#Metoo ಅಭಿಯಾನ: ತನುಶ್ರೀ ದತ್ತಾ ಪರ ನಿಂತ ಕನ್ನಡದ ಐಂದ್ರಿತಾ ರೇ

| Published: Tuesday, October 9, 2018, 18:57 [IST]

#metoo ಅಭಿಯಾನ ಬಾಲಿವುಡ್ ನಲ್ಲಿ ದೊಡ್ಡ ಸಂಚಲನ ಸೃಷ್ಟಿಸುತ್ತಿದೆ. ಖ್ಯಾತ ನಟ ನಾನಾ ಪಾಟೇಕರ್ ವಿರುದ್ಧ ನಟಿ ತನುಶ್ರೀ ದತ್ತಾ ಸುಮಾರು 10 ವರ್ಷದ ನಂತರ ಲೈಂಗಿಕ ಕಿರುಕುಳ ಆರೋಪ ಮಾಡಿರುವುದು ಈಗ ಎಲ್ಲೆಡೆ ಚರ್ಚೆಯಾಗಿದೆ.

ತನುಶ್ರೀ ದತ್ತಾ ಹೇಳಿಕೆ ನೀಡಿದ ನಂತರ ಇನ್ನು ಹಲವು ನಟಿಯರು ತಮಗಾದ ಕಿರುಕುಳವನ್ನ #metoo ಅಭಿಯಾನದ ಮೂಲಕ ಹೊರಹಾಕುತ್ತಿದ್ದಾರೆ. ನಾನಾ ಪಾಟೇಕರ್, ಕೈಲಾಶ್ ಖೇರ್, ನಟ ಅಲೋಕ್ ನಾಥ್, ನಿರ್ದೇಶಕ ವಿಕಾಸ್ ಭಾಲ್, ವಿವೇಕ್ ಅಗ್ನಿಹೋತ್ರಿ ಸೇರಿದಂತೆ ಹಲವರ ಮೇಲೆ ಈಗ ಕಿರುಕುಳದ ಆರೋಪ ಬಂದಿದೆ.

'ಕೋರಿಕೆ ಈಡೇರಿಸು 3 ಸಿನಿಮಾ ಕೊಡ್ತೀನಿ' ಎಂದಿದ್ರು: ಅಧಿತಿ ಬಿಚ್ಚಿಟ್ಟ ಸಂಗತಿ 'ಕೋರಿಕೆ ಈಡೇರಿಸು 3 ಸಿನಿಮಾ ಕೊಡ್ತೀನಿ' ಎಂದಿದ್ರು: ಅಧಿತಿ ಬಿಚ್ಚಿಟ್ಟ ಸಂಗತಿ

ಈ #metoo ಅಭಿಯಾನ ಸೌತ್ ಕಡೆ ಯಾವಾಗ ಮುಖ ಮಾಡುತ್ತೋ ಎಂಬ ಆತಂಕ ಕಾಡುತ್ತಿರುವಾಗಲೇ ಕನ್ನಡ ನಟಿ ಐಂದ್ರಿತಾ ರೇ ಪ್ರತಿಕ್ರಿಯೆ ನೀಡಿದ್ದಾರೆ.

Kannada actress aindrita ray support thanushree dutta

ನಟಿ ತನುಶ್ರೀ ದತ್ತಾ ಅವರ ಹೋರಾಟಕ್ಕೆ ಮತ್ತು ಅವರು ಮಾಡಿರುವ ಆರೋಪಕ್ಕೆ ಬೆಂಬಲ ಸೂಚಿಸಿದ್ದಾರೆ. ಈ ಬಗ್ಗೆ ಟ್ವಿಟ್ಟರ್ ನಲ್ಲಿ ಮಾತನಾಡಿದ್ದು, ''ಲೈಂಗಿಕ ದೌರ್ಜನ್ಯದ ವಿರುದ್ಧ ಮಹಿಳೆಯರು ತುಂಬಾ ಸಮಯದ ನಂತರ ಧ್ವನಿ ಎತ್ತುತ್ತಿದ್ದಾರೆ. ಶೋಷಣೆಗೊಳಗಾದವರ ಬಾಯಿ ಮುಚ್ಚಿಸುವ ಪ್ರಯತ್ನ ಸಷ್ಟಿಸಲಾಗುತ್ತಿದೆ. ಹೀಗಾಗಿ, ಅವರ ವಿರುದ್ಧ ಧ್ವನಿ ಎತ್ತದಂತೆ ಮಾಡಲಾಗ್ತಿದೆ'' ಎಂದು ಹೇಳಿದ್ದಾರೆ.

High time women take a stand against harassment of any sort coz for years the ones who harass go scot free and the victims are pressured into keeping silent ...#istandwithtanushree
— Aindrita Ray (@AindritaR) October 8, 2018