ಕೆಜಿಎಫ್-3 ಬಗ್ಗೆ ಪ್ರಶಾಂತ್ ನೀಲ್ ಸುಳಿವು: ಅದ್ರಲ್ಲಿ ನಾನು ಇರ್ತೀನಿ ಅಂತಿದ್ದಾರೆ ದೇವರಕೊಂಡ

ಕೆಜಿಎಫ್-3 ಬಗ್ಗೆ ಪ್ರಶಾಂತ್ ಹೇಳಿದ್ದೇನು?

ಸದ್ಯ ಕೆಜಿಎಫ್-2 ಚಿತ್ರದ ಚಿತ್ರೀಕರಣ ನಡೆಯುತ್ತಿದೆ. ಇದರ ನಡುವೆ ಪ್ರಶಾಂತ್ ನೀಲ್ ಕೆಜಿಎಪ್-3 ಬಗ್ಗೆ ಸುಳಿವು ನೀಡಿದ್ದಾರೆ. ಈ ಬಗ್ಗೆ ಇನ್ಸ್ಟಾಗ್ರಾಮ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ. ವಿಶೇಷ ಅಂದರೆ ಮಗನ ಹೇರ್ ಸ್ಟೈಲ್ ನಲ್ಲಿ 3 ಅಂತ ಬರೆದು ಫೋಟ್ ಶೇರ್ ಮಾಡಿದ್ದಾರೆ. ಜೊತೆಗೆ "ಈ ಪೋಟೋ ಪೋಸ್ಟ್ ಮಾಡಿದ ನಂತರ ನನಗೆ ಮೋಸ್ಟ್ ವಾಂಟೆಡ್ ಪ್ರಶ್ನೆ ಅಂದರೆ ಕೆಜಿಎಫ್-3 ಸಿದ್ಧವಾಗುತ್ತಿದೆಯಾ? ದುರಾಸೆ ಜಾಸ್ತಿ. ಇದಕ್ಕೆ ಪ್ರಶಾಂತ್ ನೀಲ್ ಮಾತ್ರ ಉತ್ತರಿಸಲು ಸಾದ್ಯ" ಎಂದು ಹೇಳಿ ಅಭಿಮಾನಿಗಳ ತಲೆಯಲ್ಲಿ ಹುಳ ಬಿಟ್ಟಿದ್ದಾರೆ.

#SSMB27 ಟ್ರೆಂಡಿಂಗ್: 2020ಕ್ಕೆ ಸೆಟ್ಟೇರಲಿದೆ ಪ್ರಶಾಂತ್ ನೀಲ್ ಮತ್ತು ಮಹೇಶ್ ಬಾಬು ಸಿನಿಮಾ?

ವಿಜಯ್ ದೇವರಕೊಂಡ ಹೇಳಿದ್ದೇನು?

ದಕ್ಷಿಣ ಭಾರತೀಯ ಚಿತ್ರರಂಗದಲ್ಲಿ ಸದ್ಯ ಭಾರಿ ಸದ್ದು ಮಾಡುತ್ತಿರುವ ವಿಜಯ್ ದೇವರಕೊಂಡ ಇತ್ತೀಚಿಗೆ ಕೆಜಿಎಫ್-3 ಬಗ್ಗೆ ಮಾತನಾಡಿದ್ದಾರೆ. ಅಂದ್ಹಾಗೆ ಕಾರ್ಯಕ್ರಮವೊಂದರಲ್ಲಿ ವಿಜಯ್ ಗೆ ಯಶ್ ಅವರಿಂದ ಏನನ್ನು ಕದಿಯಲು ಬಯಸುತ್ತೀರಾ ಎಂದು ನಿರೂಪಕ ಕೇಳಿದಾಗ ನಿರ್ದೇಶಕ ಪ್ರಶಾಂತ್ ನೀಲ್ ಅವರನ್ನು ಕದಿಯುತ್ತೀನಿ. ಕೆಜಿಎಫ್-3 ಬಗ್ಗೆ ಪ್ಲಾನ್ ಮಾಡುತ್ತೀವಿ ಎಂದು ಹೇಳಿದ್ದಾರೆ. ಕೆಜಿಎಫ್-3 ಬಗ್ಗೆ ಈಗಾಗಲೆ ವಿಜಯ್ ದೇವರಕೊಂಡ ಕೂಡ ಕಣ್ಣಿಟ್ಟಿದ್ದಾರೆ. ಪ್ರಶಾಂತ್ ನೀಲ್ ಕೆಜಿಎಫ್-3 ನಿರ್ದೇಶನ ಮಾಡಿದ್ರೆ ವಿಜಯ್ ನಾಯಕನಾದರು ಅಚ್ಚರಿ ಇಲ್ಲ.

