'ಪೈಲ್ವಾನ್' ನೋಡಿ ಸ್ಯಾಂಡಲ್ ವುಡ್ ಸ್ಟಾರ್ಸ್ ಹೇಳಿದ್ದೇನು?

ಭಾವನಾತ್ಮಕ ಸಂಬಂಧ

"ಬಾಡಿಯನ್ನು ಹುರಿಗೊಳಿಸಿ. ಭಾವನೆಗಳನ್ನು ಹದವಾಗಿರಿಸಿ, ಕುಸ್ತಿ ಮತ್ತು ಬಾಕ್ಸಿಂಗ್ ಎರಡರಲ್ಲೂ ಸುದೀಪ್ ಜೀವಿಸಿದ್ದಾರೆ. ಪೈಲ್ವಾನ್ ಚಿತ್ರದ ಧನಾತ್ಮಕ ಅಂಶ ಎಂದರೆ, ಆಟದ ಜೊತೆ ಕೌಟುಂಬಿಕ ಭಾವನಾತ್ಮಕ ಸಂಬಂಧಗಳು ಬೆರೆತಿರುವುದು. ಮನೆ ಮಂದಿಯೆಲ್ಲಾ ನೋಡಬೇಕಾದ ಚಿತ್ರ "ಪೈಲ್ವಾನ್". ಶುಭವಾಗಲಿ" ಎಂದು ನಿರ್ದೇಶಕ ಸಿಂಪಲ್ ಸುನಿ ಟ್ವೀಟ್ ಮಾಡಿದ್ದಾರೆ.

ಫ್ಯಾಮಿಲಿ ಎಂಟರ್ ಟೇನರ್ ಸಿನಿಮಾ

"ಖಂಡಿತ ಸಂಪೂರ್ಣವಾದ ಫ್ಯಾಮಿಲಿ ಎಂಟರ್ ಟೇನರ್ ಸಿನಿಮಾ. ಕಿಚ್ಚ ಸುದೀಪ್ ಅವರ ಪರಿಶ್ರಮ ಮತ್ತು ಸಮರ್ಪಣೆ ತೆರೆ ಮೇಲೆ ಸ್ಪಷ್ಟವಾಗಿ ಕಾಣುತ್ತಿದೆ. ಸಂಗೀತ ಮತ್ತು ಬ್ಯಾಗ್ರೌಂಡ್ ಸ್ಕೋರ್ ಅದ್ಭುತವಾಗಿ" ಎಂದು ನಟಿ ಮಾನ್ವಿತಾ ಹರೀಶ್ ಹೇಳಿದ್ದಾರೆ.

ನೀವು ನಮ್ಮ ಚಿತ್ರರಂಗದ ಹೆಮ್ಮೆ

"ಎಂತಹ ಪ್ರಯತ್ನ. ಸುದೀಪ್ ಸರ್ ನೀವು ಪೈಲ್ವಾನ್ ನಲ್ಲಿ ತುಂಬಾ ಅದ್ಭುತವಾಗಿ ಕಾಣಿಸುತ್ತೀರಿ. ನಮ್ಮ ಚಿತ್ರರಂಗ ನಿಮ್ಮಂತಹ ನಟನನ್ನು ಪಡೆದಿರುವುದು ಹೆಮ್ಮೆ. ನಿಮ್ಮನ್ನ ನೋಡಿ ನನ್ನಂತಹ ಸಾಕಷ್ಟು ಕಲಾವಿದರು ಇನ್ನು ಹೆಚ್ಚಿನ ಶ್ರಮ ವಹಿಸಲು ಪ್ರೇರೇಪಿಸುತ್ತದೆ" ಎಂದು ಸಿನಿಮಾ ನೋಡಿ ನಟಿ ಆಶಿಕಾ ರಂಗನಾಥ್ ಹಾಡಿ ಹೊಗಳಿದ್ದಾರೆ.

ಶಿಳ್ಳೆ ಅಬ್ಬರದಲ್ಲಿ ನಾನು ಪೈಲ್ವಾನ್ ನೋಡಿದೆ

"ಅಭಿಮಾನಿಗಳ ನಡುವೆ ಶಿಳ್ಳೆ ಅಬ್ಬರದಲ್ಲಿ ನಾನು ಪೈಲ್ವಾನ್ ಸಿನಿಮಾ ವೀಕ್ಷಿಸಿದ್ದೇನೆ" ಎಂದು ಬರೆದುಕೊಂಡಿದ್ದಾರೆ. ರಿಷಬ್ ಶೆಟ್ಟಿ ಪೈಲ್ವಾನ್ ಸಿನಿಮಾ ಟೀಸರ್ ಟ್ರೈಲರ್ ರಿಲೀಸ್ ಆದಾಗಿನಿಂದನೂ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.