ಗಾಸಿಪ್ ಸುದ್ದಿಯನ್ನ ಖಚಿತ ಪಡಿಸಿದ ನಟಿ ರಶ್ಮಿಕಾ ಮಂದಣ್ಣ.!

'ವೃತ್ರ' ಚಿತ್ರದಿಂದ ರಶ್ಮಿಕಾ ಹೊರಬಂದಿರುವುದು ನಿಜ.!

ಗೌತಮ್ ಅಯ್ಯರ್ ನಿರ್ದೇಶನ ಮಾಡಬೇಕಿದ್ದ 'ವೃತ್ರ' ಚಿತ್ರತಂಡದಿಂದ ನಟಿ ರಶ್ಮಿಕಾ ಮಂದಣ್ಣ ಹೊರಬಂದಿದ್ದಾರೆ. ಡೇಟ್ಸ್ ಕ್ಲಾಶ್ ಆಗಿರುವ ಕಾರಣ 'ವೃತ್ರ' ಚಿತ್ರಕ್ಕೆ ರಶ್ಮಿಕಾ ಮಂದಣ್ಣ ಗುಡ್ ಬೈ ಹೇಳಿದ್ದಾರೆ.

ರಶ್ಮಿಕಾ ಮಾಡಿರುವ ಟ್ವೀಟ್ ನೋಡಿ...

''ನಾನು 'ವೃತ್ರ' ಚಿತ್ರದಲ್ಲಿ ಇರುವುದಿಲ್ಲ. ವೃತ್ತಿ ಜೀವನದ ಆರಂಭದಲ್ಲಿಯೇ ಇಂತಹ ನಿರ್ಧಾರ ಒಳ್ಳೆಯದಲ್ಲ ಎಂದು ನಾನು ಭಾವಿಸಿದ್ದೆ. ಈ ಬಗ್ಗೆ ನಾನು ಚಿತ್ರದ ನಿರ್ದೇಶಕ ಹಾಗೂ ನಿರ್ಮಾಪಕರ ಬಳಿಯೂ ಚರ್ಚೆ ಮಾಡಿದ್ದೆ. ಅವರು ನನ್ನ ಪರಿಸ್ಥಿತಿಯನ್ನ ಅರ್ಥ ಮಾಡಿಕೊಂಡಿದ್ದಾರೆ. ಗೌತಮ್ ಹಾಗೂ ಇಡೀ ತಂಡಕ್ಕೆ ನನ್ನ ಶುಭಾಶಯಗಳು'' ಎಂದು ನಟಿ ರಶ್ಮಿಕಾ ಮಂದಣ್ಣ ಟ್ವೀಟ್ ಮಾಡಿದ್ದಾರೆ.

ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಳ್ಳಬಹುದಿತ್ತು.!

ಈಗಾಗಲೇ 'ವೃತ್ರ' ಚಿತ್ರಕ್ಕಾಗಿ ನಟಿ ರಶ್ಮಿಕಾ ಮಂದಣ್ಣ ಫೋಟೋ ಶೂಟ್ ಕೂಡ ಮಾಡಿದ್ದರು. ಈ ಚಿತ್ರದಲ್ಲಿ ನಟಿ ರಶ್ಮಿಕಾಗೆ ತನಿಖಾ ಅಧಿಕಾರಿಯ ಪಾತ್ರ ಇತ್ತು. ಆದ್ರೀಗ, ಅನಿವಾರ್ಯ ಕಾರಣಗಳಿಂದ ಸಿನಿಮಾದಿಂದ ರಶ್ಮಿಕಾ ಹೊರನಡೆದಿದ್ದಾರೆ.

ಕಾರಣ ಏನು.?

ಸದ್ಯಕ್ಕೆ ಟಾಲಿವುಡ್ ನಲ್ಲಿ ನಟಿ ರಶ್ಮಿಕಾ ಬಿಜಿಯಿದ್ದಾರೆ. ಮುಂದಿನ ವರ್ಷಾರಂಭದವರೆಗೂ ಅವರ ಡೇಟ್ಸ್ ಬ್ಲಾಕ್ ಆಗಿದೆ. 'ವೃತ್ರ' ಚಿತ್ರಕ್ಕೆ ಅವರ ಬಳಿ ಡೇಟ್ಸ್ ಇಲ್ಲ. ಹೀಗಾಗಿ, ಬೇರೆ ದಾರಿ ಇಲ್ಲದೆ 'ವೃತ್ರ'ದಿಂದ ಹೊರಗೆ ಬಂದಿದ್ದಾರೆ.