ಕೆಲಸಕ್ಕಾಗಿ ಬೆಂಗಳೂರಿಗೆ ಬಂದ ಹುಡುಗಿ ಈಗ 100 ಐಟಂ ಸಾಂಗ್ ಮಾಡಿದ್ದಾಳೆ

ಸೆಂಚುರಿ ಕ್ವೀನ್ ಆಲಿಶಾ

ಕನ್ನಡದ ನಟಿ ಆಲಿಶಾ ಈಗ 99 ಸಿನಿಮಾಗಳ ಐಟಂ ಹಾಡಿಗೆ ಸೊಂಟ ಬಳುಕಿಸಿದ್ದಾರೆ. ಈ ನಟಿ ಸೆಂಚುರಿ ಬಾರಿಸಲು ಒಂದೇ ಒಂದು ಸಿನಿಮಾ ಬಾಕಿ ಇದೆ. ಕಳೆದ ಆರು ವರ್ಷದಿಂದ ಚಿತ್ರರಂಗದಲ್ಲಿ ಇರುವ ಆಲಿಶಾ ವರ್ಷಕ್ಕೆ 16 ರಿಂದ 17 ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಮುಂದಿನ ತಿಂಗಳು ಬಿಡುಗಡೆಯಲಿರುವ 'ಶಿವ ಪಾರು' ಎಂಬ ಸಿನಿಮಾ ಅವರ 99 ಚಿತ್ರವಾಗಿದೆ.

ಕೆಲಸಕ್ಕಾಗಿ ಬೆಂಗಳೂರಿಗೆ ಬಂದಿದ್ದರು

ಮಂಗಳೂರಿನ ಹುಡುಗಿಯಾಗಿರುವ ಆಲಿಶಾ ಅಲ್ಲಿಯೇ ಓದು ಮುಗಿಸಿ ಕೆಲಸಕ್ಕಾಗಿ ಬೆಂಗಳೂರಿಗೆ ಬಂದರು. ನಂತರ ಅನಿರೀಕ್ಷಿತವಾಗಿ ಸಿನಿಮಾ ಅವಕಾಶ ಸಿಕ್ಕಿತ್ತು. 'ಮಾಯಾವಿ' ಎಂಬ ಸಿನಿಮಾದ ಐಟಂ ಹಾಡಿನ ಮೂಲಕ ಆಲಿಶಾ ಕನ್ನಡ ಚಿತ್ರರಂಗಕ್ಕೆ ಬಂದರು. ನಂತರ ಒಂದೊಂದೆ ಅವಕಾಶಗಳನ್ನು ಪಡೆದರು.

ಪ್ರಮುಖ ಸಿನಿಮಾಗಳು

ದರ್ಶನ್ ಅವರ 'ಚಕ್ರವರ್ತಿ', 'ಬ್ಯ್ರಾಂಡ್' 'ಮದುವೆ ದಿಬ್ಬಣ' 'ಚಿನ್ನದ ಗೊಂಬೆ' 'ಶಿವು -ಪಾರು', 'ಹಾಲು ತುಪ್ಪ' ಆಲಿಶಾ ಕಾಣಿಸಿಕೊಂಡಿರುವ ಪ್ರಮುಖ ಸಿನಿಮಾಗಳಾಗಿವೆ. ಕನ್ನಡದ ಜೊತೆಗೆ ಮಲೆಯಾಳಂ, ತೆಲುಗು, ತಮಿಳಿನ ಸಿನಿಮಾದ ಹಾಡಿನಲ್ಲಿಯೂ ಅವರು ಹೆಜ್ಜೆ ಹಾಕಿದ್ದಾರೆ.

ಯಶ್ ಜೊತೆಗೆ ಸಣ್ಣ ಪಾತ್ರ

ರಾಕಿಂಗ್ ಸ್ಟಾರ್ ಯಶ್ ಅವರ ಸೂಪರ್ ಹಿಟ್ ಸಿನಿಮಾವಾದ 'ಗಜಕೇಸರಿ' ಸಿನಿಮಾದಲ್ಲಿ ಆಲಿಶಾ ನಟಿಸಿದ್ದಾರೆ. ಸಿನಿಮಾದ ಸಣ್ಣ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಇವರು ಈ ಮೂಲಕ ಐಟಂ ಸಾಂಗ್ ಮಾತ್ರವಲ್ಲದೆ ಯಶ್ ಜೊತೆಗೆ ತೆರೆ ಹಂಚಿಕೊಂಡಿದ್ದಾರೆ.

ಧನ್ಯವಾದ ತಿಳಿಸಿದ ಆಲಿಶಾ

ನೂರು ಸಿನಿಮಾಗಳ ಐಟಂ ಸಾಂಗ್ ಗಳಲ್ಲಿ ಕುಣಿದಿರುವ ಆಲಿಶಾ ಚಿತ್ರರಂಗದ ಎಲ್ಲರಿಗೆ ಈ ವೇಳೆ ಧನ್ಯವಾದ ತಿಳಿಸಿದ್ದಾರೆ. ಅವಕಾಶ ನೀಡಿದ ಎಲ್ಲರಿಗೆ ಹಾಗೂ ಹಾಡು ನೋಡಿ ಇಷ್ಟ ಪಟ್ಟ ಅಭಿಮಾನಿಗಳಿಗೆ ಥ್ಯಾಂಕ್ಯು ಹೇಳಿದ್ದಾರೆ.