ಅಂಬರೀಶ್ 69ನೇ ಹುಟ್ಟುಹಬ್ಬ: ಅಪ್ಪಾಜಿ ನೆನೆದ ಸುದೀಪ್-ದರ್ಶನ್

ಮತ್ತೊಮ್ಮೆ ಕರುನಾಡಲ್ಲೇ ಹುಟ್ಟಿಬರಲಿ

''ಎಂದಿಗೂ ಮಾಸದ ಅಂಬಿ ಅಪ್ಪಾಜಿಯ ಸವಿನೆನಪು. ಅವರ ಭಾಷಾಭಿಮಾನ, ಖಡಕ್ ಜೀವನ ಶೈಲಿ ಎಲ್ಲರಿಗೂ ಸ್ಫೂರ್ತಿಯಾಗಿರುತ್ತದೆ. ಮತ್ತೊಮ್ಮೆ ಕರುನಾಡಲ್ಲೇ ಹುಟ್ಟಿಬರಲಿ ನಮ್ಮ ನೆಚ್ಚಿನ ಮಂಡ್ಯದ ಗಂಡು'' ಎಂದು ದರ್ಶನ್ ಶುಭಕೋರಿದರು.

ಮಿಸ್ ಮಾಡುತ್ತಿದ್ದೇವೆ ಮಾಮ

ರೆಬೆಲೆ ಸ್ಟಾರ್‌ ಅಂಬರೀಶ್‌ರ ಫೋಟೋಗಳನ್ನು ಹಂಚಿಕೊಂಡಿರುವ ಕಿಚ್ಚ ಸುದೀಪ್ ''ನಿಮ್ಮನ್ನು ನಿಜಕ್ಕೂ ಮಿಸ್ ಮಾಡಿಕೊಳ್ಳುತ್ತಿದ್ದೇವೆ ಅಂಬಿ ಮಾಮ'' ಎಂದು ಟ್ವೀಟ್ ಮಾಡಿ ಸ್ಮರಿಸಿಕೊಂಡಿದ್ದಾರೆ.

'ಅಂಬಿ 69..' ಸುಮಲತಾ ಭಾವುಕ

''ಅಜರಾಮರ ನೆನಪುಗಳು, ಚಿರಂತನ ಚೈತನ್ಯ, ಅಪಾರ ಅಕ್ಕರೆ, ಸಂಜೀವಿನಿ ಸ್ನೇಹ, ಎಲ್ಲರನ್ನೂ ಎಲ್ಲವನ್ನೂ ಪ್ರೀತಿಸಿ ಹೃದಯವಂತಿಕೆ ಶಾಶ್ವತ ನಲ್ಮೆ, ಧನ್ಯ ಬದುಕು'' ಎಂದು ಸುಮಲತಾ ಅಂಬರೀಶ್ ಟ್ವೀಟ್ ಮೂಲಕ ಪತಿಯನ್ನು ಸ್ಮರಿಸಿದ್ದಾರೆ.

ನಂಬಿಕೆ, ಪ್ರೀತಿಗೆ ಬ್ರ್ಯಾಂಡು

''ಕಡಲಿಗೆ ಒಂದು ಕೊನೆ ಇದೆ ಸ್ನೇಹಕ್ಕೆ ಎಲ್ಲಿದೆ ಎಂದ ಗಂಡಂದ್ರೆ ಗಂಡು ಧಾನಕ್ಕೆ ಧರ್ಮಕ್ಕೆ ನಂಬಿಕೆಗೆ ವಿಶ್ವಾಸಕ್ಕೆ ಪ್ರೀತಿಗೆ ಕರುಣೆಗೆ ಇವರೇ ಬಹು ದೊಡ್ಡ ಬ್ರ್ಯಾಂಡು..ಹುಟ್ಟು ಹಬ್ಬದ ಶುಭಾಶಯಗಳು to one & only ನಮ್ಮ ಮಂಡ್ಯದ ಗಂಡು..'' ಎಂದು ನಿರ್ದೇಶಕ ರಘುರಾಮ್ ಸ್ಮರಿಸಿದ್ದಾರೆ.

ಹ್ಯಾಪಿ ಬರ್ತಡೇ ಲೆಜೆಂಡ್

ಅಪ್ಪನ ಹುಟ್ಟುಹಬ್ಬಕ್ಕೆ ಇನ್ಸ್ಟಾಗ್ರಾಂನಲ್ಲಿ ಶುಭಕೋರಿರುವ ಅಭಿಷೇಕ್ ''ಹ್ಯಾಪಿ ಬರ್ತಡೇ ಲೆಜೆಂಡ್'' ಎಂದು ಅಪ್ಪನ ಜೊತೆಗಿರುವ ಫೋಟೋ ಹಂಚಿಕೊಂಡು ಶುಭಾಶಯ ಕೋರಿದ್ದಾರೆ.

ಅಂಬರೀಶಣ್ಣ ಅಮರ

ಅಂಬರೀಶಣ್ಣ ಅಮರ, ಅಜರಾಮರ ಎಂದು ನಿರ್ದೇಶಕ ಪವನ ಒಡೆಯರ್ ಶುಭಕೋರಿದ್ದಾರೆ. ನಿರ್ದೇಶಕ ಸಿಂಪಲ್ ಸುನಿ ಸಹ ಅಂಬಿಗೆ ವಿಶ್ ಮಾಡಿದ್ದು, ''ಇಂದು "ರೆಬೆಲ್ ಸ್ಟಾರ್" ಅಂಬರೀಷ್ ರವರ ಜನ್ಮ ದಿನ... ಅವರ ನಟನೆ..ಕೆಲಸ.,ಮಾತು ..ನೆನಪು ಎಂದಿಗು ಮರೆಯೋಕೆ ಚಾನ್ಸೆ ಇಲ್ಲ... No way' ಎಂದಿದ್ದಾರೆ.