'ಡಿಯರ್ ಕಾಮ್ರೇಡ್' ಕನ್ನಡ ಟ್ರೈಲರ್ ನಲ್ಲಿ 'ಈ ಒಂದು ಅಂಶ' ಇಷ್ಟ ಆಗ್ಲಿಲ್ಲ.!

ದೇವರಕೊಂಡಗೆ ಧ್ವನಿ ಹೊಂದಿಕೆಯಾಗಿಲ್ಲ

ಕನ್ನಡ ಕಲಾಭಿಮಾನಿಗಳು ಬೇಸರ ಮಾಡಿಕೊಳ್ಳುವುದಕ್ಕೆ ಕಾರಣ ವಿಜಯ್ ದೇವರಕೊಂಡ ಪಾತ್ರ. ಕನ್ನಡದಲ್ಲಿ ದೇವರಕೊಂಡ ಪಾತ್ರಕ್ಕೆ ಡಬ್ ಮಾಡಿರುವ ಧ್ವನಿ ಬಗ್ಗೆ ಅಸಮಾಧಾನ ವ್ಯಕ್ತವಾಗುತ್ತಿದೆ. ಅವರ ಪಾತ್ರಕ್ಕೆ ಆ ಧ್ವನಿ ಸೂಕ್ತವಾಗಿ ಹೊಂದಿಕೆಯಾಗಿಲ್ಲ. ಹೀಗಾಗಿ, ಸಿನಿಮಾ ಮೇಲೆ ಆಸಕ್ತಿ ಕಮ್ಮಿಯಾಗುತ್ತಿದೆ.

ಧ್ವನಿ ಬಗ್ಗೆ ಎಲ್ಲರಿಗೂ ಪರಿಚಯ ಇದೆ

ವಿಜಯ್ ದೇವರಕೊಂಡ ಅವರ ಧ್ವನಿಯನ್ನ ಬಹುತೇಕ ಎಲ್ಲ ಸ್ಯಾಂಡಲ್ ವುಡ್ ಅಭಿಮಾನಿಗಳು ಗ್ರಹಿಸಿದ್ದಾರೆ. ಇದೀಗ, ಅವರ ಅಭಿನಯಕ್ಕೆ ಬೇರೆ ಯಾವುದೋ ಧ್ವನಿ ಬಂದಾಗ ಸಹಜವಾಗಿ ಇಷ್ಟ ಆಗುವುದಿಲ್ಲ. 'ಡಿಯರ್ ಕಾಮ್ರೇಡ್' ಸಿನಿಮಾ ವಿಚಾರದಲ್ಲೂ ಈಗ ಅದೇ ಆಗಿದೆ. ಆ ಪಾತ್ರದಲ್ಲಿರುವ ಗತ್ತಿಗೆ ತಕ್ಕಂತೆ ಡಬ್ಬಿಂಗ್ ಮಾಡಿಲ್ಲ ಎಂಬುದು ನಿರಾಸಕ್ತಿ ಮೂಡಿಸಿದೆ.

ಅವರೇ ಟ್ರೈ ಮಾಡಬಹುದಿತ್ತು

ಈಗಿನ ಟ್ರೆಂಡ್ ನಲ್ಲಿ ಭಾಷೆ ಗೊತ್ತಿಲ್ಲದವರು ಕೂಡ ಭಾಷೆ ಕಲಿತು ಹಾಡುಗಳನ್ನ ಹಾಡ್ತಿದ್ದಾರೆ. ತಮ್ಮ ಪಾತ್ರಗಳಿಗೆ ಡಬ್ ಮಾಡ್ತಿದ್ದಾರೆ. ಸೋ, ಸ್ವಲ್ಪ ಪ್ರಯತ್ನ ಪಟ್ಟಿದ್ದರೆ ವಿಜಯ್ ದೇವರಕೊಂಡ ಅವರೇ ಕನ್ನಡದಲ್ಲೂ ಡಬ್ ಮಾಡಬಹುದಿತ್ತು. ಇದರಿಂದ ಕನ್ನಡ ಪ್ರೇಕ್ಷಕರ ಮನಸ್ಸಿನಲ್ಲಿ ಮತ್ತಷ್ಟು ಜಾಗ ಪಡೆಯಬಹುದಿತ್ತು.

ರಶ್ಮಿಕಾ ನೋಡಿದ್ರೆ ಖುಷಿ ಆಗುತ್ತೆ

ಈ ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ ಅವರನ್ನ ನೋಡಿದ್ರೆ ಖುಷಿ ಆಗುತ್ತೆ. ಬಹುಶಃ ಇದು ಕನ್ನಡ ಸಿನಿಮಾ ಎಂದು ಅನಿಸುತ್ತೆ. ತಮ್ಮ ಪಾತ್ರಕ್ಕೆ ತಾವೇ ಡಬ್ ಮಾಡಿದ್ದಾರೆ. ಇನ್ನುಳಿದಂತೆ ಪೋಷಕ ಕಲಾವಿದರ ಧ್ವನಿ ಬಗ್ಗೆ ಅಷ್ಟಾಗಿ ಪರಚಯವಿಲ್ಲ. ಸೋ, ಅವರ ಡಬ್ಬಿಂಗ್ ನಲ್ಲಿ ಏನೂ ವ್ಯತ್ಯಾಸ ಕಾಣುತ್ತಿಲ್ಲ, ಓಕೆ ಎನ್ನಬಹುದು. ಇದೊಂದು ಬಿಟ್ಟರೇ ಸಿನಿಮಾ ಟ್ರೈಲರ್ ಚೆನ್ನಾಗಿ ಮೂಡಿ ಬಂದಿದೆ.