Don't Miss!
- News EPFO: ಪಿಎಫ್ ನಿಯಮದಲ್ಲಿ ಭಾರೀ ಬದಲಾವಣೆ, 1 ಲಕ್ಷದವರೆಗೂ ಹಣ ಬಿಡಿಸಿಕೊಳ್ಳಬಹುದು!
- Automobiles ರೈತರ ವಿಶ್ವಾಸದೊಂದಿಗೆ 40 ಲಕ್ಷ ಟ್ರ್ಯಾಕ್ಟರ್ ಮಾರಾಟ ಮೈಲಿಗಲ್ಲು ಸಾಧಿಸಿದ ಮಹೀಂದ್ರಾ
- Lifestyle 5 ನಿಮಿಷದಲ್ಲಿ ಪಾತ್ರೆಯನ್ನು ಹೊಳೆಯುವಂತೆ ಮಾಡಿ..! ಸುಲಭದ ಟಿಪ್ಸ್ ಇಲ್ಲಿದೆ
- Technology oneplus: ಒನ್ಪ್ಲಸ್ನಿಂದ ಫ್ಲ್ಯಾಗ್ಶಿಪ್ ಕ್ಯಾಮೆರಾ ಸೌಲಭ್ಯದೊಂದಿಗೆ ಫ್ಲಿಪ್ ಫೋನ್!
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮತ್ತೆ ಬಂದ್ರು ಗಡ್ಡಾ ವಿಜಿ: ಈ ಬಾರಿ ಹೀರೋ ಯಾರಿರಬಹುದು?
'ದ್ಯಾವ್ರೆ', 'ಪ್ಲಸ್' ಚಿತ್ರದ ಖ್ಯಾತಿಯ ನಟ ಕಮ್ ನಿರ್ದೇಶಕ ಗಡ್ಡಾ ವಿಜಿ ಅವರು ಇದೀಗ ತಮ್ಮ ಹೊಸ ಪ್ರಾಜೆಕ್ಟ್ ಮೂಲಕ ಮತ್ತೆ ವಾಪಸಾಗಿದ್ದಾರೆ.
ತಮ್ಮ ಪ್ರತಿಯೊಂದು ಚಿತ್ರದಲ್ಲೂ ಏನಾದರೂ ಒಂದು ವಿಶೇಷ ಪ್ರಯೋಗ ಮಾಡುವ ಯೋಗರಾಜ್ ಭಟ್ರ ಶಿಷ್ಯ ಗಡ್ಡಾ ವಿಜಿ ಅವರು ಇದೀಗ 'ವಾಜಿ' ಎಂಬ ವಿಭಿನ್ನ ಹೆಸರಿನ ಸಿನಿಮಾದ ಜೊತೆ ಮತ್ತೆ ಅದೃಷ್ಟ ಪರೀಕ್ಷೆಗೆ ನಿಂತಿದ್ದಾರೆ.[ವಿಮರ್ಶೆ : ಮೈನಸ್ ಮೈನಸ್ '+' ಆದ್ರೆ '-' ಮೈನಸ್.!]
ಕರಿಸುಬ್ಬು ಬ್ಯಾನರ್ ಅಡಿಯಲ್ಲಿ ಮೂಡಿಬರುತ್ತಿರುವ 'ವಾಜಿ' ಚಿತ್ರದಲ್ಲಿ ಒಂದು ಶ್ವಾನವನ್ನು ಇಟ್ಟುಕೊಂಡು ಗಡ್ಡಾ ವಿಜಿ ಅವರು ಹೊಸ ಪ್ರಯೋಗಕ್ಕೆ ಇಳಿದಿದ್ದಾರೆ. ಇಡೀ ಕಥೆಯೇ ನಾಯಿಯ ಸುತ್ತ ಸುತ್ತುತ್ತಿದ್ದು, ಬಹುತೇಕ ಇಡೀ ಚಿತ್ರದ ಹೀರೋ ನಾಯಿಯೇ ಆಗಿರುತ್ತದೆ. ಅಲ್ಲದೇ ಚಿತ್ರದ ಹೆಸರೇ ಶ್ವಾನದ ಹೆಸರಾಗಿದೆ.
ಅಂದಹಾಗೆ ನಾಯಿಯನ್ನು ಇಟ್ಟುಕೊಂಡು ಈಗಾಗಲೇ ಹಲವಾರು ಸಿನಿಮಾಗಳು ಬಂದಿವೆ. ಅಭಿನಯ ಭಾರ್ಗವ ಡಾ.ವಿಷ್ಣುವರ್ಧನ್ ಅವರ 'ನಿಶ್ಯಬ್ಧ' ಚಿತ್ರದಲ್ಲಿ ಕೂಡ ಶ್ವಾನವೊಂದು ಪ್ರಮುಖ ಪಾತ್ರ ವಹಿಸಿತ್ತು.[ಆರ್.ಜಿ.ವಿ ಚಿತ್ರದಲ್ಲಿ ಜ್ಯೂನಿಯರ್ ಆರ್ಟಿಸ್ಟ್ ಆಗೋಕೂ ರೆಡಿ]
ಇದೀಗ ಗಡ್ಡಾ ವಿಜಿ ಅವರು ತಾವೇ ಕಥೆ-ಚಿತ್ರಕಥೆ ಬರೆದು ನಿರ್ದೇಶನ ಮಾಡುತ್ತಿರುವ 'ವಾಜಿ' ಚಿತ್ರದಲ್ಲಿ ಶ್ವಾನವನ್ನು ಇಟ್ಟುಕೊಂಡು ವಿಭಿನ್ನ ಪ್ರಯೋಗ ಮಾಡಲು ಹೊರಟಿದ್ದು, ಆಗಸ್ಟ್ 15 ರಂದು 'ವಾಜಿ' ಸಿನಿಮಾ ಸೆಟ್ಟೇರಲಿದೆ.
ನಟ-ನಟಿ ಸೇರಿದಂತೆ ಇನ್ನುಳಿದ ಪಾತ್ರಗಳ ಅನ್ವೇಷಣೆಯಲ್ಲಿ ತೊಡಗಿರುವ ನಿರ್ದೇಶಕ ಗಡ್ಡಾ ವಿಜಿ ಅವರು ಉಳಿದ ತಂತ್ರಜ್ಞರು ಆಯ್ಕೆ ಮಾಡಿದ್ದು, ಗುರು ಪ್ರಶಾಂತ್ ರೈ, ಮಾಧವ್ ಮತ್ತು ಭಾಸ್ಕರ್ ರೆಡ್ಡಿ ಅವರು ಛಾಯಾಗ್ರಾಹಕರಾಗಿ ಕೆಲಸ ಮಾಡಿದರೆ, ಸಂಗೀತ ನಿರ್ದೇಶಕ ವೀರ ಸಮರ್ಥ್ ಅವರು ಮ್ಯೂಸಿಕ್ ಕಂಪೋಸ್ ಮಾಡಲಿದ್ದಾರೆ.