'ಲಕ್ಷ್ಮಿ ಬಾರಮ್ಮ' ಚಿನ್ನು (ಕವಿತಾ ಗೌಡ) ಏನಮ್ಮಾ ನಿಮ್ ಪ್ರಾಬ್ಲಮ್ಮು.?

ಪ್ರಮೋಷನ್ ಗೆ ಬರುತ್ತಿಲ್ಲ.!

'ಲಕ್ಷ್ಮಿ ಬಾರಮ್ಮ' ಧಾರಾವಾಹಿಯ 'ಚಿನ್ನು' ಖ್ಯಾತಿಯ ಕವಿತಾ ಗೌಡ ಬಗ್ಗೆ 'ಫಸ್ಟ್ ಲವ್' ಚಿತ್ರತಂಡ ಮಾಡುತ್ತಿರುವ ಕಂಪ್ಲೇಂಟ್ ಒಂದೇ.. ಅದು 'ಫಸ್ಟ್ ಲವ್' ಚಿತ್ರದ ಪ್ರಚಾರ ಕಾರ್ಯಕ್ರಮಗಳಲ್ಲಿ ಕವಿತಾ ಗೌಡ ಭಾಗಿಯಾಗುತ್ತಿಲ್ಲ ಅಂತ.!

ತಮಿಳು ಸಿನಿಮಾದಲ್ಲಿ ಕವಿತಾ ಬಿಜಿ ಅಂತೆ.!

'ಫಸ್ಟ್ ಲವ್' ಚಿತ್ರದ ಪ್ರಮೋಷನ್ ನಲ್ಲಿ ಭಾಗವಹಿಸಬೇಕು ಅಂತ ನಿರ್ದೇಶಕ ಆಯುಷ್ಮಾನ್ ಕರೆ ಮಾಡಿದರೆ, 'ತಮಿಳು ಸಿನಿಮಾದಲ್ಲಿ ಬಿಜಿ ಇದ್ದೇನೆ' ಎನ್ನುತ್ತಾರಂತೆ ಕವಿತಾ ಗೌಡ.

ಕನ್ನಡಕ್ಕಿಂತ ತಮಿಳು ಸಿನಿಮಾ ಹೆಚ್ಚಾಗೋಯ್ತಾ.?

ಕವಿತಾ ಗೌಡ ಜನಪ್ರಿಯತೆ ಕಂಡುಕೊಂಡಿದ್ದೇ ಕನ್ನಡ ಕಿರುತೆರೆ ಮೂಲಕ. ಕಿರುತೆರೆಯಿಂದ ಬೆಳ್ಳಿತೆರೆ ಜಿಗಿದದ್ದು ಕನ್ನಡ ಚಿತ್ರರಂಗದ ಮೂಲಕ. ಹೀಗಿದ್ದರೂ, ಕನ್ನಡ ಚಿತ್ರದ ಪ್ರಮೋಷನ್ ಗೆ ಸಹಕರಿಸದೆ, ತಮಿಳು ಸಿನಿಮಾ ನೆಪ ಹೇಳುತ್ತಿರುವ ಕವಿತಾ ಗೌಡ ವಿರುದ್ಧ 'ಫಸ್ಟ್ ಲವ್' ಚಿತ್ರತಂಡ ಅಸಮಾಧಾನಗೊಂಡಿದೆ.

ಫಸ್ಟ್ ಲವ್ ಕುರಿತು...

'ಲವ್ ಗುರು' ಖ್ಯಾತಿಯ ರೇಡಿಯೋ ಜಾಕಿ ರಾಜೇಶ್ ನಾಯಕನಾಗಿ ಅಭಿನಯಿಸಿರುವ ಸಿನಿಮಾ 'ಫಸ್ಟ್ ಲವ್'. ಈ ಚಿತ್ರದಲ್ಲಿ ಕವಿತಾ ಗೌಡ, ಸ್ನೇಹ, ರಾಜು ತಾಳಿಕೋಟೆ, ಅರುಣ್ ಬಾಲರಾಜ್ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ. ವರ್ಷದ ಹಿಂದೆ ಸೆಟ್ಟೇರಿದ್ದ ಈ ಸಿನಿಮಾ ಇದೀಗ ಥಿಯೇಟರ್ ಅಂಗಳಕ್ಕೆ ಬರುತ್ತಿದೆ.