ಹೇಗಿರುತ್ತೆ ಸುದೀಪ್ - ಅನೂಪ್ ಜೋಡಿಯ ಸಿನಿಮಾ?

ಸುದೀಪ್ - ಅನೂಪ್ ಟ್ವೀಟ್

ನಟ ಸುದೀಪ್ ಹಾಗೂ ಅನೂಪ್ ಭಂಡಾರಿ ಕಾಂಬಿನೇಶನ್ ನಲ್ಲಿ ಈಗ ಸಿನಿಮಾ ಬರುತ್ತಿದ್ದು, ಈ ಬಗ್ಗೆ ಟ್ವಿಟ್ಟರ್ ಖಾತೆಗಳಲ್ಲಿ ಸುದೀಪ್ ಹಾಗೂ ಅನೂಪ್ ಬರೆದುಕೊಂಡಿದ್ದಾರೆ. ಈ ಮೂಲಕ ತಮ್ಮ ಹೊಸ ಸಿನಿಮಾದ ವಿಷಯವನ್ನು ಅಭಿಮಾನಿಗಳಿಗೆ ಸುದೀಪ್ ತಲುಪಿಸಿದ್ದಾರೆ.

18 ವರ್ಷದ ಹಿಂದಿನ ಕಥೆ

ಈ ಸಿನಿಮಾದ ಕೆಲ ವಿವರಗಳನ್ನು ನಿರ್ದೇಶಕ ಅನೂಪ್ ಭಂಡಾರಿ ಹಂಚಿಕೊಂಡಿದ್ದಾರೆ. ಇದೊಂದು ಆಕ್ಷನ್ ಆಡ್ವೆಂಚರ್ ಸಿನಿಮಾವಾಗಿದ್ದು, 18 ವರ್ಷದ ಹಿಂದೆ ಈ ಕಥೆಯನ್ನು ಬರೆದಿದ್ದರಂತೆ. ಸದ್ಯಕ್ಕೆ ಅನೂಪ್ ಸ್ಕ್ರೀಪ್ಟ್ ವರ್ಕ್ ನಲ್ಲಿ ಬ್ಯುಸಿ ಇದ್ದಾರಂತೆ. ಸುದೀಪ್ ಅವರಿಗೂ ಕಥೆ ಬಹಳ ಇಷ್ಟ ಆಗಿದೆಯಂತೆ.

2010 ರಲ್ಲಿ ಆದ ಭೇಟಿ

2010 ರಲ್ಲಿ ಒಮ್ಮೆ ಒಂದು ಕಾರ್ಯಕ್ರಮದಲ್ಲಿ ಸುದೀಪ್ ರನ್ನು ಅನೂಪ್ ಭೇಟಿ ಮಾಡಿದ್ದರಂತೆ. ಈ ವೇಳೆ ನಿಮ್ಮ ಜೊತೆಗೆ ಸಿನಿಮಾ ಮಾಡುವ ಆಸೆ ಎಂದಾಗ ಒಳ್ಳೆಯ ಕಥೆ ಇದ್ದರೆ ತನ್ನಿ ಅಂತ ಸುದೀಪ್ ಹೇಳಿದ್ದರಂತೆ. ಆ ಕಾಲ ಕೂಡಿ ಬಂದಿದ್ದು, ಇಬ್ಬರು ಒಟ್ಟಿಗೆ ಸಿನಿಮಾ ಮಾಡುತ್ತಿದ್ದಾರೆ.

ಸುದೀಪ್ ನಿರ್ಮಾಣ

ಮತ್ತೊಂದು ಸಂಗತಿ ಅಂದರೆ, ಸುದೀಪ್ ಅವರೇ ಈ ಸಿನಿಮಾದ ನಿರ್ಮಾಣ ಮಾಡುತ್ತಿದ್ದಾರೆ. 'SuPriYanvi production' ಮೂಲಕ ಈ ಚಿತ್ರ ನಿರ್ಮಾಣ ಆಗುತ್ತಿದೆ. Su ಸುದೀಪ್ PriYa ಪ್ರಿಯಾ nvi ಸಾನ್ವಿ ಹೀಗೆ ತಮ್ಮ ಹೆಸರಿನ ಜೊತೆಗೆ ಪತ್ನಿ ಹಾಗೂ ಮಗಳ ಹೆಸರನ್ನು ಸೇರಿಸಿ ತಮ್ಮ ನಿರ್ಮಾಣ ಸಂಸ್ಥೆಗೆ ಹೆಸರಿಟ್ಟಿದ್ದಾರೆ.

ಇನ್ನು ಯಾವುದು ನಿರ್ಧಾರ ಆಗಿಲ್ಲ

'ರಾಜರಥ' ಚಿತ್ರದ ಮೇಕಿಂಗ್ ನೋಡಿ ಇಷ್ಟ ಪಟ್ಟ ಸುದೀಪ್ ಈ ಸಿನಿಮಾಗೆ ಗ್ರೀನ್ ಸಿಗ್ನಲ್ ನೀಡಿದರಂತೆ. ಸದ್ಯಕ್ಕೆ ಕಥೆಯ ಕೆಲಸಗಳು ನಡೆಯುತ್ತಿದ್ದು, ಸಿನಿಮಾದ ಮುಹೂರ್ತ ಯಾವಾಗ ಎನ್ನುವುದು ಇನ್ನು ನಿರ್ಧಾರ ಆಗಿಲ್ಲ. ಕಲಾವಿದ, ತಂತ್ರಜ್ಞರ ಆಯ್ಕೆ ಕೂಡ ಇನ್ನು ಬಾಕಿ ಇದೆ. ಚಿತ್ರದ ಟೈಟಲ್ ಪೋಸ್ಟರ್ ಗುರುವಾರ ಸಂಜೆ ಆರು ಗಂಟೆಗೆ ಹೊರಬರಲಿದೆ.