಟ್ಟಿಗರು.

ಯಾಕೆ ಯಾರೊಬ್ಬರು ಪ್ರತಿಭಟಿಸುತ್ತಿಲ್ಲ

ಜಗ್ಗೇಶ್ ಅವರ ಈ ಮಾತು ಕೇಳಿದ್ಮೇಲು ಅನಿಸುತ್ತಿದೆ, ಯಾಕೆ ಯಾರೊಬ್ಬರು ಈ ಪೈರಸಿ ವೆಬ್ ಸೈಟ್ ವಿರುದ್ಧ ಧ್ವನಿ ಎತ್ತುತ್ತಿಲ್ಲ ಎಂದು. ರಜನಿಕಾಂತ್, ಕಮಲ್ ಹಾಸನ್ ಅಂತಹ ಗ್ಲೋಬರ್ ಸ್ಟಾರ್ ನಟರ ಚಿತ್ರಗಳು ಬಿಡುಗಡೆಯಾದಾಗಲೂ ಓಪನ್ ಚಾಲೆಂಜ್ ಹಾಕಿ ಮೊದಲ ಶೋ ಮುಗಿದ ತಕ್ಷಣ ಪೈರಸಿ ಮಾಡಿರುವ ಉದಾಹರಣೆಗಳು ಇದೆ.