ರಾಕಿಂಗ್ ಸ್ಟಾರ್ ಮುಡಿಗೆ ಬೆಂಗಳೂರು 'ಮೋಸ್ಟ್ ಡಿಸೈರಬಲ್ ಮೆನ್' ಪಟ್ಟ

ಮೊದಲ ಸ್ಥಾನಕ್ಕೇರಿದ ಯಶ್

2019ನೇ ವರ್ಷ ಟೈಮ್ಸ್ ಸಂಸ್ಥೆ ಪ್ರಕಟ ಮಾಡಿದ್ದ ಮೋಸ್ಟ್ ಡಿಸೈರಬಲ್ ಮೆನ್ ಪಟ್ಟಿಯಲ್ಲಿ ನಟ ಯಶ್ ಎರಡನೇ ಸ್ಥಾನದಲ್ಲಿದ್ದರು. 2020ನೇ ಸಾಲಿನಲ್ಲಿ ಮೊದಲ ಸ್ಥಾನಕ್ಕೆ ಜಿಗಿದಿದ್ದಾರೆ. ದಾಖಲೆಗಳ ಪ್ರಕಾರ, ಇದುವರೆಗೂ ಮೂರು ಬಾರಿ ಮೋಸ್ಟ್ ಡಿಸೈರಬಲ್ ಮೆನ್ ಆಗಿ ಯಶ್ ಆಯ್ಕೆಯಾಗಿದ್ದರು.

ಕೆಜಿಎಫ್ ಚಿತ್ರದಿಂದ ನ್ಯಾಷನಲ್ ಸ್ಟಾರ್

ಕೆಜಿಎಫ್ ಸಿನಿಮಾ ಬರುವವರೆಗೂ ರಾಕಿಂಗ್ ಸ್ಟಾರ್ ಆಗಿದ್ದ ನಟ ಯಶ್, ಕೆಜಿಎಫ್ ಬಿಡುಗಡೆ ಆದ್ಮೇಲೆ ನ್ಯಾಷನಲ್ ಸ್ಟಾರ್ ಆದರು. ಸೌತ್ ಇಂಡಿಯಾದಲ್ಲಿ ಮಾತ್ರ ಸದ್ದು ಮಾಡ್ತಿದ್ದ ರಾಕಿ ಭಾಯ್ ಹೆಸರು ಬಾಲಿವುಡ್ ದಾಟಿ ಗಡಿಯಾಚೆಯೂ ಸಂಚರಿಸಿದೆ.

ಕೆಜಿಎಫ್ ಚಾಪ್ಟರ್ 2 ರಿಲೀಸ್ ಆಗಬೇಕಿದೆ

ಕೆಜಿಎಫ್ ಚಾಪ್ಟರ್ 1ನೇ ಸಿನಿಮಾ 2018ರಲ್ಲಿ ಬಿಡುಗಡೆಯಾಗಿತ್ತು. ಇದೀಗ, ಚಾಪ್ಟರ್ 2 ತಯಾರಾಗಿ ಬಿಡುಗಡೆಗೆ ಸಜ್ಜಾಗಿದೆ. ಮುಂದುವರಿದ ಭಾಗಕ್ಕಾಗಿ ಇಡೀ ಭಾರತೀಯ ಚಿತ್ರರಂಗ ಕಾದಿದೆ. ಬಹುಶಃ ಈ ಸಿನಿಮಾ ನಿರೀಕ್ಷೆಯಂತೆ ಹಿಟ್ ಆದರೆ ಯಶ್ ಇಮೇಜ್ ಮತ್ತಷ್ಟು ಎತ್ತರಕ್ಕೆ ಹೋಗುವುದರಲ್ಲಿ ಯಾವುದೇ ಅನುಮಾನವಿಲ್ಲ.

Recommended Video

Upendra ಹೆಸರಿಲ್ಲದ Prajakeeya ಪಕ್ಷ ಗೆಲ್ಲುತ್ತಾ?ಇದು ಸಾಧ್ಯಾನಾ? | Uppi's Open Challenge|Filmibeat Kannada

ನರ್ತನ್ ಜೊತೆ ಮುಂದಿನ ಚಿತ್ರ?

ವರದಿಗಳ ಪ್ರಕಾರ ಯಶ್ ಮುಂದಿನ ಸಿನಿಮಾ ಮಫ್ತಿ ಖ್ಯಾತಿಯ ನರ್ತನ್ ಜೊತೆ ಎಂದು ಹೇಳಲಾಗುತ್ತಿದೆ. ಈ ಸಂಬಂಧ ಎಲ್ಲಾ ತಯಾರಿ ನಡೆಯುತ್ತಿದೆ. ಕೆಜಿಎಫ್ ಚಾಪ್ಟರ್ 2 ರಿಲೀಸ್ ಆದ್ಮೇಲೆ ಈ ಪ್ರಾಜೆಕ್ಟ್ ಅಧಿಕೃತವಾಗಿ ಘೋಷಣೆಯಾಗಬಹುದು.