''ದೀಪಾವಳಿ ದೀಪಗಳ ಹಬ್ಬ, ಪಟಾಕಿ ಹಬ್ಬ ಅಲ್ಲ'' ಎನ್ನುವ ಈ ನಟಿಯರ ಮಾತು ಕೇಳಿ

ಪ್ರೋತ್ಸಾಹ ಮಾಡುವುದಿಲ್ಲ

ಸಣ್ಣ ಪುಟ್ಟ ಪಟಾಕಿಯನ್ನು ಬಳಕೆ ಮಾಡಿ.

''ಪಟಾಕಿಯನ್ನು ನಾನು ಚಿಕ್ಕ ವಯಸ್ಸಿನಿಂದ ಪ್ರೋತ್ಸಾಹ ಮಾಡಿದವಳು ಅಲ್ಲ. ಪಟಾಕಿ ವಿಷಯದಲ್ಲಿ ನಾನು ಪುಕ್ಲಿ. ಪಟಾಕಿ ಬೇಡವೇ ಬೇಡ ಎನ್ನುವುದು ಒಂದು ಕಡೆ. ಆದರೆ ಹಬ್ಬದ ಸಂತೋಷಕ್ಕೆ ನಮ್ಮ ಸಮಾಧಾನಕ್ಕೆ ಸಣ್ಣ ಪುಟ್ಟ ಪಟಾಕಿಯನ್ನು ಬಳಕೆ ಮಾಡಿ. ಹಬ್ಬದ ದಿನ ವಾಯು ಮಾಲಿನ್ಯ ಮಾಡದಂತೆ.. ಬೇರೆಯವರಿಗೆ ತೊಂದರೆ ಮಾಡದಂತೆ ಹಬ್ಬ ಆಚರಿಸಿ..ಇದು ನನ್ನ
ಕಾಳಜಿ..'' - ಮಯೂರಿ, ನಟಿ

ಪ್ರಕೃತಿಯನ್ನು ಕಾಪಾಡಿಕೊಳ್ಳಬೇಕಾಗಿದೆ

''ನಮ್ಮ ಮನೆಯಲ್ಲಿ ಮುಂಚೆಯಿಂದ ಪಟಾಕಿ ಕಡಿಮೆ. ಬೆಳೆಯುತ್ತ ನಮಗೂ ಪಟಾಕಿ ಬೇಡ ಅನಿಸಿತು. ಈಗ ಎಲ್ಲ ರೀತಿಯಲ್ಲಿಯೂ ಪ್ರಕೃತಿ ಮಲೀನವಾಗುತ್ತಿದೆ. ಮೊದಲ ನಾವು ನಮ್ಮ ಪ್ರಕೃತಿಯನ್ನು ಕಾಪಾಡಿಕೊಳ್ಳಬೇಕಾಗಿದೆ. ನನ್ನ ಪ್ರಕಾರ ಪಟಾಕಿ ಅಂದರೆ ದುಡ್ಡನ್ನು ಸುಡುತ್ತಿದ್ದೀವಿ ಎನ್ನುವ ಭಾವನೆ. ದುಡ್ಡು ಕೊಟ್ಟು ನಮ್ಮ ಪ್ರಕೃತಿಯನ್ನು ನಾವೇ ಹಾಳು ಮಾಡುತ್ತಿದ್ದೇವೆ. ಪಟಾಕಿಯಿಂದ ಸಣ್ಣ ಖುಷಿ ಇದ್ದರೂಅದರಿಂದ ಹಾನಿ ಜಾಸ್ತಿ. ಸೋ.. ನನ್ನ ಪ್ರಕಾರ ಪರಿಸರ ಸ್ನೇಹಿ ದೀಪಾವಳಿಯನ್ನು ಎಲ್ಲರೂ ಆಚರಿಸಬೇಕು.'' - ಆಶಿಕಾ, ನಟಿ

ಇದು ಬೆಳಕಿನ ಹಬ್ಬ.. ಪಟಾಕಿಯ ಹಬ್ಬ ಅಲ್ಲ..

''ನಾನು 13 ವರ್ಷದ ಹುಡುಗಿ ಆದಾಗ ನಮ್ಮ ಅಪ್ಪ ಅಮ್ಮ ಪಟಾಕಿ ನಿಮಗೆ ಇಷ್ಟನಾ ಅಥವಾಅದನ್ನು ನಿಲ್ಲಿಸೋಣ ಅಂತ ಹೇಳಿದರು. ಅಂದೇ ನಾನು ಮತ್ತು ಅಕ್ಕಬೇಡ ಅಂತ ನಿರ್ಧಾರ ಮಾಡಿದ್ವಿ. ಅಲ್ಲದೆ ಆ ಪಟಾಕಿಯನ್ನು ತಯಾರಿಸುವವರು ಕೂಡ ಚಿಕ್ಕ ಚಿಕ್ಕ ಮಕ್ಕಳು ಅಲ್ವಾ. ದೀಪಾವಳಿ ಅಂದರೆ ಬೆಳಕಿನ ಹಬ್ಬ.. ಅದುಪಟಾಕಿಯ ಹಬ್ಬ ಅಲ್ಲ. ನಾನು ಹೆಚ್ಚು ಪ್ರಕೃತಿಯಪರವಾಗಿ ಇದ್ದೀನಿ. ಸೋ, ಪಟಾಕಿ ಬೇಡ ಎನ್ನುವುದು ನನ್ನ ಅಭಿಪ್ರಾಯ.'' - ಶ್ರದ್ಧಾ ಶ್ರೀನಾಥ್, ನಟಿ

8 ಕ್ಲಾಸ್ ಗೆ ಪಟಾಕಿ ಬಿಟ್ಟೆ

''ನಾನು ಚಿಕ್ಕ ವಯಸ್ಸಿನಲ್ಲಿ ಸಿಕ್ಕಾಪಟ್ಟೆ ಪಟಾಕಿ ಹೊಡೆಯುತ್ತಿದ್ದೆ. ಆದರೆ 8 ಕ್ಲಾಸ್ ಗೆ ಬಂದ ಮೇಲೆ ಬಿಟ್ಟೆ. ಅದು ಯಾಕೆ ಅಂತ ನನಗೂ ಗೊತ್ತಿಲ್ಲ. ಆಗ ಬಿಟ್ಟಿದ್ದು ಇವತ್ತಿನ ವರೆಗೂ ಪಟಾಕಿ ಹೊಡೆದಿಲ್ಲ. ನಮ್ಮ ಮನೆಯಲ್ಲಿ ದೀಪ ಹಚ್ಚುತ್ತೇವೆ.. ಪಟಾಕಿ ಹೊಡೆಯುವುದಿಲ್ಲ.'' - ಅಧಿತಿ ಪ್ರಭುದೇವ, ನಟಿ

ಪಟಾಕಿ ಹೊಡೆಯಬೇಡಿ

''ದಯವಿಟ್ಟು ಪಟಾಕಿ ಹೊಡೆಯಬೇಡಿ. ನಾನು ಎಲ್ಲ ಕಡೆ ಇದನ್ನೇ ಹೇಳಿಕೊಂಡು ಬರುತ್ತಿದ್ದೇನೆ. ಪಟಾಕಿ ಹೊಡೆಯುವುದರಿಂದ ಪ್ರಾಣಿಗಳಿಗೆ ಎಷ್ಟು ಹಿಂಸೆ ಆಗುತ್ತದೆ. ಅದನ್ನು ನೋಡಿದರೆ ಕರುಳು ಚುರುಕ್ ಎನಿಸುತ್ತದೆ. ನಮ್ಮ ನಾಯಿ ಕೂಡ ಹಬ್ಬದ ದಿನ ಮೂಲೆಯಲ್ಲಿ ಕುಳಿತಿರುತ್ತಾನೆ. ಹಬ್ಬದಲ್ಲಿ ಪಟಾಕಿಬದಲು ದೀಪ ಹಚ್ಚಿ ಎನ್ನುವುದು ನನ್ನ ಅನಿಸಿಕೆ.'' - ಅಧಿತಿ ಪ್ರಭುದೇವ, ನಟಿ