ಮೂಗು ಚುಚ್ಚಿಸಿಕೊಳ್ಳುವಾಗ ಕಣ್ಣೀರಿಟ್ಟ ಹರಿಪ್ರಿಯಾ: ವಿಡಿಯೋ ನೋಡಿ ಫ್ಯಾನ್ಸ್‌ಗೆ ಅನುಮಾನ?

ಹರಿಪ್ರಿಯಾ ಮೂಗಿಗೆ ಮೂಗುತಿ

ಸಾಮಾನ್ಯವಾಗಿ ನಟ-ನಟಿಯರು ಹೆಚ್ಚೆ ಹಾಕಿಸಿಕೊಳ್ಳುವುದು. ಮೂಗು ಚುಚ್ಚಿಸಿಕೊಳ್ಳುವ ಸಾಹಸಕ್ಕೆ ಹಾಕುವುದಿಲ್ಲ. ಇವೇ ತಮ್ಮ ಪಾತ್ರಕ್ಕೆ ಅಡೆತಡೆಯಾಗಬಹುದು ಅನ್ನೋ ಅವರ ಆತಂಕಕ್ಕೆ ಕಾರಣ. ನಟಿ ಪರಿಪ್ರಿಯಾ ಕೂಡ ಇದೂವರೆಗೂ ಮೂಗುಬೊಟ್ಟು ಧರಿಸುತ್ತಿರಲಿಲ್ಲ. ಸಿನಿಮಾಗೆ ಬೇಕಾಗಿದ್ದರೆ, ಆರ್ಟಿಫಿಶಿಯಲ್ ಮೂಗು ಬೊಟ್ಟು ಧರಿಸುತ್ತಿದ್ದರು. ಆದ್ರೀಗ ಮೂಗು ಚುಚ್ಚಿಸಿಕೊಂಡಿರೋ ವಿಡಿಯೋವನ್ನು ಅವರೇ ತನ್ನ ಇನ್‌ಸ್ಟಾಗ್ರಾಂನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.

ಕಣ್ಣೀರಿಟ್ಟ ನಟಿ ಹರಿಪ್ರಿಯಾ

ಹರಿಪ್ರಿಯಾ ಶೇರ್ ಮಾಡಿದ ವಿಡಿಯೋ ನೆಟ್ಟಿಗರು ಮೆಚ್ಚುಗೆ ಸೂಚಿಸಿದ್ದಾರೆ. ಹರಿಪ್ರಿಯಾಗೆ ಸುಂದರವಾಗಿ ಕಾಣುತ್ತೀರಾ. ಅಪ್ಪಟ ಭಾರತೀಯ ನಾರಿ ಅಂತೆಲ್ಲಾ ಕಮೆಂಟ್ಸ್ ಮಾಡುತ್ತಿದ್ದಾರೆ. ಆಗೇ ಮೂಗು ಚುಚ್ಚಿಸಿಕೊಳ್ಳುವಾಗ ಕಣ್ಣೀರಿಟ್ಟ ಹರಿಪ್ರಿಯಾಗೆ ಸ್ಟ್ರಾಂಗ್ ವುಮನ್ ಅಂತೆಲ್ಲಾ ಹೇಳುತ್ತಿದ್ದಾರೆ. ಇತ್ತ ನಟಿ ಕೂಡ ಭಾವನಾತ್ಮಕವಾಗಿ ಬೊಟ್ಟಿನ ಬಗ್ಗೆ ಬರೆದುಕೊಂಡಿದ್ದಾರೆ. " ಬದುಕಿನಲ್ಲಿ ಬದಲಾವಣೆ ಅನ್ನೋದು ನಿರಂತರ.. ನಾನು ಈ ಮೊದಲು ಸಿನಿಮಾಗಳಲ್ಲಿ ಹಲವು ಬಗೆಯ ಬೊಟ್ಟುಗಳನ್ನುತೊಟ್ಟಿದ್ದೇನೆ. ಆದರೆ ಈ ಬೊಟ್ಟು ನಿಜಕ್ಕೂ ಹೊಸತು. ಹಾಗೇ ಇದು ಎಂದೆಂದಿಗೂ ನನ್ನ ಅಚ್ಚುಮೆಚ್ಚಿನ ಬೊಟ್ಟು ಆಗಿರುತ್ತೆ." ಎಂದು ಹರಿಪ್ರಿಯಾ ಬರೆದುಕೊಂಡಿದ್ದಾರೆ.

ನೆಟ್ಟಿಗರಿಗೆ ಯಾಕೋ ಅನುಮಾನ?

ಹರಿಪ್ರಿಯಾ ಮೂಗು ಚುಚ್ಚಿಸಿಕೊಳ್ಳುವ ವಿಡಿಯೋಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ನಟಿಯನ್ನು ಹೊಗಳಿ ಅಟ್ಟಕ್ಕೆ ಏರಿಸಿದ್ದೇನೋ ನಿಜ. ಆದರೆ, ಹಾಗೇ ನೆಟ್ಟಿಗರಲ್ಲಿ ಅನುಮಾನ ಕೂಡ ಮೂಡಿದೆ. ಹರಿಪ್ರಿಯಾ ವಿವಾಹಕ್ಕೆ ಸಿದ್ಧರಾಗುತ್ತಿದ್ದಾರೆ. ಅದರ ಸಂಕೇತವೇ ಇದು ಅಂತ ಹೇಳುತ್ತಿದ್ದಾರೆ. ಅಂದ್ಹಾಗೆ ಹರಿಪ್ರಿಯಾ ಮದುವೆ ವಿಚಾರ ಚರ್ಚೆಯಾಗುತ್ತಿರೋದು ಇದೇ ಮೊದಲೇನಲ್ಲ. ಎರಡು-ಮೂರು ವರ್ಷಗಳ ಹಿಂದೆ ಕೂಡ ಮದುವೆ ವಿಚಾರವೇ ದೊಡ್ಡ ಚರ್ಚೆಯಾಗಿತ್ತು. ಆದರೆ, ಅದನ್ನು ಹರಿಪ್ರಿಯಾ ಆ ವೇಳೆ ಗಾಳಿಸುದ್ದಿಯನ್ನು ತಳ್ಳಿ ಹಾಕಿದ್ದರು.

ಹರಿಪ್ರಿಯಾ ಫುಲ್ ಬ್ಯುಸಿ

ನಟಿ ಹರಿಪ್ರಿಯಾ ಸ್ಯಾಂಡಲ್‌ವುಡ್‌ನಲ್ಲಿ ಫುಲ್ ಬ್ಯುಸಿಯಾಗಿದ್ದಾರೆ. ಕೈ ತುಂಬಾ ಸಿನಿಮಾಗಳಿದ್ದು, ಒಂದೊಂದೇ ಬಿಡುಗಡೆ ಸಜ್ಜಾಗುತ್ತಿವೆ. ಈಗಾಗಲೇ ಸುಮಾರು 8ಕ್ಕೂ ಹೆಚ್ಚು ಸಿನಿಮಾಗಳಿಗೆ ಹರಿಪ್ರಿಯಾ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ ಅಂತಿಗೆ ಸ್ಯಾಂಡಲ್‌ವುಡ್. ಇದರಲ್ಲಿ ತಮಿಳು ಸಿನಿಮಾ ಕೂಡ ಸೇರಿದ್ದು, ಇವೆಲ್ಲವೂ ಯಾವಾಗ ಬಿಡುಗಡೆಯಾಗುತ್ತವೆ ಅನ್ನೋ ಮಾಹಿತಿ ಮಾತ್ರ ಸದ್ಯಕ್ಕೆ ಇಲ್ಲ.