ಮೊದಲು ಕೆಜಿಎಫ್-2 ಬರಲಿ

ಪ್ರಶಾಂತ್ ನೀಲ್ ಈ ಫೋಸ್ಟ್ ಮಾಡುತ್ತಿದ್ದಂತೆ ಅಭಿಮಾನಿಗಳ ಕುತೂಹಲ ಮತ್ತಷ್ಟು ಹೆಚ್ಚಾಗಿದೆ. ಪ್ರಶಾಂತ್ ನೀಲ್ ಮುಂದಿನ ಸಿನಿಮಾ ಯಾವುದು ಎಂದು ಅನೇಕರು ಪ್ರಶ್ನಿಸುತ್ತಿದ್ದರು. ಈಗ ಪ್ರಶಾಂತ್ ಮತ್ತೆ ಕೆಜಿಎಫ್-3 ನಲ್ಲಿ ಬ್ಯುಸಿಯಾಗಲಿದ್ದಾರಾ ಎನ್ನುವ ಅನುಮಾನ ಮೂಡುತ್ತಿದೆ. ಇದಕ್ಕೆ ಅಭಿಮಾನಿಗಳು ಮೊದಲು ಕಜಿಎಫ್-3 ಬರ್ತಿದಿಯಾ ಎಂದು ಅಚ್ಚರಿ ಪಟ್ಟಿರೆ ಇನ್ನ ಕೆಲವರು ಕೆಜಿಎಫ್-2 ಸಿನಿಮಾ ಮೊದಲು ರಿಲೀಸ್ ಮಾಡಿ ನಂತರ ಪಾರ್ಟ್-3 ಬಗ್ಗೆ ಯೋಚಿಸಿ ಎನ್ನುತ್ತಿದ್ದಾರೆ.

ಕೇಕ್ ನಲ್ಲೂ ಯಶ್ ದಾಖಲೆ: ರಾಕಿ ಬರ್ತ್ ಡೇ ಗೆ ವಿಶ್ವದ ಅತಿ ದೊಡ್ಡ ಕೇಕ್

ಜನವರಿ 8ಕ್ಕೆ ಕೆಜಿಎಫ್-2 ಟೀಸರ್

ಡಿಸೆಂಬರ್ ನಲ್ಲಿ ಕೆಜಿಎಫ್-2 ಚಿತ್ರದ ಫಸ್ಟ್ ಲುಕ್ ರಿವೀಲ್ ಮಾಡಿದ್ದ ಚಿತ್ರತಂಡ ಜವರಿಯಲ್ಲಿ ಟೀಸರ್ ರಿಲೀಸ್ ಮಾಡುವ ಸಾಧ್ಯತೆ ಇದೆ. ಜನವರಿ 8 ಯಶ್ ಹುಟ್ಟುಹಬ್ಬ. ರಾಕಿಂಗ್ ಸ್ಟಾರ್ ಹುಟ್ಟುಹಬ್ಬಕ್ಕೆ ಕೆಜಿಎಫ್-2 ಚಿತ್ರದಿಂದ ಟೀಸರ್ ರಿಲೀಸ್ ಆಗಲಿದೆ ಎಂದು ಹೇಳಲಾಗುತ್ತಿದೆ. ಈಗಾಗಲೆ ರಿಲೀಸ್ ಆಗಿರುವ ಫಸ್ಟ್ ಲುಕ್ ಸಿಕ್ಕಾಪಟ್ಟೆ ಕ್ರೇಜ್ ಹುಟ್ಟುಹಾಕಿದೆ.