ತೂಕ ಇಳಿಸಿಕೊಂಡ ರಚಿತಾ ರಾಮ್ : ಕಾರಣ ಕೇಳ್ಬೇಡಿ

7 ಕೆಜಿ ತೂಕ ಕಡಿಮೆ

ನಟಿ ರಚಿತಾ ರಾಮ್ ಈಗ 7 ಕೆಜಿ ತೂಕವನ್ನು ಕಡಿಮೆ ಮಾಡಿಕೊಂಡಿದ್ದಾರೆ. 'ಅಯೋಗ್ಯ' ಸಿನಿಮಾದ ಸಮಯದಲ್ಲಿ 65 ಕೆಜಿ ಇದ್ದ ರಚಿತಾ ಈಗ 58 ಕೆಜಿಗೆ ಇಳಿದಿದ್ದಾರೆ. ಬರೀ 25 ದಿನಗಳಲ್ಲಿ 7 ಕೆಜಿ ತೂಕವನ್ನು ತಗ್ಗಿಸಿಕೊಂಡಿದ್ದಾರೆ. ಗುಂಡು ಗುಂಡಾಗಿ ಇದ್ದ ರಚಿತಾ ಈಗ ತೆಳ್ಳಗೆ ಬಳ್ಳಿಯಂತೆ ಆಗಿದ್ದಾರೆ.

ಹೊಸ ಫೋಟೋ ಶೂಟ್

ತೂಕ ಕಡಿಮೆ ಆದ ಬಳಿಕ ಹೇಗೆ ಕಾಣುತ್ತಿದ್ದೇನೆ ಎಂದು ನೋಡಲು ರಚಿತಾ ಹೊಸ ಫೋಟೋ ಶೂಟ್ ಮಾಡಿಸಿದ್ದಾರೆ. ಗುಲಾಬಿ ಬಣ್ಣದ ಬಟ್ಟೆ ತೊಟ್ಟು ಬುಲ್ ಬುಲ್ ಬೆಡಗಿ ಮಿಂಚಿದ್ದಾರೆ. ತಮ್ಮ ಹೊಸ ಫೋಟೋ ಶೂಟ್ ನ ಫೋಟೋಗಳನ್ನು ಇನ್ಟಾಗ್ರಾಮ್ ಖಾತೆಯಲ್ಲಿ ಅವರು ಹಂಚಿಕೊಂಡಿದ್ದಾರೆ.

ಎರಡು ಸಿನಿಮಾದಲ್ಲಿ ದಪ್ಪ ಇದ್ದರು

ರಚಿತಾ ರಾಮ್ 'ಅಯೋಗ್ಯ' ಹಾಗೂ 'ಸೀತಾರಾಮ ಕಲ್ಯಾಣ' ಈ ಎರಡು ಚಿತ್ರದಲ್ಲಿ ಸ್ವಲ್ಪ ದಪ್ಪ ಕಾಣುತ್ತಿದ್ದರು. ಆ ಸಿನಿಮಾಗಳ ಬಳಿಕ ಈಗ ಏಳು ಕೆಜಿ ಇಳಿಸಿದ್ದಾರೆ. ಜಿಮ್ ನಲ್ಲಿ ವರ್ಕ್ ಔಟ್ ಮಾಡಿ ತೆಳ್ಳಗೆ ಕಾಣುವಂತೆ ಆಗಿದ್ದರೆ. ತೂಕ ಕಡಿಮೆ ಮಾಡಿಕೊಂಡಿರುವ ರಚಿತಾ ಇನ್ನಷ್ಟು ಚೆನ್ನಾಗಿ ಕಾಣುತ್ತಿದ್ದಾರೆ.

ಇದು ಹೊಸ ಸಿನಿಮಾಗಾಗಿ ಅಲ್ಲ

ರಚಿತಾ ಈಗ ತೂಕ ಕಡಿಮೆ ಮಾಡಿಕೊಂಡಿರುವುದು ಬೇರೆ ಯಾವ ಹೊಸ ಸಿನಿಮಾಗಾಗಿಯೂ ಅಲ್ಲವಂತೆ. ಅಂದಹಾಗೆ, ರಚಿತಾ ಸದ್ಯ ಪುನೀತ್ ರಾಜ್ ಕುಮಾರ್ ನಟನೆಯ 'ನಟ ಸಾರ್ವಭೌಮ' ಹಾಗೂ ಉಪೇಂದ್ರ ನಟನೆಯ 'ಐ ಲವ್ ಯೂ' ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ.