ಕನ್ನಡ ನಟರ ಅಸಲಿ 'ಮನಿ'ಸ್ಥಿತಿ ಬಿಚ್ಚಿಟ್ಟ ರಾಕ್ ಲೈನ್

ಕನ್ನಡ ನಟರಿಗೆ ಹಣ ಮಾಡಬೇಕು ಅನ್ನೋ ಆಸೆ!

''ರಜನಿಕಾಂತ್, ಸಲ್ಮಾನ್ ಖಾನ್, ವಿಕ್ರಂ ಮುಂತಾದ ಕಲಾವಿದರ ಜತೆ ಕೆಲಸ ಮಾಡಿದ್ದೇನೆ. ನಮ್ಮವರಿಗೆ ಒಳ್ಳೆ ಸಿನಿಮಾ ಮಾಡಬೇಕು ಎಂಬ ಆಸೆಗಿಂತ ನಮ್ಮ ಮಾರ್ಕೆಟ್ ಇರುವಾಗ ಹಣ ಮಾಡಬೇಕು, ಸೆಟ್ಲ್ ಆಗಬೇಕು ಎಂಬ ಆಸೆಯೇ ಜಾಸ್ತಿ.''-ರಾಕ್ ಲೈನ್ ವೆಂಕಟೇಶ್

ಕನ್ನಡ ಚಿತ್ರರಂಗದಲ್ಲಿ ವೃತ್ತಿಪರತೆ ಕಡಿಮೆ

''ಕೇವಲ ಮಾತಲ್ಲಿ ಒಳ್ಳೆ ಕಥೆ ಬೇಕು ಅಂತಾರೆಯೇ ಹೊರತು, ಕೃತಿಯಲ್ಲಿ ಅದು ಇರಲ್ಲ. ಯಾರು ಹೆಚ್ಚು ಹಣ ಕೊಡುತ್ತಾರೆ ಎಂಬ ಕಡೆಯೇ ಅವರ ಗಮನ ಇರುತ್ತದೆ. ಕನ್ನಡ ಚಿತ್ರರಂಗದಲ್ಲಿ ವೃತ್ತಿಪರತೆ ಕಡಿಮೆ. ಅದನ್ನು ಸರಿ ಪಡಿಸಬೇಕು ಎಂಬ ನನ್ನ ಪ್ರಯತ್ನ ವಿಫಲವಾಯಿತು. ಅದನ್ನು ಹೇಗೆ ಸರಿಪಡಿಸಬೇಕೋ ಇನ್ನೂ ಗೊತ್ತಾಗುತ್ತಿಲ್ಲ.''-ರಾಕ್ ಲೈನ್ ವೆಂಕಟೇಶ್

'ನಾವು ಬೆಳೆಯೋಣ' ಅನ್ನೋ ಭಾವನೆ ಹೆಚ್ಚು

''ಚಿತ್ರರಂಗವನ್ನು ಬೆಳೆಸೋಣ ಎನ್ನುವುದಕ್ಕಿಂತ ನಾವು ಬೆಳೆಯೋಣ ಎಂಬ ಭಾವನೆ ಹೆಚ್ಚಾಗಿದೆ. ಇದನ್ನು ನಾವು ಸರಿಪಡಿಸಿಕೊಳ್ಳದೇ ಇದ್ದರೆ ಖಂಡಿತಾ ಬೇರೆಯವರ ಮಟ್ಟಕ್ಕೆ ಬೆಳೆಯುವುದಕ್ಕೆ ಆಗುವುದಿಲ್ಲ.''-ರಾಕ್ ಲೈನ್ ವೆಂಕಟೇಶ್

ಚಿತ್ರಕಥೆಯೇ ಹೀರೋ.!

''ಕನ್ನಡ ಚಿತ್ರಗಳ ಬಜೆಟ್ ಕಡಿಮೆ, ಪರಭಾಷಾ ಚಿತ್ರಗಳ ಬಜೆಟ್ ಜಾಸ್ತಿ ಎನ್ನುವುದು ಮೇಲ್ನೋಟಕ್ಕೆ ಸತ್ಯ. ಆದರೆ, ನನ್ನ ಅನುಭದ ಮೂಲಕ ಗೊತ್ತಾಗಿದ್ದು ಚಿತ್ರಕಥೆಯೇ ನನಗೆ ಹೀರೋ. ಅದಕ್ಕಿಂತ ಹೆಚ್ಚಾಗಿ ಪ್ಲಾನಿಂಗ್ ಮುಖ್ಯ. ಸಾವಿರಾರು ಕೋಟಿಯಲ್ಲೂ ಚಿತ್ರ ಮಾಡಬಹುದು. ಅದಕ್ಕೆ ಸಮರ್ಥ ನಿರ್ದೇಶಕ ಇರಬೇಕು. ನಮ್ಮಲ್ಲಿ (ಕನ್ನಡದಲ್ಲಿ) ಬೇರೆ ಭಾಷೆಗಳಿಗೆ ಹೋಲಿಸಿದರೆ ಪ್ಲಾನಿಂಗ್ ಕಡಿಮೆ.''-ರಾಕ್ ಲೈನ್ ವೆಂಕಟೇಶ್

ಯಾರಿಗೆ ಟಾರ್ಗೆಟ್?

ಕನ್ನಡ ಚಿತ್ರನಟರ ವೃತ್ತಿಪರತೆ, ಹೀರೋಗಳ ಮನಿ ಮೆಂಟಾಲಿಟಿ ಬಗ್ಗೆ ಇಷ್ಟೆಲ್ಲಾ ಮಾತನಾಡಿರುವ ರಾಕ್ ಲೈನ್ ವೆಂಕಟೇಶ್ ನೇರವಾಗಿ ಯಾರನ್ನೂ ಟಾರ್ಗೆಟ್ ಮಾಡಿಲ್ಲ. ಡಬ್ಬಿಂಗ್ ವಿವಾದ ಬಗ್ಗೆ ಕೂಡ ಕಾಮೆಂಟ್ ಮಾಡಿರುವ ಅವರು, ''ಡಬ್ಬಿಂಗ್ ನಿಂದ ಕನ್ನಡ ಚಿತ್ರರಂಗಕ್ಕೆ ಯಾವುದೇ ಲಾಭ ಇಲ್ಲ ಅಂದಿದ್ದಾರೆ''. 'ವಿಜಯ ಕರ್ನಾಟಕ' ದಿನಪತ್ರಿಕೆಗೆ ರಾಕ್ ಲೈನ್ ನೀಡಿರುವ ಸಂದರ್ಶನದ ಲಿಂಕ್ ಇಲ್ಲಿದೆ.