'ಗೀತಾ ಗೋವಿಂದಂ' ಬಳಿಕ ದೊಡ್ಡ ಸ್ಟಾರ್ ಚಿತ್ರದಲ್ಲಿ ರಶ್ಮಿಕಾ

ಟಾಲಿವುಡ್ ಸ್ಟಾರ್ ಜೊತೆ ಕರ್ನಾಟಕ ಕ್ರಶ್

ಕರ್ನಾಟಕದ ಕ್ರಶ್ ಅಂತಾನೇ ಅಭಿಮಾನಿಗಳಿಂದ ಕರೆಸಿಕೊಂಡಿರುವ ನಟಿ ರಶ್ಮಿಕಾ ಮಂದಣ್ಣ ಟಾಲಿವುಡ್ ನ ಬಿಗ್ ಸ್ಟಾರ್ ಜೊತೆ ಅಭಿನಯ ಮಾಡಲಿದ್ದಾರೆ ಎನ್ನುವ ಸುದ್ದಿ ಟಾಲಿವುಡ್ ಅಂಗಳದಲ್ಲಿ ಜೋರಾಗಿದೆ.

ಜ್ಯೂನಿಯರ್ ಎನ್ ಟಿ ಆರ್ ಚಿತ್ರದಲ್ಲಿ ರಶ್ಮಿಕಾ

ಟಾಲಿವುಡ್ ಸ್ಟಾರ್ ಜ್ಯೂನಿಯರ್ ಎನ್ ಟಿ ಆರ್ ಅಭಿನಯದ ಸಿನಿಮಾದಲ್ಲಿ ರಶ್ಮಿಕಾ ನಾಯಕಿಯಾಗಿ ಅಭಿನಯ ಮಾಡುತ್ತಾರಂತೆ. ಈಗಾಗಲೇ ಸಿನಿಮಾ ನಿರ್ಮಾಪಕರು ಒಂದು ಸುತ್ತಿನ ಮಾತುಕಥೆ ನಡೆಸಿದ್ದು ಫೈನಲ್ ಆಗುವುದಷ್ಟೇ ಬಾಕಿ ಇದ್ಯಂತೆ.

ಬಿಗ್ ಸ್ಟಾರ್ ಗಳ ಜೊತೆ ಅಭಿನಯ

ವಿಜಯ ದೇವರಕೊಂಡ ಸೇರಿದಂತೆ. ಅಕ್ಕಿನೇನಿ ನಾಗಾರ್ಜನ್ ಹಾಗೂ ನಾನಿ ಜೊತೆ 'ದೇವದಾಸ್' ಸಿನಿಮಾದಲ್ಲಿ ರಶ್ಮಿಕಾ ಅಭಿನಯ ಮಾಡಿದ್ದಾರೆ. ಮುಂದಿನ ದಿನಗಳಲ್ಲಿ ಮಹೇಶ್ ಬಾಬು, ಅಲ್ಲು ಅರ್ಜುನ್ ಚಿತ್ರದಲ್ಲಿಯೂ ನಾಯಕಿ ಆಗುವ ಸಾಧ್ಯತೆಗಳಿವೆ.

ಮತ್ತೆ ಒಂದಾಯ್ತು 'ಗೀತಾ ಗೊವಿಂದಂ' ಜೋಡಿ

ವಿಜಯ ದೇವರಕೊಂಡ ಜೊತೆ 'ಗೀತಾ ಗೋವಿಂದಂ' ಸಿನಿಮಾದಲ್ಲಿ ಅಭಿನಯ ಮಾಡಿದ ನಂತರ `ಡಿಯರ್ ಕಾಮ್ರೇಡ್' ಚಿತ್ರವನ್ನು ಒಪ್ಪಿಕೊಂಡಿದ್ದಾರೆ ರಶ್ಮಿಕಾ. ತಮಿಳು ಚಿತ್ರರಂಗದಿಂದಲೂ ರಶ್ಮಿಕಾ ಅವರಿಗೆ ಅವಕಾಶಗಳು ಹುಡುಕಿಕೊಂಡು ಬರುತ್ತಿವೆಯಂತೆ.