ಈ ವಾರದ ಮತ್ತೊಂದು ವಯಸ್ಕರ ಚಿತ್ರ ಆಶೀರ್ವಾದ

ಪ್ರೇಕ್ಷಕರ ಆಶೀರ್ವಾದಕ್ಕಾಗಿ ಕಾಯುತ್ತಿರುವ ಮತ್ತೊಂದು ಕನ್ನಡ ಚಿತ್ರ ಆಶೀರ್ವಾದ. ಈ ಚಿತ್ರವೂ ಈ ವಾರ (ಆ.2) ತೆರೆಗೆ ಅಪ್ಪಳಿಸುತ್ತಿದೆ. ಈ ವಾರದ ವಿಶೇಷ ಎಂದರೆ, ಮೂರು ಚಿತ್ರಗಳ ನಡುವೆ ತ್ರಿಕೋನ ಸ್ಪರ್ಧೆ ಏರ್ಪಟ್ಟಿದೆ. ಮೂರು ಚಿತ್ರಗಳು ವಯಸ್ಕರ ಸರ್ಟಿಫಿಕೇಟ್ ಪಡೆದ ಚಿತ್ರಗಳು ಎಂಬುದು ವಿಶೇಷ.

ಬ್ಯೂಟಿ ಕ್ವೀನ್ ವೀಣಾ ಮಲಿಕ್ ಅಭಿನಯದ ಸಿಲ್ಕ್ ಸಖತ್ ಹಾಟ್, ಸಿಂಧು ಲೋಕನಾಥ್ ಹಾಗೂ ಶ್ವೇತಾ ಪಂಡಿತ್ ಜೋಡಿಯ ಕೇಸ್ ನಂ.18/9 ಚಿತ್ರಗಳು ಸಖತ್ ಕಾಂಪಿಟೇಷನ್ ನೀಡುತ್ತಿವೆ. ಇನ್ನು ಆಶೀರ್ವಾದ ಚಿತ್ರದ ವಿಚಾರಕ್ಕೆ ಬಂದರೆ ಈ ಚಿತ್ರದ ಟ್ಯಾಗ್ ಲೈನ್ 'ಶುದ್ಧರಿಗೆ ನಮನ' ಎಂಬುದು.

ಆಶೀರ್ವಾದ ಗ್ಯಾಲರಿ

ಹಾರ್ಡ್ ವಾರೆ ವೃತ್ತಿಯಲ್ಲಿ ತೊಡಗಿಕೊಂಡಿರುವ ಸೂರ್ಯ ಮೋಹನ್ ಅವರು ಈ ಚಿತ್ರದ ನಾಯಕ ಹಾಗೂ ನಿರ್ಮಾಪಕರು. ವಿ ಮನೋಹರ್ ಚಿತ್ರದ ಸಂಗೀತ ನಿರ್ದೇಶಕರು. ನವೀನ್ ಸುವರ್ಣ ಛಾಯಾಗ್ರಾಹಕರು. ಹೈಟ್ ಮಂಜು ನೃತ್ಯ, ಕೌರವ ವೆಂಕಟೇಶ್ ಅವರ ಸಾಹಸ ಈ ಚಿತ್ರಕ್ಕಿದೆ.

ಕೆ ಆರ್ ಮೂವೀಸ್ ಅವರ ಪ್ರೇಮ ಪ್ರೀತಿ ಪ್ರಣಯ ಒಳಗೊಂಡಿರುವ ಈ 'ಆಶೀರ್ವಾದ' ಚಿತ್ರದಲ್ಲಿ ದಿಶಾ ಪೂವಯ್ಯ ನಾಯಕಿ. ಮಮತಾ ರಾವತ್ ಅವರು ಐಟಂ ಹಾಡಿನಲ್ಲಿ ಕಾಣಿಸಿಕೊಂಡಿದ್ದಾರೆ. (ಒನ್ಇಂಡಿಯಾ ಕನ್ನಡ)