ಅಂತೆ ಕಂತೆಗಳು ನಿಜವಾಯ್ತು : ಮಹೇಶ್ ಬಾಬು ಜೊತೆ ರಶ್ಮಿಕಾ ರೋಮ್ಯಾನ್ಸ್

'ಸರಿಲೆರು ನೀಕೆವ್ವರು' ಸಿನಿಮಾದಲ್ಲಿ ರಶ್ಮಿಕಾ

ಮಹೇಶ್ ಬಾಬು ಅಭಿನಯದ ಹೊಸ ಸಿನಿಮಾ 'ಸರಿಲೆರು ನೀಕೆವ್ವರು' ಸಿನಿಮಾದಲ್ಲಿ ರಶ್ಮಿಕಾ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಮಹೇಶ್ ಬಾಬು ಅಭಿನಯದ 26ನೇ ಸಿನಿಮಾ ಇದಾಗಿದೆ. ಚಿತ್ರದಲ್ಲಿ ರಶ್ಮಿಕಾ ಪಾತ್ರ ಹೇಗಿರಲಿದೆ ಎನ್ನುವ ಕುತೂಹಲ ಅಭಿಮಾನಿಗಳಲ್ಲಿದೆ. ಇಂದು ಬೆಳಗ್ಗೆ ಈ ಚಿತ್ರ ಅದ್ಧೂರಿ ಮುಹೂರ್ತ ಮಾಡಿಕೊಳ್ಳುವ ಮೂಲಕ ಚಿತ್ರೀಕರಣಕ್ಕೆ ಸಜ್ಜಾಗಿ ನಿಂತಿದೆ.

ಸಂಭಾವನೆ ಹೆಚ್ಚಿಸಿಕೊಂಡ ನಟಿ ರಶ್ಮಿಕಾ ಮಂದಣ್ಣ

ಆರ್ಮಿ ಅಧಿಕಾರಿಯಾಗಿ ಮಹೇಶ್ ಬಾಬು

'ಸರಿಲೆರು ನೀಕೆವ್ವರು' ಚಿತ್ರದಲ್ಲಿ ಮಹೇಶ್ ಬಾಬು ಆರ್ಮಿ ಆಫೀಸರ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಮಹೇಶ್ ಬಾಬು ಅಭಿನಯದ 25ನೇ ಸಿನಿಮಾ 'ಮಹರ್ಷಿ' ಇತ್ತೀಚಿಗಷ್ಟೆ ರಿಲೀಸ್ ಆಗಿ ಬ್ಲಾಕ್ ಬಸ್ಟರ್ ಹಿಟ್ ಆಗಿದೆ. 'ಮಹರ್ಷಿ'ಯ ಸಂತಸದ ಅಲೆಯಲ್ಲಿ ತೆಲುತ್ತಿರುವ ಮಹೇಶ್ 26ನೇ ಸಿನಿಮಾ ಅನೌನ್ಸ್ ಮಾಡಿ ಮುಹೂರ್ತ ಕೂಡ ಮಾಡಿಕೊಂಡಿದ್ದಾರೆ. 26ನೇ ಸಿನಿಮಾದ ಬಗ್ಗೆ ಇದ್ದ ಕುತೂಹಲಕ್ಕು ತೆರೆಬಿದ್ದಿದೆ.

ಅನಿಲ್ ರವಿ ಪುಡಿ ನಿರ್ದೇಶನ

ಮಹೇಶ್ ಬಾಬು ಮತ್ತು ರಶ್ಮಿಕಾ ಮತ್ತು ಹೊಸ ಚಿತ್ರಕ್ಕೆ ಅನಿಲ್ ರವಿ ಪುಡಿ ನಿರ್ದೇಶನ ಮಾಡುತ್ತಿದ್ದಾರೆ. ಈ ಹಿಂದೆ ಎಫ್-2 ರಾಜ ದಿ ಗ್ರೇಟ್ ಪಟಾಸ್ ಸಿನಿಮಾಗಳನ್ನು ಮಾಡಿರುವ ಅನಿಲ್ ರವಿ ಪುಡಿ ಈಗ ಮಹೇಶ್ ಬಾಬು ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಈ ಚಿತ್ರಕ್ಕೆ ದೇವಿ ಶ್ರೀ ಪ್ರಸಾದ್ ಸಂಗೀತ ಸಂಯೋಜನೆ ಮಾಡುತ್ತಿದ್ದಾರೆ.

ರಶ್ಮಿಕಾ ಅಭಿನಯದ 'ಡಿಯರ್ ಕಾಮ್ರೇಡ್' ಚಿತ್ರದ ಎರಡನೆ ಹಾಡು ರಿಲೀಸ್

ಸಂತಸ ವ್ಯಕ್ತಪಡಿಸಿದ ರಶ್ಮಿಕಾ

ಮೊದಲ ಬಾರಿಗೆ ಟಾಲಿವುಡ್ ನ ಸ್ಟಾರ್ ನಟನ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವ ರಶ್ಮಿಕಾ ಸಾಮಾಜಿಕ ಜಾಲತಾಣದಲ್ಲಿ ಸಂತಸ ವ್ಯಕ್ತಪಡಿಸಿದ್ದಾರೆ. "ನನಗೆ ಗೊತ್ತು ನೀವೆಲ್ಲರು ಈ ಬಗ್ಗೆ ಕೇಳುತ್ತಿದ್ದೀರಿ. ನಾನು ಈಗ ಈ ಸುಂದರ ತಂಡದ ಒಂದು ಭಾಗವಾಗಿದ್ದೀನಿ. ಮಹೇಶ್ ಬಾಬು ಜೊತೆ ಕೆಲಸ ಮಾಡಲು ಉತ್ಸುಕಳಾಗಿದ್ದೀನಿ" ಎಂದು ಹೇಳಿಕೊಂಡಿದ್ದಾರೆ.

2020 'ಸರಿಲೆರು ನೀಕೆವ್ವರು' ರಿಲೀಸ್

ಮಹೇಶ್ ಬಾಬು ಮತ್ತು ರಶ್ಮಿಕಾ ಅಭಿನಯದ ಹೊಸ ಸಿನಿಮಾ ಮುಂದಿನ ವರ್ಷ ತೆರೆಗೆ ಬರುತ್ತಿದೆ. 2020 ಸಂಕ್ರಾತಿ ಹಬ್ಬಕ್ಕೆ ಮಹೇಶ್ ಬಾಬು ಅಭಿಮಾನಿಗಳಿಗೆ ಡಬಲ್ ಧಮಾಕ ಆಗಲಿದೆ. ಈಗಾಗಲೆ ಭಾರಿ ಕುತೂಹಲ ಮೂಡಿಸಿರುವ ಸರಿಲೆರು ನೀಕೆವ್ವರು ಸಿನಿಮಾ ಸಧ್ಯದಲ್ಲೇ ಚಿತ್ರೀಕರಣಕ್ಕೆ ಹೊರಡಲಿದೆ.